Ferill 770. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 1534 — 770. mál.
Svar
heilbrigðisráðherra við fyrirspurn frá Svandísi Svavarsdóttur um heimilismenn á hjúkrunarheimilum.
1. Hversu margir dvelja nú á hjúkrunarheimilum? Óskað er eftir yfirliti yfir hjúkrunarheimili landsins og fjölda einstaklinga á hverju hjúkrunarheimili.
Á hjúkrunarheimilum eru í sumum tilvikum bæði hjúkrunarrými og dvalarrými. Slík rými eru einnig á sumum heilbrigðisstofnunum. Til að gera grein fyrir heildarfjölda íbúanna er horft bæði til hjúkrunar- og dvalarrýma, hvort sem þau eru á sérstökum hjúkrunarheimilum eða á heilbrigðisstofnunum. Samkvæmt upplýsingum frá embætti landlæknis voru skráðir alls 2.714 einstaklingar til langdvalar á 65 stofnunum með hjúkrunar- og dvalarrými á landinu 1. maí 2016. Af þeim voru 2.407 einstaklingar í hjúkrunarrýmum og 307 í dvalarrýmum en þennan dag var heimilaður rekstur 2.670 hjúkrunarrýma og 347 dvalarrýma á öllu landinu. Ljóst er að munur á skráðum fjölda einstaklinga í rýmum og fjölda rýma er því nokkur. Munurinn felst í því að uppgefnar tölur um fjölda einstaklinga ná einungis til þeirra sem dvelja í rýmunum til langframa. Því eru í þessum tölum ekki þeir sem dvelja í hjúkrunarrýmum til skemmri tíma eins og þegar um hvíldarinnlagnir er að ræða. Eins myndast oft einnar viku bil frá því að hjúkrunarrými losnar þar til nýr einstaklingur kemur þar til dvalar.
Tafla 1 sýnir fjölda einstaklinga í hjúkrunar- og dvalarrýmum eftir heilbrigðisumdæmum, stofnunum með hjúkrunar- og dvalarrými og tegund rýma.
Tafla 1. Fjöldi einstaklinga í hjúkrunar- og dvalarýmum eftir heilbrigðisumdæmum, stofnunum með hjúkrunar- og dvalarrými og tegund rýma.
Heilbrigðisumdæmi | Einstaklingar í hjúkrunarrými |
Einstaklingar í dvalarrými |
Samtals | |
Vesturland | 181 | 51 | 232 | |
Barmahlíð, Reykhólum | 13 | 2 | 15 | |
Brákarhlíð, Borgarnesi | 33 | 17 | 50 | |
Dvalarheimili aldraðra – Stykkishólmi | 13 | 4 | 17 | |
Fellaskjól, Grundarfirði | 10 | 2 | 12 | |
Fellsendi, Dalasýslu | 24 | 24 | ||
Heilbrigðisstofnun Vesturlands – Hólmavík | 5 | 5 | ||
Heilbrigðisstofnun Vesturlands – Hvammstanga | 9 | 9 | ||
Heilbrigðisstofnun Vesturlands – Stykkishólmi | – | – | ||
Höfði, Akranesi | 54 | 19 | 73 | |
Jaðar, Ólafsvík | 11 | 5 | 16 | |
Silfurtún, Búðardal | 9 | 2 | 11 | |
Vestfirðir | 49 | 49 | ||
Heilbrigðisstofnun Vestfjarða – Patreksfirði | 9 | 9 | ||
Heilbrigðisstofnun Vestfjarða – Bolungarvík | 10 | 10 | ||
Heilbrigðisstofnun Vestfjarða – Þingeyri, Tjörn | 4 | 4 | ||
Heilbrigðisstofnun Vestfjarða – Ísafirði, Eyri | 26 | 26 | ||
Norðurland | 325 | 74 | 399 | |
Dalbær, Dalvík | 26 | 11 | 37 | |
Grenilundur, Grenivík | 5 | 3 | 8 | |
Hornbrekka, Ólafsfirði | 13 | 10 | 23 | |
Heilbrigðisstofnun Norðurlands – Blönduósi | 17 | 9 | 26 | |
