Ferill 569. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 1176 — 569. mál.
Svar
innanríkisráðherra við fyrirspurn frá Jóhönnu Maríu Sigmundsdóttur um flugvelli og framkvæmdir.
1. Hversu mikið fé var veitt til flugvalla í fjárlögum fyrir árið 2016? En í fjárlögum fyrir árið 2015? Svar óskast sundurliðað eftir flugvöllum.
Fjárveiting ríkisins til flugvalla er í fjárlagalið „06-672 Flugvellir og flugleiðsöguþjónusta“. Upphæð liðarins er í einni tölu en ekki sundurliðuð. Upphæð fjárlagaliðarins árið 2015 var 2.032,3 millj. kr. en 1.915,8 millj. kr. fyrir árið 2016.
Í þjónustusamningi milli innanríkisráðuneytisins og Isavia ohf. er fjárveitingu ríkisins skipt í viðhalds- og nýframkvæmdir annars vegar og rekstur flugvalla hins vegar. Eftirfarandi tafla sýnir skiptingu á fjárhæðum í samningnum árið 2015. Til skýringar á liðum „Aðrir lendingarstaðir umdæmi 1“ í töflunni er rétt að taka fram að umdæmi 1 nær frá Fagurhólsmýri til Vestfjarða, umdæmi 2 nær yfir Vestfirði, umdæmi 3 nær frá Hrútafirði í vestri til og með Langanesi í austri og umdæmi 4 nær frá Langanesi, í raun frá Vopnafirði, til Fagurhólsmýrar. Þá er rétt að taka fram til glöggvunar að undir línuheitinu „þriðjulandaleit“ er átt við leit á farþegum sem koma frá löndum þar sem ekki er í gildi samkomulag um gagnkvæma viðurkenningu á flugverndarráðstöfunum.
| Flugvöllur/deild | Rekstur | Framkvæmdir |
| Reykjavíkurflugvöllur | 263.400.755 | 40.450.000 |
| Akureyrarflugvöllur | 419.845.106 | 79.023.000 |
| Egilsstaðaflugvöllur | 273.309.215 | 33.200.000 |
| Ísafjarðarflugvöllur | 78.537.135 | 900.000 |
| Vestmannaeyjaflugvöllur | 83.249.350 | 13.100.000 |
| Bíldudalsflugvöllur | 21.892.221 | 5.700.000 |
| Gjögurflugvöllur | 14.922.059 | 157.800.000 |
| Húsavíkurflugvöllur | 28.764.228 | 33.890.000 |
| Þórshafnarflugvöllur | 14.725.712 | 2.850.000 |
| Grímseyjarflugvöllur | 20.812.344 | 18.900.000 |
| Hornafjarðarflugvöllur | 19.928.801 | 11.550.000 |
| Vopnafjarðarflugvöllur | 23.462.960 | 118.230.000 |
| Sauðárkróksflugvöllur | 9.817.137 | 800.000 |
| Norðfjarðarflugvöllur | 5.104.910 | 5.607.000 |
| Þingeyrarflugvöllur | 5.890.285 | 3.000.000 |
| Bakkaflugvöllur | 2.846.975 | |
| Aðrir lendingarstaðir umdæmi 1 | 11.976.916 | |
| Aðrir lendingarstaðir umdæmi 2 | 2.552.461 | |
| Aðrir lendingarstaðir umdæmi 3 | 8.246.399 | |
| Aðrir lendingarstaðir umdæmi 4 | 785.375 | |
| Sameiginlegur kostnaður innanlandsflugv. | 19.356.136 | |
| Umsjón með framkvæmdum | 14.800.000 | |
| Upplýsingaþjónusta flugmála | 30.482.224 | |
| Þriðjulandaleit Keflavíkurflugvöllur | 36.437.302 | |
| Ríkisflug – Keflavíkurflugvöllur | 96.153.994 | |
| Samtals | 1.507.300.000 | 525.000.000 |
Ekki hefur verið lokið við gerð þjónustusamnings fyrir 2016 og því hefur upphæð samningsins ekki verið skipt. Tillaga hefur verið gerð að eftirfarandi skiptingu:
| Flugvöllur/deild | Rekstur | Framkvæmdir |
| Reykjavíkurflugvöllur | 297.164.548 | 0 |
| Akureyrarflugvöllur | 444.024.507 | 10.000.000 |
| Egilsstaðaflugvöllur | 320.300.004 | 0 |
| Ísafjarðarflugvöllur | 83.500.000 | 0 |
| Vestmannaeyjaflugvöllur | 96.300.000 | 0 |
| Bíldudalsflugvöllur | 29.200.000 | 0 |
| Gjögurflugvöllur | 17.200.000 | 0 |
| Húsavíkurflugvöllur | 39.300.000 | 199.700.000 |
| Þórshafnarflugvöllur | 15.700.000 | 0 |
| Grímseyjarflugvöllur | 26.300.004 | 0 |
| Hornafjarðarflugvöllur | 24.300.000 | 0 |
| Vopnafjarðarflugvöllur | 27.400.000 | 0 |
| Sauðárkróksflugvöllur | 8.900.004 | 0 |
| Norðfjarðarflugvöllur | 5.600.004 | 80.000.000 |
| Þingeyrarflugvöllur | 4.500.000 | 0 |
| Bakkaflugvöllur | 4.300.000 | 0 |
| Aðrir lendingarstaðir umdæmi 1 | 14.800.000 | 0 |
| Aðrir lendingarstaðir umdæmi 2 | 2.400.000 | 0 |
| Aðrir lendingarstaðir umdæmi 3 | 7.000.000 | 0 |
| Aðrir lendingarstaðir umdæmi 4 | 930.000 | 0 |
| Sameiginlegur kostnaður innanlandsflugv. | 17.685.929 | 0 |
| Upplýsingaþjónusta flugmála | 31.050.000 | 0 |
| Ríkisflug – Keflavíkurflugvöllur | 97.945.000 | |
| Ýmis brýn verkefni | 10.300.000 | |
| Samtals | 1.615.800.000 | 300.000.000 |
2. Í hvað hefur það fé verið notað, sundurliðað eftir flugvöllum?
