Ferill 673. máls. Aðrar útgáfur af skjalinu: PDF - Word Perfect.
145. löggjafarþing 2015–2016.
Þingskjal 1607 — 673. mál.
2. umræða.
Breytingartillaga
við frumvarp til laga um breytingu á lögum um Vatnajökulsþjóðgarð, nr. 60/2007, með síðari breytingum (stjórnfyrirkomulag, verndaráætlun, leyfisveitingar o.fl.).
Frá umhverfis- og samgöngunefnd.
1. 4. gr. orðist svo:
5. málsl. 5. gr. laganna orðast svo: Stjórn Vatnajökulsþjóðgarðs skal setja sér starfsreglur þar sem nánar skal kveðið á um framkvæmd starfa stjórnarinnar.
2. Við c-lið 5. gr. bætist nýr töluliður, svohljóðandi:
9. Að setja framkvæmdastjóra og þjóðgarðsvörðum starfslýsingar.
3. C-liður 7. gr. falli brott.
4. Við 8. gr.
a. Í stað orðanna „að fengnum“ í b-lið komi: samkvæmt.
b. Efnismálsgrein c-liðar orðist svo:
Framkvæmdastjóri annast daglegan rekstur Vatnajökulsþjóðgarðs í umboði stjórnar og samkvæmt starfslýsingu sem stjórn þjóðgarðsins setur honum. Framkvæmdastjóri framfylgir ákvörðunum stjórnar Vatnajökulsþjóðgarðs, annast daglegan rekstur þjóðgarðsins, fjárreiður og reikningsskil og ber ábyrgð á að þjóðgarðurinn starfi í samræmi við lög og stjórnvaldsfyrirmæli. Framkvæmdastjóri fer með yfirstjórn starfsmannamála.
5. Orðin „af framkvæmdastjóra“ í 9. gr. falli brott.
6. 10. gr. orðist svo:
10. gr. laganna orðast svo:
Þjóðgarðsvörður annast daglegan rekstur, starfsmannahald og stjórn viðkomandi rekstrarsvæðis í samráði við framkvæmdastjóra og samkvæmt starfslýsingu sem stjórn þjóðgarðsins setur honum. Þjóðgarðsvörður ber ábyrgð á fjárreiðum og reikningshaldi gagnvart framkvæmdastjóra.