Heilbrigðisstofnun Norðurlands – Fjallabyggð | 15 | 15 | ||
Heilbrigðisstofnun Norðurlands – Húsavík | 16 | 16 | ||
Heilbrigðisstofnun Norðurlands – Sauðárkróki | 42 | 9 | 51 | |
Hvammur, Húsavík | 25 | 17 | 42 | |
Naust, Þórshöfn | 11 | 3 | 14 | |
Sjúkrahúsið á Akureyri | – | – | ||
Sæborg, Skagaströnd | 7 | 7 | ||
Öldrunarheimili Akureyrar | 148 | 12 | 160 | |
Austurland | 90 | 9 | 99 | |
Heilbrigðisstofnun Austurlands – Egilsstöðum, Dyngja | 29 | 29 | ||
Heilbrigðisstofnun Austurlands – Neskaupstað | 9 | 9 | ||
Heilbrigðisstofnun Austurlands – Seyðisfirði | 13 | 13 | ||
Hulduhlíð – hjúkrunarheimili Eskifirði | 20 | 20 | ||
Sundabúð – hjúkrunarheimili Vopnafirði | 10 | 10 | ||
Uppsalir – hjúkrunarheimili Fáskrúðfirði | 9 | 9 | 18 | |
Suðurland | 284 | 89 | 373 | |
Ás, Hveragerði | 75 | 44 | 119 | |
Blesastaðir, Skeiðum | 5 | 4 | 9 | |
Heilbrigðisstofnun Suðurlands – Höfn í Hornafirði | 23 | 6 | 29 | |
Heilbrigðisstofnun Suðurlands – Selfossi | 36 | 36 | ||
Heilbrigðisstofnun Suðurlands – Vestmannaeyjum | 7 | 7 | ||
Hjallatún, Vík | 9 | 5 | 14 | |
Hraunbúðir, Vestmannaeyjum | 27 | 8 | 35 | |
Kirkjuhvoll, Hvolsvelli | 24 | 4 | 28 | |
Klausturhólar, Kirkjubæjarklaustri | 16 | 2 | 18 | |
Kumbaravogur, Stokkseyri | 30 | 1 | 31 | |
Lundur, Hellu | 27 | 2 | 29 | |
Sólvellir, Eyrarbakka | 5 | 13 | 18 | |
Suðurnes | 106 | 106 | ||
Hrafnista Hlévangi, Reykjanesbæ | 29 | 29 | ||
Hrafnista Nesvöllum, Reykjanesbæ | 60 | 60 | ||
Víðihlíð, Grindavík | 17 | 17 | ||
Heilbrigðisstofnun Suðurnesja | – | – | ||
Höfuðborgarsvæðið | 1.372 | 84 | 1.456 | |
Droplaugarstaðir, Reykjavík | 81 | 81 | ||
Eir, Reykjavík | 157 | 157 | ||
Fell, Reykjavík | 14 | 14 | ||
Grund, Reykjavík | 152 | 2 | 154 | |
Hamrar, Mosfellsbæ | 30 | 30 | ||
Hrafnista, Hafnarfirði | 150 | 54 | 204 | |
Hrafnista, Kópavogi – Boðaþingi | 41 | 2 | 43 | |
Hrafnista, Reykjavík | 175 | 12 | 187 | |
Ísafold, Garðabæ | 60 | 60 | ||
Mörkin hjúkrunarheimili | 103 | 103 | ||
Roðasalir, Kópavogi | 10 | 10 | ||
Seljahlíð, Reykjavík | 20 | 20 | ||
Skjól, Reykjavík | 105 | 105 | ||
Skógarbær, Reykjavík | 75 | 75 | ||
Sóltún, Reykjavík | 91 | 91 | ||
Sólvangur, Hafnarfirði | 56 | 56 | ||
Sunnuhlíð – Vigdísarholt | 66 | 66 | ||
Samtals fjöldi einstaklinga | 2.407 | 307 | 2.714 | |
– táknar að engar upplýsingar liggja fyrir um fjölda einstaklinga á stofnuninni. |
2. Hver er aldursdreifing og kyn heimilismanna á hjúkrunarheimilum? Óskað er upplýsinga um þróunina undanfarin 20 ár.
Í þessu svari er einungis horft til hjúkrunarrýma þar sem dvöl í þeim takmarkast ekki við 67 ára aldur eins og í dvalarrými þar sem kveðið er á um að einstaklingar þurfi að vera 67 ára eða eldri til að eiga kost á dvöl þar. Tafla 2 sýnir aldursdreifingu íbúa í hjúkrunarrýmum eftir kyni á árunum 1996–2016. Miðað er við stöðuna eins og hún var 1. janúar hvert ár.
