Ferill 327. máls. Aðrar útgáfur af skjalinu: PDF - Word Perfect.
146. löggjafarþing 2016–2017.
Þingskjal 446 — 327. mál.
Fyrirspurn
til forseta Alþingis um þingfararkostnað.
Frá Birni Leví Gunnarssyni.
1. Hver hefur verið árlegur þingfararkostnaður alþingismanna frá árinu 2006, sundurliðaður eftir einstökum liðum, þ.e. húsnæðis- og dvalarkostnaði, álagi á húsnæðis- og dvalarkostnað, húsnæðis- og dvalarkostnaði vegna heimanaksturs, ferðakostnaði í kjördæmum og starfskostnaði?
2. Hver hefur verið árlegur meðalkostnaður á hvern þingmann á sama tíma, sundurliðaður eftir fyrrgreindum liðum?
3. Hver hefur verið mánaðarlegur þingfararkostnaður á hverju kosningaári frá árinu 2006, sundurliðaður eftir fyrrgreindum liðum?
4. Hver hefur verið mánaðarlegur þingfararkostnaður á hverju kosningaári á sama tíma ef þeir þingmenn sem ekki sóttust eftir endurkjöri eru undanskildir?
5. Hver hefur verið árlegur ferðakostnaður alþingismanna innan lands frá árinu 2006 og hvernig skiptist hann á milli bílaleigubíla, eigin bíla, flugfargjalda, annarra farkosta, gistikostnaðar og dagpeninga sé þeim til að dreifa?
6. Hver hefur verið mánaðarlegur ferðakostnaður á hverju kosningaári á fyrrgreindu tímabili ef þeir þingmenn sem ekki sóttust eftir endurkjöri eru undanskildir?
7. Er marktækur munur á fjárhæðum einstakra liða þingfararkostnaðar á kosningaári og öðrum árum?
8. Hvernig greinir forseti á milli hefðbundins þingfararkostnaðar vegna almennra þingstarfa og útgjalda þingmanns sem sækist eftir endurkjöri á kosningaári?
Skriflegt svar óskast.
