Ferill 435. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 1267 — 435. mál.
2. umræða.
Breytingartillaga
við frumvarp til laga um almennar íbúðir.
Frá velferðarnefnd.
1. Við 1. gr.
a. Fyrri málsliður 1. mgr. orðist svo: Markmið laga þessara er að bæta húsnæðisöryggi fjölskyldna og einstaklinga, sem eru undir tekju- og eignamörkum skv. 10. gr. við upphaf leigu, með því að auka aðgengi að öruggu leiguhúsnæði og stuðla að því að húsnæðiskostnaður sé í samræmi við greiðslugetu leigjenda eða að jafnaði ekki umfram fjórðung tekna.
b. Í stað orðanna „skulu ríki og sveitarfélög veita“ í síðari málslið 1. mgr. komi: er ríki og sveitarfélögum heimilt að veita.
c. Í stað orðsins „íbúðum“ í síðari málslið 1. mgr. komi: félagsíbúðum.
d. 2. mgr. falli brott.
2. Við 2. gr.
a. 1. tölul. orðist svo: Almenn félagsíbúð: Íbúðarhúsnæði sem hlotið hefur stofnframlag, er í eigu aðila skv. 1. og 2. mgr. 10. gr. og er ætlað til leigu á viðráðanlegu verði til leigjenda sem eru undir tekju- og eignamörkum skv. 10. gr.
b. Í stað orðanna „ Almennt íbúðafélag“ í 2. tölul. komi: Húsnæðissjálfseignarstofnun.
c. Í stað orðsins „íbúða“ í 2. tölul. komi: félagsíbúða.
d. 3. og 4. tölul. falli brott.
e. 5. tölul. orðist svo: Íbúðarhúsnæði á vegum sveitarfélaga: Íbúðarhúsnæði sem sveitarfélög úthluta og er ætlað þeim sem sveitarfélögum ber sérstök lagaskylda til að veita úrlausn í húsnæðismálum.
f. Í stað orðsins „íbúðum“ í 6. tölul. komi: félagsíbúðum.
g. 7. tölul. orðist svo: Stofnframlag sveitarfélags: Framlag sem sveitarfélag veitir aðilum skv. 1. og 2. mgr. 10. gr., er jafnframt fá stofnframlag ríkisins, til kaupa eða byggingar á almennum félagsíbúðum.
h. Í stað orðanna „almennra íbúða“ í 8. tölul. komi: almennrar félagsíbúðar.
i. Á eftir orðinu „kaupverð“ í 8. tölul. komi: og annar kostnaður við kaup.
3. Á eftir orðinu „Íbúðalánasjóður“ í síðari málslið 3. gr. komi: og sveitarfélög.
4. 4. gr. orðist svo ásamt fyrirsögn:
Húsnæðissjálfseignarstofnanir.
Samþykktir eða skipulagsskrá húsnæðissjálfseignarstofnunar skal hafa hlotið staðfestingu ráðherra áður en hún hefur starfsemi sína. Stjórn húsnæðissjálfseignarstofnunar skal tilkynna ráðherra um stofnun hennar eigi síðar en sex mánuðum frá dagsetningu stofnskjals. Að lokinni staðfestingu skal ráðherra framsenda tilkynningu til skráningar hjá sjálfseignarstofnanaskrá. Þá skulu meiri háttar breytingar á samþykktum eða skipulagsskrá háðar staðfestingu ráðherra, þ.m.t. breytingar á tilgangi stofnunarinnar.
Húsnæðissjálfseignarstofnun skal bera orðið húsnæðissjálfseignarstofnun í heiti sínu eða skammstöfunina hses.
5. Við 5. gr.
a. 1. og 2. mgr. falli brott.
b. Í stað orðanna „almenns íbúðafélags“ í 1. málsl. 3. mgr. komi: húsnæðissjálfseignarstofnunar.
c. Orðið „félags“ í 1., 2., 3. og 17. tölul. 3. mgr. falli brott.
d. Á eftir 3. tölul. 3. mgr. komi tveir nýir töluliðir, svohljóðandi:
4. Stofnfé.
5. Hvort stofnunin skal taka við öðrum fjármunum en reiðufé þegar hún er stofnuð.
e. 5., 7. og 8. tölul. 3. mgr. falli brott.
f. 6. tölul. 3. mgr. orðist svo: Hlutverk stjórnar, fjölda stjórnarmanna, starfstíma þeirra og hvernig kjör þeirra skal fara fram, svo og hvernig háttað skal vali nýs stjórnarmanns í lausa stöðu.