Tafla 2. Fjöldi íbúa í hjúkrunarrýmum eftir aldri og kyni á árunum 1996–2016 miðað við 1. janúar hvert ár.
Ár |
Karlar | Konur | Karlar og konur samtals |
||||||||
66 ára og yngri | 67–69 ára |
70–79 ára | 80 ára og eldri | Samtals | 66 ára og yngri | 67–69 ára |
70–79 ára |
80 ára og eldri |
Samtals | ||
1996 | 21 | 7 | 92 | 206 | 326 | 22 | 6 | 160 | 533 | 721 | 1.047 |
1997 | 22 | 8 | 100 | 238 | 368 | 20 | 9 | 174 | 572 | 775 | 1.143 |
1998 | 28 | 10 | 101 | 263 | 402 | 29 | 16 | 189 | 622 | 856 | 1.258 |
1999 | 30 | 15 | 105 | 279 | 429 | 30 | 20 | 189 | 692 | 931 | 1.360 |
2000 | 27 | 23 | 105 | 285 | 440 | 24 | 23 | 200 | 713 | 960 | 1.400 |
2001 | 30 | 20 | 118 | 326 | 494 | 27 | 27 | 200 | 783 | 1.037 | 1.531 |
2002 | 34 | 18 | 131 | 346 | 529 | 24 | 27 | 195 | 861 | 1.107 | 1.636 |
2003 | 31 | 24 | 159 | 396 | 610 | 31 | 21 | 223 | 971 | 1.246 | 1.856 |
2004 | 27 | 22 | 192 | 464 | 705 | 29 | 30 | 247 | 1.022 | 1.328 | 2.033 |
2005 | 19 | 23 | 191 | 503 | 736 | 21 | 28 | 252 | 1.152 | 1.453 | 2.189 |
2006 | 3 | 12 | 193 | 492 | 700 | 2 | 28 | 283 | 1.144 | 1.457 | 2.157 |
2007 | 16 | 190 | 508 | 714 | 1 | 20 | 264 | 1.199 | 1.484 | 2.198 | |
2008 | 10 | 180 | 517 | 707 | 3 | 12 | 234 | 1.240 | 1.489 | 2.196 | |
2009 | 11 | 10 | 176 | 513 | 710 | 16 | 9 | 241 | 1.173 | 1.439 | 2.149 |
2010 | 36 | 17 | 163 | 538 | 754 | 34 | 19 | 225 | 1.183 | 1.461 | 2.215 |
2011 | 42 | 25 | 156 | 512 | 735 | 34 | 25 | 214 | 1.223 | 1.496 | 2.231 |
2012 | 47 | 25 | 140 | 524 | 736 | 38 | 25 | 211 | 1.191 | 1.465 | 2.201 |
2013 | 53 | 25 | 151 | 527 | 756 | 34 | 26 | 235 | 1.178 | 1.473 | 2.229 |
2014 | 63 | 16 | 143 | 583 | 805 | 31 | 24 | 221 | 1.199 | 1.475 | 2.280 |
2015 | 64 | 21 | 148 | 577 | 810 | 39 | 24 | 224 | 1.259 | 1.546 | 2.356 |
2016 | 78 | 27 | 168 | 584 | 857 | 45 | 19 | 232 | 1.221 | 1.517 | 2.374 |
Í töflu 2 sést að flestir sem dvelja í hjúkrunarrýmum eru 80 ára eða eldri en hlutfall íbúa á því aldursbili hefur hækkað á undanförnum 20 árum úr rúmlega 70% í rúmlega 75%. Hlutfall íbúa sem eru yngri er 67 ára hefur einnig aukist á þessum 20 árum og var um 5% í ársbyrjun 2016. Konur eru tveir þriðju hlutar íbúa í hjúkrunarrýmum en karlar einn þriðji hluti. Sú hlutfallsskipting hefur verið nokkuð áþekk þessi 20 ár.
3. Hver er þróun biðlista eftir rými á hjúkrunarheimili? Hversu lengi bíður fólk að meðaltali eftir rými og hver er staða biðlista eftir landshlutum?
