Ferill 537. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 793 — 537. mál.
Fyrirspurn
til félags- og jafnréttismálaráðherra um fjölkerfameðferð við hegðunarvanda.
Frá Halldóru Mogensen.
1. Hver er árlegur kostnaður Barnaverndarstofu vegna fjölkerfameðferðar fyrir fjölskyldur barna sem glíma við alvarlegan hegðunarvanda á mörgum sviðum (MST-meðferðar, e. multisystemic therapy)? Svar óskast sundurliðað eftir árum frá árinu 2010 þar til nú.
2. Hvernig skiptist kostnaðurinn? Hversu stór hluti kostnaðar er greiddur til erlendra fyrirtækja vegna leyfa fyrir notkun á MST-meðferð?
3. Hvaða aðferðafræði er notuð við mælingu á árangri MST-meðferðar?
4. Hversu mörg börn sem stríða einungis við hegðunarvanda hafa notið MST-meðferðar? Hver hefur árangurinn verið í þeim tilfellum?
5. Hversu mörg börn með fíknivanda hafa notið MST-meðferðar? Hver hefur árangurinn verið í þeim tilfellum?
6. Hversu mörg börn sem hafa farið í áfengis- og vímuefnameðferð á meðferðarheimili hafa notið MST-meðferðar áður?
7. Hafa einhver börn farið í áfengis- og vímuefnameðferð á meðferðarheimili án þess að hafa áður notið MST-meðferðar? Ef svo er, hversu mörg börn voru það?
Skriflegt svar óskast.