Ferill 196. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 275 — 196. mál.
Fyrirspurn
til heilbrigðisráðherra um heilbrigðisáætlun.
Frá Höllu Signýju Kristjánsdóttur.
1. Hver er tímarammi ráðherra við gerð heilbrigðisáætlunar og við hverja verður haft samráð við áætlanagerðina?
2. Er skilgreint í heilbrigðisáætlun hvaða þjónustu Landspítalinn eigi að veita, hvaða þjónustu heilbrigðisstofnanir á landsbyggðinni eigi að veita og hvaða þjónustu einkaaðilar eigi að sinna?
3. Er tekið tillit til landfræðilegra þátta eins og samgangna og fjarlægða á milli byggðarlaga í heilbrigðisáætlun?
4. Er tekið tillit til forvarna, lýðheilsu, íbúaþróunar á starfssvæðum heilbrigðisstofnana, aldurssamsetningar íbúa, staðsetningar sjúkrabifreiða og aðgangs að sjúkraflugi í heilbrigðisáætlun?
5. Er skoðað við gerð heilbrigðisáætlunar hvort hægt sé að nýta auð sjúkrarými á heilbrigðisstofnunum á landsbyggðinni til að létta álagi af Landspítalanum?
6. Koma fjármála- og efnahagsráðuneytið og mennta- og menningarmálaráðuneytið að gerð heilbrigðisáætlunar?