Þegar fjallað er um biðlista ber að hafa í huga að sami einstaklingur getur komið fram í fjölda á biðlista á fleiri árum en einu. Töflur 3, 4 og 5 draga fram svör við þessari spurningu. Tafla 3 sýnir fjölda einstaklinga á biðlista eftir hjúkrunarrými eftir heilbrigðisumdæmi, þ.e. heilbrigðisumdæmi þeirrar stofnunar sem einstaklingur óskar eftir að búa á, og kyni á árunum 2006–2016. Þar sést að fólki fækkaði á biðlistanum fyrstu árin eftir 2006 og þá sérstaklega milli áranna 2008 og 2009. Með tilkomu færni- og heilsumatsnefnda (áður vistunarmatsnefnda) árið 2008 var komið á fót formlegu mati sem gerir strangari kröfur en áður þannig að einungis þeir sem ekki geta dvalið á eigin heimili með öllum þeim stuðningi sem unnt er að veita fara á biðlista. Eftir að þetta formlega mat var tekið upp fækkaði fólki á biðlistum. Hugsanlega hafa einhverjir sem voru á biðlistanum árið 2009 verið komnir á biðlista fyrir tilkomu nefndanna. Frá árinu 2011 hefur fólki fjölgað aftur á biðlistum en hefur þó engan veginn náð þeim fjölda sem var áður en nefndirnar komu til.
Tafla 3. Fjöldi einstaklinga á biðlista eftir hjúkrunarrými eftir heilbrigðisumdæmi og kyni 1. janúar hvers árs 2006–2016.
2006 | 2007 | 2008 | 2009 | 2010 | 2011 | 2012 | 2013 | 2014 | 2015 | 2016 | ||
Vesturland | 10 | 11 | 21 | 14 | 13 | 11 | 10 | 6 | 19 | 11 | 13 | |
Karlar | 7 | 3 | 7 | 6 | 9 | 6 | 4 | 3 | 9 | 5 | 6 | |
Konur | 3 | 8 | 14 | 8 | 4 | 5 | 6 | 3 | 10 | 6 | 7 | |
Vestfirðir | 3 | 1 | 5 | 4 | 1 | 2 | 11 | 6 | 5 | 6 | 6 | |
Karlar | 1 | 4 | 3 | 1 | 3 | 5 | 1 | 3 | ||||
Konur | 2 | 1 | 1 | 1 | 1 | 1 | 8 | 1 | 5 | 5 | 3 | |
Norðurland | 26 | 33 | 27 | 31 | 15 | 22 | 25 | 29 | 36 | 37 | 56 | |
Karlar | 8 | 13 | 9 | 15 | 7 | 11 | 7 | 9 | 13 | 15 | 23 | |
Konur | 18 | 20 | 18 | 16 | 8 | 11 | 18 | 20 | 23 | 22 | 33 | |
Austurland | 15 | 17 | 14 | 13 | 9 | 8 | 17 | 13 | 12 | 30 | 20 | |
Karlar | 4 | 5 | 5 | 3 | 3 | 5 | 8 | 4 | 3 | 7 | 6 | |
Konur | 11 | 12 | 9 | 10 | 6 | 3 | 9 | 9 | 9 | 23 | 14 | |
Suðurland | 45 | 31 | 38 | 24 | 22 | 28 | 21 | 21 | 23 | 13 | 46 | |
Karlar | 23 | 14 | 21 | 10 | 9 | 15 | 11 | 11 | 11 | 8 | 31 | |
Konur | 22 | 17 | 17 | 14 | 13 | 13 | 10 | 10 | 12 | 5 | 15 | |
Suðurnes | 15 | 27 | 38 | 42 | 27 | 27 | 20 | 14 | 26 | 48 | 35 | |
Karlar | 8 | 11 | 17 | 14 | 10 | 10 | 3 | 4 | 4 | 20 | 13 | |
Konur | 7 | 16 | 21 | 28 | 17 | 17 | 17 | 10 | 22 | 28 | 22 | |
Höfuðborgarsvæðið | 399 | 375 | 385 | 162 | 68 | 71 | 76 | 111 | 107 | 136 | 151 | |
Karlar | 149 | 146 | 136 | 56 | 27 | 39 | 33 | 52 | 42 | 51 | 65 | |
Konur | 250 | 229 | 249 | 106 | 41 | 32 | 43 | 59 | 65 | 85 | 86 | |
Óskráð* | 10 | 14 | 20 | 24 | 24 | 19 | 14 | 22 | 22 | 20 | 30 | |
Karlar | 3 | 3 | 10 | 7 | 11 | 4 | 3 | 13 | 10 | 8 | 13 | |
Konur | 7 | 11 | 10 | 17 | 13 | 15 | 11 | 9 | 12 | 12 | 17 | |
Samtals | 523 | 509 | 548 | 314 | 179 | 188 | 194 | 222 | 250 | 301 | 357 | |
* Eiga eftir að velja hjúkrunarheimili. |
Þess ber að geta að þessar tölur eru punktstöður þann 1. janúar ár hvert en með punktstöðu er átt við hver staðan hafi verið einn tiltekinn dag.
