Ferill 770. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 1299 — 770. mál.
Fyrirspurn
til heilbrigðisráðherra um heimilismenn á hjúkrunarheimilum.
Frá Svandísi Svavarsdóttur.
1. Hversu margir dvelja nú á hjúkrunarheimilum? Óskað er eftir yfirliti yfir hjúkrunarheimili landsins og fjölda einstaklinga á hverju hjúkrunarheimili.
2. Hver er aldursdreifing og kyn heimilismanna á hjúkrunarheimilum? Óskað er upplýsinga um þróunina undanfarin 20 ár.
3. Hver er þróun biðlista eftir rými á hjúkrunarheimili? Hversu lengi bíður fólk að meðaltali eftir rými og hver er staða biðlista eftir landshlutum?
4. Hver hefur þróunin verið undanfarin tíu ár á fjölda fólks sem er á biðlista eftir hjúkrunarrými en andast áður en það fær kost á vist?
5. Hver eru áform ráðherra um að fullnægja þörf fyrir hjúkrunarrými á Íslandi?
Skriflegt svar óskast.