g. Í stað orðsins „félagsins“ í 12. tölul. 3. mgr., orðsins „félags“ í 15., 16., 18. og 19. tölul. 3. mgr. og orðsins „félagsins“ í 20. tölul. 3. mgr. komi: stofnunarinnar; og í stað orðsins „því“ í 20. tölul. 3. mgr. komi: henni.
h. Á eftir 13. tölul. 3. mgr. komi nýr töluliður, svohljóðandi: Hvert reikningsárið skal vera.
i. Í stað orðsins „íbúða“ í 14. tölul. 3. mgr. komi: félagsíbúða.
j. Í stað orðanna „almennt íbúðafélag“ í 4. mgr. komi: húsnæðissjálfseignarstofnun.
k. Fyrirsögn greinarinnar verði: Samþykktir.
6. 6. gr. orðist svo ásamt fyrirsögn:
Stjórn.
Hvort kyn skal eiga fulltrúa í stjórn þegar stjórn er skipuð þremur mönnum og þegar stjórnarmenn eru fleiri en þrír skal tryggt að hlutfall hvors kyns sé ekki lægra en 40%.
Stjórnarmenn geta hvorki gegnt stöðu framkvæmdastjóra né átt sæti í fulltrúaráði.
7. 7. gr. falli brott.
8. 8. gr., sem verði 7. gr., orðist svo:
Í húsnæðissjálfseignarstofnun skal vera fulltrúaráð skipað a.m.k. tólf mönnum.
Minnst þriðjungur fulltrúaráðsmanna skal vera úr hópi leigjenda hjá húsnæðissjálfseignarstofnuninni sé þess kostur.
Fulltrúaráðsmaður getur hvorki verið stjórnarmaður né framkvæmdastjóri húsnæðissjálfseignarstofnunarinnar.
9. 9. gr., sem verði 8. gr., orðist svo ásamt fyrirsögn:
Viðhaldssjóður.
Greiðslur í viðhaldssjóð skulu duga til að hann standi undir fyrirsjáanlegum kostnaði skv. 1. mgr.
Í sérstökum tilvikum má að fengnu samþykki Íbúðalánasjóðs nota viðhaldssjóð til að greiða fyrir tap sem verður vegna vangoldinna leigugreiðslna, tjón á íbúðum sem ekki fæst bætt með öðrum hætti eða tap á rekstri húsnæðissjálfseignarstofnunar.
Ráðherra setur í reglugerð nánari ákvæði um viðhaldssjóð, þar á meðal um greiðslur í sjóðinn og sérstök tilvik skv. 3. mgr.
10. 10. gr. falli brott.
11. 11. gr., sem verði 9. gr., orðist svo ásamt fyrirsögn:
Slit stofnunar.
Við slit stofnunarinnar skal framselja eignir, sem eftir standa þegar skuldir hafa verið greiddar, til Húsnæðismálasjóðs, sbr. 4. tölul. 4. mgr. 21. gr.
Þegar stofnun hefur verið slitið skal fráfarandi stjórn tilkynna það til ráðherra. Að lokinni staðfestingu á slitum skal ráðherra framsenda tilkynningu um slit til sjálfseignarstofnanaskrár og stofnunin afskráð hjá sjálfseignarstofnanaskrá.
12. Fyrirsögn II. kafla verði: Húsnæðissjálfseignarstofnanir.
13. Við 12. gr., sem verði 10. gr.
a. Í stað 1.–5. mgr. komi sex nýjar málsgreinar, svohljóðandi:
Íbúðalánasjóði og sveitarfélögum er heimilt að veita stofnframlög vegna byggingar eða kaupa íbúðarhúsnæðis sem ætlað er leigjendum sem eru undir tekju- og eignamörkum skv. 6. og 7. mgr. til:
1. Húsnæðissjálfseignarstofnana.
2. Sveitarfélaga og lögaðila sem eru alfarið í eigu sveitarfélaga.
3. Lögaðila sem voru starfandi við gildistöku laga þessara og uppfylltu skilyrði til að fá lán frá Íbúðalánasjóði skv. 37. gr. laga um húsnæðismál eins og ákvæðið var fyrir gildistöku laga þessara.
Heimilt er með samþykki ráðherra að veita stofnframlög til annarra lögaðila en í 1. mgr. greinir ef þeir eru ekki reknir í hagnaðarskyni og það samræmist tilgangi og markmiðum laga þessara.