Tafla 4 sýnir punktstöðu biðlistans 1. maí 2016 eftir heilbrigðisumdæmum. Alls eru 327 á biðlista á landinu þann dag sem eru ívið færri en voru á biðlistanum 1. janúar það ár (sjá töflu 3).
Tafla 4. Fjöldi einstaklinga á biðlista eftir hjúkrunarrými eftir heilbrigðisumdæmi og kyni 1. maí 2016.
Heilbrigðisumdæmi | Karlar | Konur | Samtals einstaklingar |
Vesturland | 8 | 5 | 13 |
Vestfirðir | 1 | 2 | 3 |
Norðurland | 26 | 32 | 58 |
Austurland | 8 | 9 | 17 |
Suðurland | 5 | 7 | 12 |
Suðurnes | 18 | 18 | 36 |
Höfuðborgarsvæðið | 69 | 86 | 155 |
Óskráð | 11 | 22 | 33 |
Samtals einstaklingar | 146 | 181 | 327 |
Tafla 5 sýnir hversu lengi (í dögum) einstaklingar sem fóru í hjúkrunarrými biðu að meðaltali. Tölurnar eru flokkaðar eftir heilbrigðisumdæmum á árunum 2006–2015. Þar sést að meðalbiðtíminn eftir hjúkrunarrýmum styttist jafnt og þétt á þessu árabili, sérstaklega milli áranna 2008 og 2009. Frá árinu 2012 hefur meðalbiðtíminn hins vegar lengst aðeins aftur.
Tafla 5. Meðalbiðtími (í dögum) einstaklinga sem fóru í hjúkrunarrými eftir heilbrigðisumdæmi árin 2009–2015.
2006 | 2007 | 2008 | 2009 | 2010 | 2011 | 2012 | 2013 | 2014 | 2015 | |
Vesturland | 53 | 226 | 193 | 123 | 87 | 89 | 92 | 105 | 96 | 82 |
Vestfirðir | 27 | 30 | 185 | 68 | 58 | 52 | 127 | 158 | 99 | 71 |
Norðurland | 90 | 108 | 88 | 65 | 58 | 67 | 49 | 60 | 87 | 135 |
Austurland | 155 | 387 | 237 | 147 | 87 | 58 | 156 | 80 | 85 | 195 |
Höfuðborgarsvæðið | 307 | 287 | 255 | 128 | 68 | 47 | 59 | 75 | 74 | 90 |
Suðurland | 227 | 166 | 260 | 144 | 73 | 131 | 106 | 80 | 89 | 74 |
Suðurnes | 139 | 281 | 247 | 198 | 119 | 138 | 137 | 92 | 135 | 244 |
Allt landið | 256 | 253 | 227 | 124 | 72 | 65 | 72 | 77 | 82 | 104 |
Nokkur munur getur verið á biðtíma eftir hjúkrunarrýmum eftir heilbrigðisumdæmum. Ýmsar ástæður geta verið fyrir því að einstaklingar bíða mislengi eftir hjúkrunarrými, svo sem óskir einstaklinga á biðlistanum um dvöl á tilteknu hjúkrunarheimili.
4. Hver hefur þróunin verið undanfarin tíu ár á fjölda fólks sem er á biðlista eftir hjúkrunarrými en andast áður en það fær kost á vist?
