Ferill 136. máls. Aðrar útgáfur af skjalinu: PDF - Word Perfect.
146. löggjafarþing 2016–2017.
Þingskjal 195 — 136. mál.
Fyrirspurn
til heilbrigðisráðherra um styttingu biðlista.
Frá Guðjóni S. Brjánssyni.
1. Hvernig hefur tekist að stytta biðlista eftir liðskiptaaðgerðum, hjartaþræðingum og augasteinsaðgerðum samkvæmt samningi við fjórar heilbrigðisstofnanir um þátttöku í skipulögðu átaki til að stytta bið sjúklinga eftir tilteknum brýnum aðgerðum?
2. Hver voru uppsett markmið á árinu 2016 og hvernig tókst stofnunum að framfylgja þeim?
3. Hvað greiddi ráðuneytið hverri stofnun fyrir sig fyrir hverja aðgerð?
4. Hvaða áhrif hefur átakið haft á biðlista eftir fyrrgreindum aðgerðum á hverri stofnun fyrir sig?
5. Er framhald áformað á þessu verkefni? Ef svo er, hve miklum fjármunum verður varið til verkefnisins annars vegar árið 2017 og hins vegar árið 2018?
6. Hyggst ráðherra stytta biðlista eftir fleiri flokkum aðgerða? Ef svo er, hvernig verður það útfært?
Skriflegt svar óskast.