Óheimilt er að veita stofnframlag vegna íbúðarhúsnæðis ef bygging þess hefur hafist áður en sótt er um stofnframlag til Íbúðalánasjóðs eða sveitarfélags eða húsnæðið hefur verið keypt meira en fjórum vikum áður en sótt er um stofnframlag til Íbúðalánasjóðs eða sveitarfélags.
Ef andvirði almennrar félagsíbúðar er nýtt til byggingar eða kaupa á íbúð, sbr. 1. mgr. 15. gr., verður aðeins veitt stofnframlag, að fengnu samþykki Íbúðalánasjóðs og sveitarfélags, vegna þess hluta stofnvirðis nýju íbúðarinnar sem er umfram andvirði hinnar seldu almennu félagsíbúðar.
Lán sem tekin eru til kaupa eða byggingar á almennri félagsíbúð skulu ekki vera til lengri tíma en 50 ára. Ekki má lengja lánstíma umfram 50 ár með framlengingum eða endurfjármögnun lána eða öðrum hætti.
Árstekjur leigjenda almennra félagsíbúða við upphaf leigu skulu ekki nema hærri fjárhæð en 4.749.000 kr. fyrir hvern einstakling en 6.649.000 kr. fyrir hjón og sambúðarfólk. Við þá fjárhæð bætast 1.187.000 kr. fyrir hvert barn að 20 ára aldri sem býr á heimilinu. Með tekjum er í lögum þessum átt við allar tekjur skv. II. kafla laga um tekjuskatt samkvæmt skattframtali síðasta árs, staðfestu af ríkisskattstjóra, að teknu tilliti til frádráttar skv. 1., 3., 4. og 5. tölul. A-liðar 1. mgr. og 2. mgr. 30. gr. og frádráttar skv. 31. gr. sömu laga.
b. Í stað orðanna „Heildareign leigjenda almennra íbúða“ í 6. mgr. komi: Samanlögð heildareign leigjenda almennra félagsíbúða.
c. Í stað fjárhæðarinnar „4.673.000 kr.“ í 6. mgr. komi: 5.126.000 kr.
d. 8. mgr. falli brott.
14. Við 13. gr., sem verði 11. gr.
a. Orðin „vegna almennra íbúða“ í fyrri málslið 1. mgr. og fyrirsögn falli brott.
b. Í stað orðsins „íbúðar“ í 1. mgr., orðsins „íbúð“ í 1., 3. og 5. mgr. og orðsins „íbúða“ í 6. mgr. komi: félagsíbúðar; félagsíbúð; og: félagsíbúða.
c. Á eftir fyrri málslið 1. mgr. komi nýr málsliður, svohljóðandi: Sé endanlegt stofnvirði hærra en umsókn gerði ráð fyrir skal þó miða við áætlað stofnvirði samkvæmt umsókn.
d. Á eftir 1. mgr. komi tvær nýjar málsgreinar, svohljóðandi:
Heimilt er að veita allt að fjögurra prósentustiga viðbótarframlag frá ríkinu vegna íbúðarhúsnæðis á vegum sveitarfélaga og vegna íbúðarhúsnæðis sem ætlað er námsmönnum eða öryrkjum.
Heimilt er að veita allt að sex prósentustiga viðbótarframlag frá ríkinu vegna íbúða á svæðum þar sem skortur er á leiguhúsnæði og bygging íbúða hefur verið í lágmarki eða sérstök vandkvæði eru á því að fá fjármögnun á almennum markaði. Íbúðalánasjóður getur óskað umsagnar Byggðastofnunar við mat á slíkum aðstæðum.
e. 4. mgr. orðist svo:
Þegar stofnframlag er í formi vaxtaniðurgreiðslu skal greiðsla hennar hefjast þegar afborgun af láni hefst og skal hætt þegar vaxtaniðurgreiðslan nemur samtals 18%, að viðbættum viðbótarframlögum skv. 2. og 3. mgr. ef við á, núvirt af stofnvirði almennrar félagsíbúðar.
f. Síðari málsliður 6. mgr. orðist svo: Ekki má þó krefjast endurgreiðslu viðbótarframlaga skv. 2. og 3. mgr., sbr. þó 1. og 2. mgr. 15. gr.
g. 7. mgr. orðist svo:
Ráðherra setur með reglugerð frekari ákvæði um stofnframlög ríkisins, þar á meðal um viðbótarframlög skv. 2. og 3. mgr., lágmarksfjölda almennra félagsíbúða, gerð almennra félagsíbúða, stærðir þeirra, viðmið um ákvörðun leigufjárhæðar, hagkvæmni, verð og byggingarkostnað, úrræði til þess að tryggja sem lægst leiguverð og þinglýsingu leigusamninga, svo og hvenær krafist verði endurgreiðslu stofnframlags skv. 8. mgr.
