Ferill 549. máls. Aðrar útgáfur af skjalinu: PDF - Word Perfect.

146. löggjafarþing 2016–2017.
Þingskjal 821  —  549. mál.



Fyrirspurn


til félags- og jafnréttismálaráðherra um sölu fasteigna Íbúðalánasjóðs.

Frá Daníel E. Arnarssyni.

          1.      Hversu margar fasteignir seldi Íbúðalánasjóður á ári frá því í ársbyrjun 2011 til þessa dags, sundurgreint í atvinnuhúsnæði og íbúðarhúsnæði?
          2.      Hvernig skiptust íbúðir sem seldar voru hvert ár eftir póstnúmerum?
          3.      Hvert var meðalverð á fermetra seldra fasteigna á ári í hverju póstnúmeri fyrir sig, flokkað eftir atvinnu- og íbúðarhúsnæði og uppfært á núgildandi verðlag?
          4.      Hve margar íbúðir seldi Íbúðalánasjóður hvert ár annars vegar til einstaklinga og hins vegar fyrirtækja?
          5.      Hvert var meðalverð á fermetra þeirra eigna sem seldar voru annars vegar einstaklingum og hins vegar fyrirtækjum ár hvert, skipt eftir póstnúmerum?
          6.      Telur ráðherra þörf á að endurskilgreina hlutverk og starfsemi Íbúðalánasjóðs og hverju ætti helst að breyta ef breytinga er þörf?


Skriflegt svar óskast.