Ferill 796. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 1377 — 796. mál.
Frumvarp til laga
um niðurfellingu laga um Félagsmálaskóla alþýðu, nr. 60/1989, með síðari breytingum.
Flm.: Guðlaugur Þór Þórðarson, Vigdís Hauksdóttir.
1. gr.
Lög um Félagsmálaskóla alþýðu, nr. 60/1989, falla brott.
2. gr.
Lög þessi öðlast þegar gildi.
Ákvæði til bráðabirgða.
Við gildistöku laga þessara skal eignum Félagsmálaskóla alþýðu skipt og þeim úthlutað í samræmi við stofnkostnaðarframlög. Skiptum og úthlutun eigna skal lokið fyrir árslok 2017.
Greinargerð.
Með frumvarpi þessu er lagt til að lög um Félagsmálaskóla alþýðu, nr. 60/1989, falli brott. Að mati flutningsmanna eru lögin tímaskekkja og ekki í þágu hagsmuna skattgreiðenda að skattfé skuli varið í rekstur skóla af þessu tagi. Fjárveitingar til skólans eru lögbundnar í 8. gr. laganna en þar kemur fram að ríkissjóður greiði 80% af rekstrarkostnaði skólans. Á fjárlögum ársins 2016 eru lagðar 15,1 millj. kr. til reksturs skólans. Frá árinu 2007 hefur ríkissjóður greitt samtals 160,5 millj. kr. til reksturs skólans, líkt og sjá má í eftirfarandi töflu. Að mati flutningsmanna má nýta það fé betur í önnur verkefni og er því lagt til að lögin verði felld brott.
Ár |
2016 |
2015 |
2014 |
2013 |
2012 |
2011 |
2010 |
2009 |
2008 |
2007 |
Millj. kr. |
15,1 |
14,4 |
13,9 |
13,5 |
13,1 |
12,9 |
14,0 |
22,2 |
20,8 |
20,6 |