15. Við 14. gr., sem verði 12. gr.
a. Í stað orðanna „efnaminni leigjendur“ í 2. málsl. 2. mgr. komi: leigjendur sem eru undir tekju- og eignamörkum skv. 10. gr.
b. Í stað orðanna „almennra íbúða“ í 1. málsl. 2. mgr. og orðsins „íbúðum“ í 2. málsl. 2. mgr. komi: almennra félagsíbúða; og: félagsíbúðum.
c. Í stað orðanna „fyrir veitingu stofnframlags sveitarfélags“ í 3. mgr. komi: á að stofnframlag verði veitt.
16. Við 15. gr., sem verði 13. gr.
a. Orðin „þannig að ásættanlegt sé“ í 2. málsl. 1. mgr. falli brott.
b. Í stað orðanna „efnaminni leigjendur“ í 2. og 3. málsl. 1. mgr. komi: leigjendur sem eru undir tekju- og eignamörkum skv. 10. gr.
c. Á eftir orðunum „taka mið af“ í lokamálslið 1. mgr. komi: byggðasjónarmiðum.
d. Í stað orðanna „almennum íbúðum sem uppfylla skilyrði 5. tölul. 2. gr.“ í fyrri málslið 2. mgr. komi: íbúðarhúsnæði á vegum sveitarfélaga.
e. 3. mgr. falli brott.
17. Við 16. gr., sem verði 14. gr.
a. Orðin „vegna almennra íbúða“ í 1. málsl. 1. mgr. falli brott.
b. Í stað orðsins „íbúðar“ í 1. málsl. 1. mgr., orðsins „íbúð“ í 2. mgr. og orðsins „íbúða“ í fyrri málslið 4. mgr. komi: félagsíbúðar; félagsíbúð; og: félagsíbúða.
c. Í stað 2. málsl. 1. mgr. komi tveir nýir málsliðir, svohljóðandi: Sé endanlegt stofnvirði hærra en umsókn gerði ráð fyrir skal þó miða við áætlað stofnvirði samkvæmt umsókn. Stofnframlagið getur falist í beinu framlagi, úthlutun lóðar eða lækkun eða niðurfellingu á gjöldum sem umsækjanda ber að standa skil á til sveitarfélagsins vegna íbúðanna.
d. Á eftir 1. mgr. komi ný málsgrein, svohljóðandi:
Heimilt er að veita allt að fjögurra prósentustiga viðbótarframlag frá sveitarfélagi vegna íbúða á svæðum þar sem skortur er á leiguhúsnæði og bygging íbúða hefur verið í lágmarki eða sérstök vandkvæði eru á því að fá fjármögnun á almennum markaði.
e. Í stað orðanna „samþykkt umsóknar “ í 2. mgr. komi: samþykkt Íbúðalánasjóðs á umsókn um stofnframlag ríkisins.
f. Orðin „til almenns íbúðafélags“ í 1. málsl. 3. mgr. falli brott.
g. Í stað orðanna „fulltrúaráði almenns íbúðafélags“ í 1. málsl. 3. mgr. komi: eftir atvikum fulltrúaráði þess lögaðila.
h. 2. málsl. 3. mgr. falli brott.
i. Síðari málsliður 4. mgr. falli brott.
j. Orðin „þannig að ásættanlegt sé“ í 2. málsl. 5. mgr. falli brott.
k. Í stað orðanna „efnaminni leigjendur“ í 2. málsl. 5. mgr. komi: leigjendur sem eru undir tekju- og eignamörkum skv. 10. gr.
l. 6. mgr. falli brott.
m. Á eftir orðunum „m.a. um“ í fyrri málslið 8. mgr. komi: viðbótarframlög skv. 2. mgr.
18. Við 17. gr., sem verði 15. gr.
a. Í stað 1. og 2. mgr. komi þrjár nýjar málsgreinar, svohljóðandi:
Óheimilt er að selja almennar félagsíbúðir nema með samþykki Íbúðalánasjóðs. Við söluna ber þegar að endurgreiða ríkissjóði og viðkomandi sveitarfélagi í einu lagi stofnframlag sem veitt hefur verið vegna íbúðarinnar. Íbúðalánasjóður getur þó heimilað frestun á endurgreiðslu í allt að ár og ber endurgreiðslukrafan á meðan vexti skv. 1. málsl. 4. gr. laga um vexti og verðtryggingu, nr. 38/2001. Ef andvirðið er notað til byggingar eða kaupa á íbúðarhúsnæði sem nota á í sama tilgangi innan þess tíma þarf ekki að endurgreiða stofnframlag eða greiða vexti. Íbúðalánasjóður getur jafnframt heimilað eiganda almennra félagsíbúða að færa sérstakt stofnframlagabókhald. Eigandinn skal þá minnst árlega gera upp stofnframlög gagnvart Íbúðalánasjóði og viðkomandi sveitarfélagi.