Í töflu 6 má sjá fjölda einstaklinga sem voru á biðlista eftir hjúkrunarrými árin 2006–2015 en létust áður en þeir fengu dvöl á því hjúkrunarheimili sem þeir óskuðu eftir. Fjöldi þeirra sem lést meðan á biðinni eftir hjúkrunarheimili stóð hefur verið breytilegur milli ára. Á þessu tíu ára tímabili létust flestir árið 2007 meðan á biðinni stóð, en það ár voru hins vegar yfir 500 manns á biðlista samanborið við um 350 manns árið 2016 og biðtíminn árið 2007 var um 250 dagar en árið 2015 um 100 dagar.
Tafla 6. Fjöldi einstaklinga sem létust meðan þeir voru á biðlista árin 2006–2015 eftir heilbrigðisumdæmi og kyni.
2006 | 2007 | 2008 | 2009 | 2010 | 2011 | 2012 | 2013 | 2014 | 2015 | ||
Vesturland | 5 | 5 | 5 | 9 | 3 | 1 | 7 | 10 | 5 | 8 | |
Karlar | 2 | 2 | 4 | 4 | 3 | 4 | 6 | 2 | 4 | ||
Konur | 3 | 3 | 1 | 5 | 1 | 3 | 4 | 3 | 4 | ||
Vestfirðir | 1 | 1 | 1 | 1 | 2 | 5 | 3 | 2 | |||
Karlar | 1 | 1 | 1 | 1 | 2 | 2 | 2 | ||||
Konur | 1 | 1 | 3 | 1 | |||||||
Norðurland | 16 | 9 | 6 | 10 | 9 | 11 | 8 | 13 | 11 | 13 | |
Karlar | 7 | 4 | 4 | 5 | 7 | 4 | 9 | 5 | 7 | ||
Konur | 9 | 5 | 6 | 6 | 4 | 4 | 4 | 4 | 6 | 6 | |
Austurland | 3 | 3 | 4 | 3 | 1 | 1 | 2 | 3 | 7 | 7 | |
Karlar | 3 | 1 | 2 | 1 | 1 | 1 | 3 | 4 | 4 | ||
Konur | 2 | 2 | 3 | 1 | 3 | 3 | |||||
Suðurland | 9 | 19 | 3 | 8 | 4 | 10 | 7 | 11 | 4 | 8 | |
Karlar | 5 | 13 | 4 | 2 | 7 | 4 | 6 | 3 | 7 | ||
Konur | 4 | 6 | 3 | 4 | 2 | 3 | 3 | 5 | 1 | 1 | |
Suðurnes | 6 | 7 | 8 | 6 | 7 | 7 | 9 | 7 | 10 | 8 | |
Karlar | 3 | 3 | 3 | 4 | 2 | 5 | 4 | 2 | 6 | 6 | |
Konur | 3 | 4 | 5 | 2 | 5 | 2 | 5 | 5 | 4 | 2 | |
Höfuðborgarsvæðið | 97 | 104 | 39 | 55 | 45 | 40 | 59 | 65 | 57 | 71 | |
Karlar | 47 | 42 | 22 | 28 | 28 | 21 | 25 | 34 | 27 | 30 | |
Konur | 50 | 62 | 17 | 27 | 17 | 19 | 34 | 31 | 30 | 41 | |
Óskráð | 2 | 5 | 9 | 9 | 13 | 13 | 13 | 15 | 20 | 27 | |
Karlar | 1 | 2 | 3 | 3 | 8 | 6 | 7 | 9 | 9 | 12 | |
Konur | 1 | 3 | 6 | 6 | 5 | 7 | 6 | 6 | 11 | 15 | |
Samtals | 139 | 153 | 75 | 101 | 82 | 83 | 107 | 129 | 117 | 144 | |
* Áttu eftir að velja hjúkrunarheimili. |
5. Hver eru áform ráðherra um að fullnægja þörf fyrir hjúkrunarrými á Íslandi?
Markmið heilbrigðisráðherra er að mæta þörfum fólks fyrir þjónustu á því þjónustustigi sem hentar best þörfum þess. Áhersla er lögð á að styðja fólk til sjálfstæðrar búsetu á eigin heimili með stuðningi og þeirri heilbrigðisþjónustu sem einstaklingurinn þarf á að halda. Til að halda heilsu sem lengst og geta lifað sjálfstæðu lífi skiptir miklu að hvetja fólk til ábyrgðar og hollra lífshátta svo að fyrirbyggja megi og seinka sjúkdómum og færnitapi ef þess er nokkur kostur. Til að lágmarka þörf fyrir dvöl í hjúkrunarrými er öflug stuðningsþjónusta mikilvæg. Heimahjúkrun er einn liður í slíkri þjónustu. Heilbrigðisráðherra hefur lagt ríka áherslu á að efla þá þjónustu sem veitt er fólki