Ferill 441. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 795 — 441. mál.
Svar
sjávarútvegs- og landbúnaðarráðherra við fyrirspurn frá Vilhjálmi Árnasyni
um aldurssamsetningu æðstu stjórnar ráðuneytisins og stofnana þess.
Fyrirspurnin hljóðar svo:
Hvernig er aldurssamsetning æðstu stjórnar atvinnuvega- og nýsköpunarráðuneytisins, stofnana þess og fulltrúa í nefndum og ráðum sem heyra undir sjávarútvegs- og landbúnaðarráðherra?
Aldurssamsetning æðstu stjórnar ráðuneytisins, stofnana þess og fulltrúa í nefndum og ráðum er samkvæmt meðfylgjandi töflu. Miðað er við stöðu 31. desember 2015 og náði samantektin til alls 206 einstaklinga.
Í töflunni kemur fram fjöldi einstaklinga á fimm mismunandi aldursbilum, auk heildarfjölda og meðalaldurs fyrir allt ráðuneytið annars vegar og hins vegar A-hluta stofnanir, nefndir og ráð sem heyra undir sjávarútvegs- og landbúnaðarráðherra. Til æðstu stjórnar ráðuneytisins teljast ráðherra, ráðuneytisstjóri og skrifstofustjórar, en til æðstu stjórnar stofnana teljast forstöðumenn stofnana. Í samantektinni varðandi nefndir og ráð voru eingöngu teknir aðalmenn og í þeim tilvikum þar sem sami einstaklingur er í mörgum nefndum og ráðum er viðkomandi talinn með í öllum nefndum og ráðum sem hann situr í.
Ráðuneyti | Stofnanir | Nefndir og ráð | |
Yngri en 30 ára | 0 | 0 | 0 |
30–39 ára | 1 | 0 | 30 |
40–49 ára | 1 | 0 | 46 |
50–59 ára | 3 | 2 | 57 |
60 ára og eldri | 1 | 2 | 73 |
Fjöldi | 6 | 4 | 206 |
Meðalaldur | 52 ár | 58 ár | 53 ár |