Ef notkun almennrar félagsíbúðar er breytt að verulegu leyti eða íbúðin er leigð öðrum en leigjanda sem er undir tekju- og eignamörkum skv. 10. gr. við upphaf leigutíma ber þegar að endurgreiða ríkissjóði og viðkomandi sveitarfélagi í einu lagi stofnframlag sem veitt hefur verið vegna íbúðarinnar, sbr. þó 5. mgr. 18. gr. Einnig geta Íbúðalánasjóður og sveitarfélög þegar krafist endurgreiðslu í einu lagi á stofnframlagi sem veitt hefur verið ef önnur skilyrði fyrir úthlutun almennra félagsíbúða eru ekki uppfyllt, eigandi íbúðar víkur frá viðmiðum um ákvörðun leigu skv. 17. gr. eða verður uppvís að lögbroti í starfsemi sinni.
Hafi verið gerð krafa um endurgreiðslu stofnframlaga af hálfu ríkis eða sveitarfélags skv. 8. mgr. 11. gr. eða 5. mgr. 14. gr. skal endurgreiðslum hagað þannig að greiðslubyrði verði sambærileg og greiðslubyrði af lánum var að jafnaði á lánstíma. Íbúðalánasjóður setur upp endurgreiðsluáætlun í samráði við eiganda íbúðar. Sjóðurinn annast innheimtu endurgreiðslunnar fyrir ríkissjóð og sveitarfélag nema sveitarfélag óski eftir að innheimta sinn hluta sjálft. Krafan ber vexti skv. 1. málsl. 4. gr. laga um vexti og verðtryggingu, nr. 38/2001, frá næstu mánaðamótum eftir að lán er upp greitt.
b. Í stað orðsins „ríkissjóð“ í fyrri málslið 3. mgr. komi: Húsnæðismálasjóð.
c. Síðari málsliður 3. mgr. orðist svo: Þá fjármuni sem sveitarfélag fær endurgreidda skal nýta til veitingar frekari stofnframlaga sé þörf á fleiri almennum félagsíbúðum í sveitarfélaginu.
d. 1. málsl. 4. mgr. orðist svo: Endurgreiðsla á stofnframlagi skal nema sama hlutfalli af verði almennrar félagsíbúðar við endurgreiðslu og stofnframlag nam af stofnvirði almennra félagsíbúða.
e. Í stað orðsins „íbúðar“ í 2. málsl. 4. mgr. komi: félagsíbúðar.
f. Lokamálsliður 4. mgr. falli brott.
g. Í stað orðsins „íbúð“ í 5. og 6. mgr. og „íbúðina“ í 6. mgr. komi: fasteign; og: fasteignina.
h. Við bætist ný málsgrein, svohljóðandi:
Ráðherra setur í reglugerð nánari fyrirmæli um framkvæmd þessarar greinar, þar á meðal um hvenær Íbúðalánasjóður veiti samþykki fyrir sölu almennrar félagsíbúðar, um stofnframlagabókhald og hvernig endurgreiðslu stofnframlaga skuli háttað.
19. Við 18. gr., sem verði 16. gr.
a. Í stað orðsins „íbúðir“ í 1. mgr. og fyrirsögn, og orðsins „íbúða“ í 3. mgr. komi: félagsíbúðir; og: félagsíbúða.
b. Í stað orðanna „svo hagkvæmar sem frekast er kostur“ í 1. mgr. komi: eins hagkvæmar og aðstæður leyfa.
c. 2. mgr. orðist svo:
Almennar félagsíbúðir skulu útbúnar og innréttaðar í samræmi við kröfur tímans og tekið skal mið af nýtingarþörfum til framtíðar litið eftir því sem við á.
20. 19. gr., sem verði 17. gr., orðist svo:
Leigufjárhæð fyrir almennar félagsíbúðir skal ákveðin þannig að rekstur eiganda íbúðanna sé sjálfbær og hann geti staðið í skilum á greiðslum sem honum ber að inna af hendi á grundvelli laga þessara, þar á meðal greiðslum í viðhaldssjóð og Húsnæðismálasjóð. Ákvæði þetta á ekki við um sveitarfélög og lögaðila með ótakmarkaðri ábyrgð sveitarfélags.
