Ferill 691. máls. Aðrar útgáfur af skjalinu: PDF - Word Perfect.


145. löggjafarþing 2015–2016.
Þingskjal 1237  —  691. mál.




Svar


um­hverfis- og auðlinda­ráð­herra við fyrirspurn frá Svandísi Svavarsdóttur um til­lögur að breytingum á byggingarreglu­gerð.


    Fyrirspurnin hljóðar svo:
     1.      Hefur farið fram kostnaðarmat á áhrifum tillagna um­hverfis- og auðlinda­ráðu­neytisins að breytingum á byggingarreglu­gerð nr. 112/2012 sem fela í sér að dregið verði úr hönnunarkröfum húsnæðis til að tryggja aðgengi allra, og ef svo er, hvað felur það kostnaðarmat í sér?
     2.      Hvaða sjónarmið telur ráð­herra að réttlætt geti til­lögur um að útiloka hluta lands­manna frá aðgengi að íbúðar­húsnæði og hvernig telur ráð­herra að þessi ákvörðun samræmist al­mennum mannréttinda- og jafnréttissjónarmiðum og ákvæðum samnings Sameinuðu þjóðanna um réttindi fatlaðs fólks sérstaklega?
     3.      Telur ráð­herra að breytingartil­lögur ráðu­neytisins varðandi byggingarreglu­gerð samræmist þeirri stefnu að aldraðir – sem sumir stríða við hreyfihömlun – búi sem lengst í heima­húsum?
     4.      Telur ráð­herra að til­lögur að breytingum samræmist gildandi lögum, þar á meðal stjórnarskrá, og alþjóðlegum skuldbindingum Íslands um réttindi fatlaðs fólks og hvernig rökstyður ráð­herra álit sitt?
    
    Ekki hefur farið fram kostnaðarmat á áhrifum þessara tillagna þar sem ákveðið hefur verið að gera ekki breytingar á þeim ákvæðum reglu­gerðarinnar er varða aðgengi. Kröfur um algilda hönnun eru óbreyttar í byggingarreglu­gerðinni.