Það fjármagn sem ætlað var til reksturs flugvalla árið 2015 hefur allt verið notað samkvæmt áætlun. Á eftirfarandi yfirliti yfir framkvæmdir á flugvöllum árið 2015 má sjá heildarupphæð framkvæmda á árinu en auk fjárveitinga frá ríkinu vegna síðastliðins árs var einnig notað fjármagn frá fyrri árum. Framkvæmdatímabil vegna einstakra verkefna fylgir oft ekki almanaksárum.
| Flugvöllur/deild | Framkvæmdir |
| Reykjavíkurflugvöllur | 27.640.942 |
| Akureyrarflugvöllur | 26.247.585 |
| Egilsstaðaflugvöllur | 29.108.888 |
| Ísafjarðarflugvöllur | 1.555.158 |
| Vestmannaeyjaflugvöllur | 10.899.282 |
| Bíldudalsflugvöllur | 896.265 |
| Gjögurflugvöllur | 139.859.875 |
| Húsavíkurflugvöllur | 11.462.795 |
| Grímseyjarflugvöllur | 1.730.120 |
| Hornafjarðarflugvöllur | 2.914.273 |
| Vopnafjarðarflugvöllur | 98.446.693 |
| Sauðárkróksflugvöllur | 494.873 |
| Norðfjarðarflugvöllur | 1.206.530 |
| Þingeyrarflugvöllur | 1.712.676 |
| Samtals | 354.175.955 |
3. Hvaða framkvæmdum er lokið, við hvaða framkvæmdir er enn unnið og hverjar bíða, sundurliðað eftir flugvöllum?
Eftirfarandi tafla sýnir umfang verkefna í krónum sem áætluð voru og unnið var að á árinu 2015.
| Verkefni hafið | ||||
| Flugvöllur/deild | Lokið | Bókað 2015 | Áætlaður viðbótarkostn. | Ekki hafið |
| Reykjavíkurflugvöllur | 13.536.335 | 14.104.607 | 21.742.682 | |
| Akureyrarflugvöllur | 26.068.825 | 178.760 | 12.221.240 | 55.000.000 |
| Egilsstaðaflugvöllur | 9.823.601 | 19.285.287 | 6.800.779 | 8.600.000 |
| Ísafjarðarflugvöllur | 1.555.158 | |||
| Vestmannaeyjaflugvöllur | 5.268.077 | 5.631.205 | 2.535.425 | 2.000.000 |
| Bíldudalsflugvöllur | 896.265 | 4.900.000 | ||
| Gjögurflugvöllur | 325.000 | 139.534.875 | 15.169.744 | 2.850.000 |
| Húsavíkurflugvöllur | 11.462.795 | 13.727.205 | 8.700.000 | |
| Þórshafnarflugvöllur | 2.850.000 | |||
| Grímseyjarflugvöllur | 947.478 | 782.642 | 2.293.489 | 17.400.000 |
| Hornafjarðarflugvöllur | 2.734.705 | 179.568 | 10.820.432 | |
| Vopnafjarðarflugvöllur | 34.144.121 | 64.302.572 | 20.397.428 | 3.300.000 |
| Sauðárkróksflugvöllur | 494.873 | |||
| Norðfjarðarflugvöllur | 1.206.530 | 4.400.000 | ||
| Þingeyrarflugvöllur | 1.712.676 | 1.287.324 | ||
| Samtals | 97.000.968 | 257.174.987 | 106.995.748 | 110.000.000 |
Lokið var við verkefni að upphæð 97 millj. kr. á árinu 2015. Til viðbótar því var hafin vinna við verkefni en áætlaður heildarkostnaður við þau var 364 millj. kr. Af ýmsum ástæðum var ekki lokið við þau verkefni að fullu á árinu 2015. Stærstu verkefnin sem hér vísast til er endurnýjun raflagna og ljósabúnaðar á Gjögri og Vopnafirði en þar er stærstum hluta verkefnanna lokið, eingöngu frágangur á stýringum er eftir.
Í árslok 2015 lágu ekki fyrir tölur vegna áætlaðra verkefna að heildarupphæð 110 millj. kr. og var það að hluta til vegna þess að ekki hafði verið hafist handa við þau á árinu. Helstu verkefnin sem hér um ræðir er móttaka efnis úr Vaðlaheiðargöngum vegna væntanlegrar stækkunar flughlaðs á Akureyri og kaup á veðurbúnaði. Vegna aðstæðna í Vaðlaheiðargöngum var ekki mögulegt að flytja efni þaðan fyrr en í ársbyrjun 2016 og nýi veðurbúnaðurinn var í pöntun um áramót.
4. Hversu margir flugvellir hafa verið mjókkaðir eða stendur til að mjókka með fyrirhuguðum framkvæmdum?
Engar flugbrautir hafa verið mjókkaðar síðastliðin 10 ár og ekki stendur til að gera breytingar þar á. Á hinn bóginn hafa flugbrautarljós, sem voru of langt frá flugbrautarbrún, í einhverjum tilvikum verið færð nær brún. Það hefur verið gert til samræmis við gildandi reglur en samkvæmt reglugerð eiga flugbrautarljós að vera innan við þrjá metra frá flugbrautarbrún.