Eigendum almennra félagsíbúða er heimilt að krefjast afrita síðustu þriggja skattframtala leigjenda í því skyni að ákveða leigu þeirra, sbr. 3. mgr.
Ráðherra skal árlega setja í reglugerð viðmið um ákvörðun leigufjárhæðar fyrir almennar félagsíbúðir, þar á meðal um heimild til að reikna álag á leigu ef leigjandi er umfram tekju- eða eignaviðmið skv. 10. gr. í samfellt þrjú ár.
21. Við 20. gr., sem verði 18. gr.
a. Í stað 1. mgr. komi tvær nýjar málsgreinar, svohljóðandi:
Almennum félagsíbúðum skal einungis úthlutað til leigjenda sem eru undir tekju- og eignamörkum skv. 10. gr.
Eigandi almennra félagsíbúða annast úthlutun þeirra. Honum er þó heimilt að semja við það sveitarfélag sem íbúðirnar eru í um að annast úthlutunina.
b. Í stað orðsins „íbúða“ fimm sinnum í 2. mgr. og í 3. og 6. mgr. og fyrirsögn, orðsins „íbúðir“ í 3. og 4. mgr., orðsins „íbúðar“ í 4. mgr. og orðsins „íbúð“ í 5. mgr. komi: félagsíbúða; félagsíbúðir; félagsíbúðar; og: félagsíbúð.
c. Á eftir orðinu „skulu“ í 3. málsl. 2. mgr. komi: að jafnaði.
d. Í stað orðanna „efnaminni leigjanda“ í fyrri málslið 4. mgr. komi: leigjanda sem er undir tekju- og eignamörkum skv. 10. gr.
e. Á eftir fyrri málslið 4. mgr. komi nýr málsliður, svohljóðandi: Heimilt er að krefjast markaðsleigu.
22. Í stað orðsins „íbúða“ í 21. gr., sem verði 19. gr., og í fyrirsögn komi: félagsíbúða.
23. Í stað orðsins „íbúðir“ í fyrirsögn IV. kafla komi: félagsíbúðir.
24. Við 22. gr., sem verði 20. gr.
a. 1. og 4. mgr. falli brott.
b. 2. mgr. orðist svo:
Ákvæði 17. gr. um ákvörðun leigufjárhæðar og 18. gr. um úthlutun almennra félagsíbúða eiga ekki við um almennar félagsíbúðir sem nýttar eru sem íbúðarhúsnæði á vegum sveitarfélaga, sbr. 3. tölul. 2. gr.
c. Í stað orðsins „íbúðum“ í 1. málsl. 3. mgr. komi: félagsíbúðum.
d. Lokamálsliður 3. mgr. falli brott.
25. 23. gr. falli brott.
26. Orðin „og annarra félaga“ í fyrirsögn V. kafla falli brott.
27. Við 24. gr., sem verði 21. gr.
a. Í stað orðsins „íbúðakerfisins“ í 1. málsl. 1. mgr. komi: félagsíbúðakerfisins.
b. Í stað orðanna „stærstu heildarsamtök launafólks tilnefna“ í 2. málsl. 2. mgr. komi: heildarsamtök launafólks tilnefna sameiginlega.
c. Við 3. málsl. 2. mgr. bætist: og skal atkvæði hans ráða úrslitum ef atkvæði falla jöfn.
d. 4. mgr. falli brott.
e. 5. mgr. orðist svo:
Eigendur almennra félagsíbúða skulu greiða sjóðnum:
1. Endurgreiðslur á stofnframlögum ríkisins, ef við á, sbr. 4. mgr. 15. gr.
2. 40% af leigugreiðslum af almennum félagsíbúðum, eftir að dreginn hefur verið frá kostnaður vegna reksturs þeirra, þegar lán sem upphaflega voru tekin til fjármögnunar á kaupum eða byggingu þeirra hafa verið greidd upp og stofnframlög endurgreidd, ef við á. Þrátt fyrir 1. málsl. skal ekki greiða í sjóðinn þegar lán skv. 1. málsl. eru endurfjármögnuð enda haldist veðhlutfall íbúðarinnar óbreytt eða lægra.
3. Hagnað af sölu almennra félagsíbúða nema í þeim tilvikum þegar andvirði almennrar félagsíbúðar sem er seld er notað til kaupa á íbúðarhúsnæði sem nota á í sama tilgangi, sbr. 1. mgr. 15. gr.
