Ferill 515. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 1287 — 515. mál.
Svar
fjármála- og efnahagsráðherra við fyrirspurn frá Elsu Láru Arnardóttur um uppgjör lífeyrisskuldbindinga hjúkrunar- og dvalarheimila.
Fyrirspurnin hljóðar svo:
Eru viðræður hafnar milli fjármála- og efnahagsráðuneytis og Sambands íslenskra sveitarfélaga um uppgjör lífeyrisskuldbindinga hjúkrunar- og dvalarheimila, sem stofnuð eru af sveitarfélögum eða rekin á ábyrgð þeirra, og ef svo er, hvenær er áætlað að þeim ljúki? Ef viðræður eru ekki hafnar, hvers vegna er það svo og hvenær er áætlað að þær hefjist?
Starfshópur um ábyrgð lífeyrisskuldbindinga ríkis og sveitarfélaga var skipaður 11. febrúar sl. og veitir Magnús Pétursson, fyrrverandi ráðuneytisstjóri fjármálaráðuneytis, honum formennsku. Gert er ráð fyrir að starfshópurinn skili af sér áfangaskýrslu fyrir 1. júní nk. og tillögum um hvernig staðið verði að fjárhagslegu uppgjöri eigi síðar en í árslok 2016.