Ferill 371. máls. Aðrar útgáfur af skjalinu: PDF - Microsoft Word.
146. löggjafarþing 2016–2017.
Þingskjal 500 — 371. mál.
Stjórnarfrumvarp.
Frumvarp til laga
um breytingu á ýmsum lögum vegna heitis Einkaleyfastofunnar.
Frá ferðamála-, iðnaðar- og nýsköpunarráðherra.
I. KAFLI
Breyting á lögum um einkaleyfi, nr. 17/1991.
1. gr.
b. Í stað „Einkaleyfastofan“ í 1. mgr. 8. gr. a, 1. mgr. og tvívegis í 2. mgr. 40. gr. b, 66. gr., 1. mgr. 68. gr., 1. mgr. 69. gr. a, 3. mgr. 75. gr., í síðara skiptið í 3. mgr. 77. gr., 2. mgr. 78. gr., 80. gr., 1. mgr. 83. gr., 1. og 2. mgr. 86. gr. og 1. mgr. 88. gr. laganna kemur: Hugverkastofan.
c. Í stað „Einkaleyfastofunni“ í 2. mgr. 8. gr. a, í síðara skiptið í 1. málsl. 3. mgr. 75. gr., 76. gr., tvívegis í 1. mgr. og í 3. mgr. 77. gr., 1. mgr. 83. gr., tvívegis í 1. mgr. 86. gr. og 2. tölul. 1. mgr. 88. gr. laganna kemur: Hugverkastofunni.
d. Í stað „einkaleyfaskrifstofunnar“ í 1. mgr. 24. gr., 3. mgr. 25. gr., 1. mgr. 67. gr. og 1. mgr. 69. gr. laganna kemur: Hugverkastofunnar.
e. Í stað „einkaleyfaskrifstofan“ í tvívegis í 1. mgr. 24. gr. laganna kemur: Hugverkastofan.
f. Í stað „Einkaleyfastofuna“ í 1. mgr. 40. gr. a laganna kemur: Hugverkastofuna.
g. Í stað „Einkaleyfastofunnar“ í 5. mgr. 40. gr. b, tvívegis í 2. mgr. og í 4. mgr. 68. gr., 1. mgr. 69. gr. a og 1. mgr. 81. gr. laganna kemur: Hugverkastofunnar.
h. Í stað „einkaleyfaskrifstofu“ í 1. mgr. 69. gr. laganna kemur: Hugverkastofunnar.
i. Í stað „Einkaleyfaskrifstofunni“ í 71. gr. laganna kemur: Hugverkastofunni.
II. KAFLI
Breyting á lögum um faggildingu o.fl., nr. 24/2006.
2. gr.
III. KAFLI
Breyting á lögum um félagamerki, nr. 155/2002.
3. gr.
b. Í stað „Einkaleyfastofan“ í 3. mgr. 8. gr. laganna kemur: Hugverkastofan.
c. Í stað „Einkaleyfastofunni“ í 1. mgr. 9. gr. og 2. mgr. 11. gr. laganna kemur: Hugverkastofunni.
IV. KAFLI
Breyting á lögum um hönnun, nr. 46/2001.
4. gr.
b. Í stað „Einkaleyfastofan“ í 1. og 2. mgr. 17. gr., tvívegis í 1. mgr. 18. gr., 1. mgr. og tvívegis í 4. mgr. 19. gr., 1. mgr. 20. gr., 3. og 4. mgr. 24. gr., 1., 3. og 4. mgr. 27. gr., 1. mgr. 28. gr., 2. mgr. 29. gr., 1. og 2. mgr. 30. gr., 2. mgr. 31. gr., 2. mgr. 32. gr., tvívegis í 1. mgr. og í 2. mgr. 33. gr., 1. mgr. 34. gr., tvívegis í 1. mgr. 48. gr. og 1. og 2. mgr. 56. gr. laganna kemur: Hugverkastofan.
c. Í stað „Einkaleyfastofunni“ í 1. og 2. mgr. 24. gr., 1. mgr. 29. gr., 1. mgr. 36. gr., 1. mgr. 44. gr., 46. gr., 1. mgr. 52. gr., 1. og 2. mgr. 55. gr. og 2. mgr. 57. gr. laganna kemur: Hugverkastofunni.
d. Í stað „Einkaleyfastofuna“ í 1. mgr. 33. gr. laganna kemur: Hugverkastofuna.
V. KAFLI
Breyting á lögum um lífræna landbúnaðarframleiðslu, nr. 162/1994.
5. gr.
VI. KAFLI
Breyting á lögum um loftslagsmál, nr. 70/2012.
6. gr.
VII. KAFLI
Breyting á lögum um vörumerki, nr. 45/1997.