4. Andvirði eigna sem eftir standa þegar skuldir hafa verið greiddar við slit eigandans.
f. 6. mgr. falli brott.
g. Í stað 7. mgr. komi tvær nýjar málsgreinar, svohljóðandi:
Fjármunir sjóðsins skulu nýttir til að standa undir stofnframlögum ríkisins.
Aðilar skv. 1. og 2. mgr. 10. gr. geta sótt um styrki til Húsnæðismálasjóðs til:
1. Endurbóta og endurbyggingar almennra íbúða, annarra en þeirra sem teljast til almenns viðhalds. Styrkur til hvers verkefnis má í mesta lagi nema 60% af kostnaði við verkefnið sem sótt er um styrk til.
2. Rekstraraðstoðar, ef eigandi almennra félagsíbúða er í fjárhagsvanda og fyrirsjáanlegt er að hann getur ekki staðið í skilum án styrkjanna.
h. 8. mgr. orðist svo:
Eigendur almennra félagsíbúða eiga forgangsrétt til styrkja skv. 6. mgr. sem nema 60% af þeim fjármunum sem viðkomandi aðili hefur greitt til sjóðsins skv. 2. og 3. tölul. 4. mgr.
i. 9. og 10. mgr. falli brott.
j. Á eftir orðinu „Húsnæðismálasjóðs“ í 11. mgr. komi: þar á meðal greiðslur í sjóðinn.
28. Við 25. gr., sem verði 22. gr.
a. 1. mgr. orðist svo:
Íbúðalánasjóður hefur eftirlit með húsnæðissjálfseignarstofnunum, almennum félagsíbúðum í eigu sveitarfélaga og almennum félagsíbúðum í eigu annarra lögaðila samkvæmt ákvæðum laga þessara.
b. 2. mgr. orðist svo:
Eigendur almennra félagsíbúða skulu árlega senda Íbúðalánasjóði og því sveitarfélagi sem veitt hefur stofnframlög vegna íbúðanna, hafi þau ekki verið endurgreidd, ársreikning sinn, ásamt skýrslu stjórnar, áritun endurskoðenda og upplýsingum um hvenær ársreikningurinn var samþykktur, auk skýrslu um rekstur íbúðanna þar sem skal m.a. fjalla um kaup og byggingu almennra félagsíbúða, úthlutun almennra félagsíbúða og ákvörðun leigufjárhæðar. Í kjölfar skilanna skal Íbúðalánasjóður eiga árlegan fund með hverjum eiganda almennrar félagsíbúðar þar sem fjallað skal um málefni er varða íbúðir í eigu aðilans. Birta skal fundargerð fundarins á vef Íbúðalánasjóðs.
c. Í stað orðanna „almenn íbúðafélög“ í fyrri málslið 3. mgr. og orðanna „almennum íbúðafélögum“ í síðari málslið 3. mgr. komi: húsnæðissjálfseignarstofnanir; og: húsnæðissjálfseignarstofnunum.
d. Í stað orðsins „félög“ í fyrri málslið 3. mgr. komi: lögaðila.
e. Í stað orðsins „íbúða“ í fyrri málslið 4. mgr. og fyrirsögn, orðsins „íbúðanna“ í síðari málslið 4. mgr. og orðsins „íbúðum“ í 6. mgr. komi: félagsíbúða; félagsíbúðanna; og: félagsíbúðum.
f. Við 5. mgr. bætist þrír nýir málsliðir, svohljóðandi: Fari eigandi íbúðanna ekki að tilmælum eftirlitsmanns og hann telur fullreynt að koma rekstri eigandans í viðunandi horf skal Íbúðalánasjóður krefjast skipta á búi eigandans. Ráðherra setur nánari fyrirmæli um meðferð slíkra mála í reglugerð. Ákvæði þetta á ekki við um sveitarfélög.
g. Við 6. mgr. bætist þrír nýir málsliðir, svohljóðandi: Sá eftirlitsaðili sem tilnefndur er af hálfu viðkomandi sveitarfélags skal hafa ótakmarkaðan aðgang að verkbókhaldi vegna almennra félagsíbúða á framkvæmda- og byggingarstigi og rétt til þess að sitja verkfundi þar sem fjallað er um framvindu byggingarinnar. Eftirlitsaðili getur einnig kallað eftir sérgreindum úttektum á framkvæmdartíma og skal fara um þær úttektir eins og áfangaúttektir samkvæmt mannvirkjalögum. Eftirlitsaðili er bundinn þagnarskyldu um upplýsingar sem auðkenndar eru sem trúnaðarmál á grundvelli laga eða annarra reglna eða þegar að öðru leyti er nauðsynlegt að halda þeim leyndum til að vernda verulega almanna- eða einkahagsmuni.