sem býr heima. Viðbótarfjármagn hefur verið veitt til heimahjúkrunar, bæði á landsbyggðinni og á höfuðborgarsvæðinu, og dagdvalarrýmum, sem er mikilvægt stuðningsúrræði við þá sem búa heima, hefur verið fjölgað töluvert. Fjölbreytt heimaþjónusta á vegum sveitarfélaga er mikilvægur þáttur í að mæta mismunandi þörfum fólks og styðja það til búsetu heima sem lengst. Því leggur heilbrigðisráðherra mikla áherslu á samvinnu og samþættingu þeirrar þjónustu sem veitt er af ríki annars vegar og sveitarfélögum hins vegar.
Dvalartími íbúa hjúkrunarrýma hefur áhrif á umsetningu hvers hjúkrunarrýmis og þar með þann heildarfjölda rýma sem þörf er fyrir. Langur dvalartími eins íbúa hefur bein áhrif á biðtíma annars og þar með lengd biðlista.
Ef miðað er við að meðaldvalartími íbúa á hjúkrunarheimilum sé þrjú ár og meðalbiðtími eftir hjúkrunarrými 90 dagar má gera ráð fyrir að óbreyttu að fjölga þurfi hjúkrunarrýmum um rúmlega 500 fram til ársins 2020. Mest er þörfin á höfuðborgarsvæðinu. Áætlun um byggingu nýrra hjúkrunarrýma nær bæði til þess að fjölga hjúkrunarrýmum til að mæta þörf fólks fyrir dvöl þar og að bæta aðbúnað á þeim heimilum sem þegar eru starfandi. Samkvæmt þeirri framkvæmdaáætlun sem nú liggur fyrir verða byggð fimm ný hjúkrunarheimili á allra næstu árum þar sem þörf fyrir slíka uppbyggingu er brýnust. Bæði er um að ræða heimili á höfuðborgarsvæðinu og á landsbyggðinni. Þess er vænst að öll þessi hjúkrunarrými verði tilbúin um áramótin 2018/2019. Heimilin sem ákveðið hefur verið að byggja á þessu tímabili eru:
1. Reykjavík: Þar er ráðgert að reisa 100 rýma hjúkrunarheimili. Öll rýmin verða ný viðbótarrými.
2. Kópavogur: Þar er ráðgert að byggja 64 hjúkrunarrými. Öll rýmin verða ný viðbótarrými.
3. Seltjarnarnes: Þar verða byggð 40 hjúkrunarrými. Öll rýmin eru ný viðbótarrými.
4. Hafnarfjörður: Þar er ráðgert að byggja 60 hjúkrunarrými. Þau rými munu leysa af hólmi hjúkrunarrýmin á Sólvangi og bæta þannig aðbúnað íbúa þar.
5. Árborg: Þar er ráðgert að byggja 50 hjúkrunarrými. Af þessum rýmum eru 15 ný viðbótarrými en 35 rými leysa eldri rými af hólmi og bæta þannig aðbúnað íbúa í eldri hjúkrunarrýmum.
Til viðbótar er einnig verið að byggja við hjúkrunarheimilið Kirkjuhvol á Hvolsvelli (12 rými) og hjúkrunarheimilið Lund á Hellu (8 rými). Þær nýframkvæmdir munu bæta mjög aðbúnað þeirra sem þar búa. Nýlega voru tekin í notkun ný hjúkrunarheimili á Egilsstöðum (30 rými), Ísafirði (30 rými) og í Bolungarvík (10 rými), en með þessum 70 nýju rýmum voru 52 rými til að bæta aðbúnað íbúa og 18 ný viðbótarrými.
Með byggingu þessara fyrrgreindu hjúkrunarheimila og þeim 70 rýmum sem nýlega hafa verið tekin í notkun mun hjúkrunarrýmum fjölga um 237 og aðbúnaður íbúa í 167 öðrum hjúkrunarrýmum batna mjög. Hér er því um að ræða nýbyggingar samanlagt ríflega 400 hjúkrunarrýma.