7. gr.
b. Í stað „Einkaleyfastofan“ tvívegis í 1. mgr. 19. gr., 1. mgr. 20. gr., 1. mgr. 21. gr., 2., 3. og 4. mgr. 22. gr., 1. og 2. mgr. 23. gr., 1. og 2. mgr. 24. gr. a, 2. mgr. 27. gr., 2. mgr. 29. gr., 1. og 2. mgr. 30. gr., 1. mgr., tvívegis í 2. mgr. og tvívegis í 3. mgr. 30. gr. a, 2. og 4. mgr. 35. gr., 3. mgr. 38. gr., 3. mgr. 40. gr., 2. mgr. 47. gr., 1. og 3. mgr. 50. gr., 1. og 2. mgr. 52. gr., 2. og 5. mgr. 53. gr., 3. mgr. 63. gr. og 1. mgr. 65. gr. a laganna kemur: Hugverkastofan.
c. Í stað „Einkaleyfastofuna“ í 1. mgr. 20. gr. og 2. mgr. 30. gr. laganna kemur: Hugverkastofuna.
d. Í stað „Einkaleyfastofunni“ í 2. mgr. 20. gr., 1. mgr. 27. gr.,1. mgr. 31. gr., 2. mgr. 50. gr., 51. gr., 1. mgr. 53. gr., 2. mgr. 64. gr. og 65. gr. laganna kemur: Hugverkastofunni.
VIII. KAFLI
Breyting á sveitarstjórnarlögum, nr. 138/2011.
8. gr.
IX. KAFLI
Breyting á lögum um vernd afurðarheita sem vísa til uppruna, landsvæðis eða hefðbundinnar sérstöðu, nr. 130/2014.
9. gr.
X. KAFLI
Breyting á lögum um þjóðfána Íslendinga og ríkisskjaldarmerkið, nr. 34/1944.
10. gr.
XI. KAFLI
Gildistaka.
11. gr.
Greinargerð.
Einkaleyfastofan fer með málefni hugverkaréttinda á sviði iðnaðar á Íslandi. Hlutverk hennar kemur fram í lögum um einkaleyfi, nr. 17/1991, sbr. einnig reglugerð nr. 188/1991 um Einkaleyfastofu, og fer hún með málefni varðandi einkaleyfi, vörumerki, hönnunarvernd, byggðarmerki og önnur hliðstæð réttindi sem kveðið er á um í lögum, reglugerðum og alþjóðasamningum um vernd eignarréttinda á sviði iðnaðar. Ber stofnuninni jafnframt að veita einstaklingum, stofnunum og fyrirtækjum upplýsingar og ráðgjöf varðandi hugverkaréttindi í iðnaði. Enn fremur ber stofnuninni að stuðla að því að ný tækni og þekking sem felst í skráðum hugverkaréttindum sé aðgengileg almenningi.
Ástæða þess að lagt er til að heiti stofnunarinnar verði breytt er sú að heitið Einkaleyfastofa gefur ekki skýra mynd af starfsemi stofnunarinnar þar sem það vísar eingöngu til einnar tegundar hugverkaréttinda á sviði iðnaðar. Með hliðsjón af hlutverki stofnunarinnar hefur heitið því of þrönga skírskotun miðað við raunverulega starfsemi hennar. Þá getur heiti Einkaleyfastofunnar verið villandi í augum viðskiptavina og annarra hagsmunaaðila þar sem það gefur til kynna að stofnunin láti sig einungis varða málefni einkaleyfa þrátt fyrir að starfsemi og ábyrgðarsvið hennar tengist hugverkaréttindum almennt. Telja verður mikilvægt að stofnun sem fer með þessi málefni tryggi að öllum fagsviðum sé gert jafnhátt undir höfði og að ekki komi fram í heiti hennar sérstök áhersla á eitt fagsvið umfram annað.
Nafnabreytingin er í samræmi við markmið sem sett voru fram í Hugverkastefnu sem iðnaðar- og viðskiptaráðherra kynnti árið 2016 undir heitinu „Hugverkastefna 2016–2022, hugverkaréttindi sem viðskiptatæki og verðmæti“. Markmið stefnunnar er hugverkadrifið Ísland árið 2022 og sú framtíðarsýn er sett fram í stefnunni ásamt því að veita upplýsingar um réttindin, mikilvægi þeirra og mögulegar verndarleiðir og aðgerðaáætlun til næstu fimm ára. Til að stuðla að skilvirkara stjórnkerfi og lagaumhverfi í hugverkaréttindum á landinu var m.a. lagt til að Einkaleyfastofa yrði styrkt sem stofnun og hlutverk hennar skýrt. Þá var kveðið á um að æskilegt væri að breyta heiti Einkaleyfastofunnar, það yrði Hugverkastofan, til samræmis við heildarverkefni stofnunarinnar. Skammstöfun stofnunarinnar yrði HVS og enskt heiti Icelandic Intellectual Property Office, skammstafað IIPO.
Í þessu sambandi er vert að taka fram að nokkrar erlendar hugverkastofur og stofnanir hafa á liðnum árum fengið ný heiti sem lýsa betur starfsemi þeirra. Þessi þróun er í takt við aukinn skilning á hugverkum og mikilvægi skilvirkra samskipta og upplýsingagjafar til hagsmunaaðila og viðskiptavina.
Af þessum ástæðum er lögð til breyting á heiti stofnunarinnar.
Ekki fellur til kostnaður af breytingunni umfram kostnað við að breyta bréfsefni stofnunarinnar og gera nýtt auðkenni fyrir hana. Gert er ráð fyrir að sá kostnaður muni rúmast innan núverandi fjárheimilda stofnunarinnar verði frumvarpið óbreytt að lögum.
Frumvarpið hefur hvorki áhrif á starfsemi stofnunarinnar né verkefni hennar þar sem einungis um breytingu á heiti er að ræða, og er því ekki ætlað að hafa áhrif á stöðu kynjanna.