29. Í stað orðanna „Almenn íbúðafélög skulu undanþegin“ í 28. gr., sem verði 25. gr., komi: Húsnæðissjálfseignarstofnanir skulu undanþegnar.
30. Við 29. gr., sem verði 26. gr.
a. Í stað orðanna „almenns íbúðafélags“ í 1. tölul. 1. mgr. komi: húsnæðissjálfseignarstofnunar.
b. Á eftir 1. tölul. komi nýr töluliður, svohljóðandi: viðhaldssjóð skv. 8. gr.
c. Í stað orðsins „skilyrði“ í 2. tölul. komi: stofnframlag í formi vaxtaniðurgreiðslu og skilyrði.
d. Á eftir 4. tölul. komi nýr töluliður, svohljóðandi: hvenær Íbúðalánasjóður veiti samþykki fyrir sölu almennrar félagsíbúðar og hvernig endurgreiðslu stofnframlaga skuli háttað skv. 15. gr.
e. 6. tölul. orðist svo: úthlutun almennra félagsíbúða skv. 18. gr.
f. Við bætist nýr töluliður, svohljóðandi: eftirlit skv. 22. gr.
31. 30. gr., sem verði 27. gr., orðist svo:
Lög þessi öðlast þegar gildi.
Ákvæði laga þessara skal endurskoða eigi síðar en 10 árum frá gildistöku.
32. Við 31. gr., sem verði 28. gr.
a. Í stað orðsins „íbúðir“ í a- og b-lið og 1. tölul. c-liðar komi: félagsíbúðir.
b. Efnismálsgrein 2. tölul. c-liðar orðist svo:
Þrátt fyrir ákvæði 4. mgr. er sveitarfélögum og leigufélögum í eigu þeirra heimilt að framselja íbúð á markaðsvirði, sem veitt hefur verið lán til skv. 1. mgr., til aðila skv. 1. og 2. mgr. 10. gr. laga um almennar félagsíbúðir án þess að lánið sé greitt upp eða stjórn Íbúðalánasjóðs hafi veitt samþykki sitt fyrir framsalinu, enda uppfylli aðilinn þau skilyrði sem sett eru samkvæmt þessum kafla. Sé áhvílandi lán umfram 90% af fasteignamati íbúðar helst ábyrgð sveitarfélags óbreytt á þeim hluta skuldar sem er umfram 90% af fasteignamati.
c. D-liður orðist svo: 38. gr. laganna orðast svo, ásamt fyrirsögn:
Þátttaka sveitarfélaga í leigufélögum og húsnæðissjálfseignarstofnunum.
Lögaðili sem sveitarfélag er aðili að skv. 1. mgr. má ekki vera rekinn í hagnaðarskyni. Lögaðilinn skal enn fremur hafa það langtímamarkmið að byggja, kaupa, eiga og hafa umsjón með rekstri íbúða sem leigðar eru út í samvinnu við hlutaðeigandi sveitarfélag og starfa samkvæmt húsaleigulögum.
Sveitarstjórn er heimilt að leggja leigufélagi eða húsnæðissjálfseignarstofnun til íbúðir í eigu sveitarfélags, ásamt þeim skuldbindingum sem þeim fylgja.
33. Við bætist tvö ný ákvæði til bráðabirgða, svohljóðandi:
a. (II.)
Þrátt fyrir ákvæði 2. mgr. 10. gr. er heimilt að veita stofnframlög vegna byggingar íbúða sem er hafin fyrir gildistöku laga þessara, hafi viðkomandi ekki fengið lán samkvæmt 37. gr. laga um húsnæðismál. Hafi sveitarfélag úthlutað byggingaraðila lóð er heimilt að líta á andvirði hennar sem stofnframlag sveitarfélags, þrátt fyrir að úthlutun hafi farið fram fyrir gildistöku laga þessara.
b. (III.)
Þrátt fyrir ákvæði 28. gr. er Íbúðalánasjóði heimilt að samþykkja umsóknir um lán skv. 37. gr. laga um húsnæðismál, eins og ákvæðið var fyrir gildistöku laga þessara, fram til 1. janúar 2018. Sjóðnum er heimilt að greiða út lán eftir það tímamark hafi umsókn verið samþykkt fyrir 1. janúar 2018.
34. Fyrirsögn frumvarpsins verði: Frumvarp til laga um almennar félagsíbúðir.
