Ferill 517. máls. Aðrar útgáfur af skjalinu: PDF - Word Perfect.
146. löggjafarþing 2016–2017.
Þingskjal 1114 — 517. mál.
Svar
ferðamála-, iðnaðar- og nýsköpunarráðherra við fyrirspurn frá Einari Brynjólfssyni um samninga atvinnuvega- og nýsköpunarráðuneytisins og undirstofnana þess við sveitarfélög.
Fyrirspurnin hljóðar svo:
Hvaða samningar atvinnuvega- og nýsköpunarráðuneytisins og undirstofnana þess við sveitarfélögin, á málefnasviði ráðherra, voru í gildi 1. apríl 2017, hvaða samningar milli þessara aðila runnu út á tímabilinu 1. janúar 2006 til og með 1. apríl 2017 og eftir hvaða samningum var enn greitt 1. apríl 2017 þótt gildistími þeirra væri liðinn? Óskað er eftir stuttri lýsingu á efni hvers samnings fyrir sig.
Atvinnuvega- og nýsköpunarráðuneytið hefur á því tímabili sem spurt er um ekki gert neina samninga við sveitarfélög fyrir hönd ferðamála-, iðnaðar- og nýsköpunarráðherra.
Atvinnuvega- og nýsköpunarráðuneytið leitaði upplýsinga hjá stofnunum sem heyra undir ferðamála-, iðnaðar- og nýsköpunarráðherra um hvort einhverjir samningar hefðu verið gerðir sem féllu undir efni fyrirspurnarinnar. Í svari frá Ferðamálastofu kemur fram að stofnunin hafi gert samninga við eftirtalin sveitarfélög:
Árlegt rekstrarframlag Ferðamálastofu til landshlutamiðstöðva og landamæramiðstöðvar á Seyðisfirði.
Upplýsingamiðstöðin í Reykjavík | Reykjavíkurborg | 4.488.000 kr. |
Upplýsingamiðstöð Reykjaness | Markaðsstofa Reykjaness | 2.630.000 kr. |
Upplýsingamiðstöð Vestfjarða | Ísafjarðarbær | 2.630.000 kr. |
Upplýsingamiðstöð Norðurlands vestra | Sveitarfélagið Skagafjörður | 2.630.000 kr. |
Upplýsingamiðstöð Norðurlands | Akureyrarkaupstaður | 3.717.000 kr. |
Upplýsingamiðstöðin á Höfn | Sveitarfélagið Hornafjörður | 2.630.000 kr. |
Upplýsingamiðstöð Suðurlands | Hveragerðisbær | 2.630.000 kr. |
Upplýsingamiðstöðin á Seyðisfirði | Seyðisfjarðarkaupstaður | 1.595.000 kr. |
Aðrir samningar Ferðamálastofu við sveitarfélög.
Höfuðborgarstofa | Markaðsstarf og þróun | 4.695.000 kr. |
Höfuðborgarstofa | Áfangastaðaáætlanir DMP | 5.000.000 kr. |
Höfuðborgarstofa | Upplýsingaveita /DMP | 5.000.000 kr. |
Höfuðborgarstofa | Verkefnastjóri áfangastaðaáætlunar | 9.720.000 kr. |
Höfuðborgarstofa | Assessing thep impact of Airbnb on the housing market in Reykjavík | 1.500.000 kr. |
Aðrar stofnanir sem heyra undir ferðamála-, iðnaðar- og nýsköpunarráðherra höfðu ekki gert samninga við sveitarfélög.