Ferill 325. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 433 — 325. mál.
Fyrirspurn
til forseta Alþingis um starfsmenn Alþingis og stofnana þess.
Frá Þorsteini Sæmundssyni.
1. Hvaða starfsmönnum Alþingis og stofnana þess lagði ríkið til bifreið árið 2017? Hvert var heildarverðmæti bifreiðanna?
2. Hver voru meðalheildarlaun starfsmanna Alþingis annars vegar og hverrar stofnunar hins vegar árið 2017? Hver voru hæstu heildarlaun einstaks starfsmanns annars vegar Alþingis og hins vegar hverrar stofnunar árið 2017?
3. Fengu einhverjir starfsmenn Alþingis og stofnana þess endurgreiddan aksturskostnað árið 2017 og hver var heildaraksturskostnaður annars vegar Alþingis og hins vegar hverrar stofnunar? Hver var hæsta greiðsla til einstaks starfsmanns Alþingis annars vegar og hverrar stofnunar hins vegar?
4. Fengu einhverjir starfsmenn Alþingis og stofnana þess endurgreiddan ferðakostnað í formi dagpeninga innan lands eða utan árið 2017 og hver var þá heildarferðakostnaður Alþingis annars vegar og hverrar stofnunar hins vegar? Hver var hæsta greiðsla til einstaks starfsmanns Alþingis annars vegar og hverrar stofnunar hins vegar vegna ferðakostnaðar innan lands annars vegar og erlendis hins vegar?
5. Var símakostnaður greiddur fyrir einhverja starfsmenn Alþingis og stofnana þess árið 2017 og þá fyrir hve marga starfsmenn Alþingis annars vegar og hverrar stofnunar hins vegar? Hver var heildarkostnaður annars vegar Alþingis og hins vegar hverrar stofnunar vegna símakostnaðar? Hver var hæsta greiðsla vegna einstaks starfsmanns annars vegar Alþingis og hins vegar hverrar stofnunar?
6. Fengu starfsmenn Alþingis og stofnana þess greidda fatapeninga árið 2017? Hver var þá heildarkostnaður Alþingis annars vegar og hverrar stofnunar hins vegar vegna fatapeninga?
Skriflegt svar óskast.
