Ferill 377. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 887 — 377. mál.
Svar
félags- og jafnréttismálaráðherra við fyrirspurn frá Birni Leví Gunnarssyni um ferðakostnað og dagpeninga ráðherra og ráðuneytisstjóra.
Vegna sameiningar félags- og tryggingamálaráðuneytisins og heilbrigðisráðuneytisins í velferðarráðuneytið árið 2011 og vegna fjölgunar ráðherra í velferðarráðuneytinu úr einum í tvo í maí 2013 eru svör félags- og jafnréttismálaráðherra og heilbrigðisráðherra samhljóða.
1. Hver var frá árinu 2006 árlegur fjöldi ferða heilbrigðisráðherra annars vegar og þeirra ráðherra sem fóru með málefnasvið hans og hins vegar ráðuneytisstjóra þessara sömu ráðuneyta til útlanda vegna starfa á vegum ráðuneytisins?
Eftirfarandi tafla sýnir fjölda ferða ráðherra og ráðuneytisstjóra félagsmálaráðuneytisins (félags- og tryggingamálaráðuneytisins 2008–2010) annars vegar og heilbrigðisráðuneytisins (heilbrigðis- og tryggingamálaráðuneytisins 2006–2007) hins vegar til útlanda vegna starfa á vegum ráðuneytanna árin 2006–10.
Félagsmálaráðuneytið | Heilbrigðisráðuneytið | |||
Fjöldi ferða ráðherra | Fjöldi ferða ráðuneytisstjóra | Fjöldi ferða ráðherra | Fjöldi ferða ráðuneytisstjóra | |
2006 | 6 | 7 | 7 | 8 |
2007 | 6 | 3 | 4 | 9 |
2008 | 3 | 4 | 8 | 5 |
2009 | 2 | 0 | 3 | 4 |
2010 | 6 | 0 | 4 | 3 |
Eftirfarandi tafla sýnir fjölda ferða ráðherra og ráðuneytisstjóra velferðarráðuneytisins til útlanda vegna starfa á vegum ráðuneytanna árin 2011–2017. Skammstafanir eru þessar: velferðarráðherra (VEL), félags- og jafnréttismálaráðherra (FEL) og heilbrigðisráðherra (HBR).
Velferðarráðuneytið | ||||
Fjöldi ferða ráðherra VEL | Fjöldi ferða ráðherra VEL/FEL | Fjöldi ferða ráðherra VEL/HBR | Fjöldi ferða ráðuneytisstjóra | |
2011 | 4 | 5 | ||
2012 | 5 | 3 | ||
2013 | 2 | 3 | 1 | 5 |
2014 | 9 | 5 | 8 | |
2015 | 4 | 2 | 5 | |
2016 | 3 | 5 | 11 | |
2017 | 7 | 6 | 10 |
2. Hve háar voru árlegar greiðslur dagpeninga hvors um sig vegna þessara ferða?
Fjallað er um greiðslu ferðakostnaðar vegna ferðalaga á vegum ríkisins í reglum fjármálaráðuneytisins, nr. 1/2009. Þar kemur fram að ráðherrum og forseta Hæstaréttar skuli greiddir 2/ 3 hlutar dagpeninga en 1/ 3 hluti dagpeninga ef um opinbera heimsókn er að ræða. Auk þess skal þeim greiddur ferða- og gistikostnaður, risnukostnaður og símtöl. Í eldri reglum um greiðslu ferðakostnaðar, nr. 39/1992, kom fram að ráðherrum og forseta Hæstaréttar skyldu greiddir fullir dagpeningar. Auk þess skyldi greiða ferða- og gistikostnað, risnukostnað og símtöl. Samkvæmt sömu reglum skyldi ráðuneytisstjórum, auk fleiri sem sérregla gilti um, greiddir 4/ 5 hlutar fullra dagpeninga, auk ferða-, gisti- og símakostnaðar. Með breytingunni árið 2009 lækkaði fjárhæð dagpeninga vegna ferða ráðherra en á móti kemur að ráðuneytin greiða fyrir gistingu. Að sama skapi var sérregla ráðuneytisstjóra og fleiri afnumin.
Eftirfarandi tafla sýnir hve háar árlegar greiðslur dagpeninga ráðherra og ráðuneytisstjóra félagsmálaráðuneytisins annars vegar og heilbrigðisráðuneytisins hins vegar voru árin 2006–2010.
Félagsmálaráðuneytið | Heilbrigðisráðuneytið | |||
Dagpeningar ráðherra | Dagpeningar ráðuneytisstjóra | Dagpeningar ráðherra | Dagpeningar ráðuneytisstjóra | |
2006 | 564.720 | 484.651 | 611.774 | 1.475.053 |
2007 | 403.240 | 277.435 | 265.409 | 1.035.637 |
2008 | 468.235 | 555.809 | 1.018.632 | 372.699 |
2009 | 247.848 | 0 | 446.811 | 1.032.340 |
2010 | 510.114 | 0 | 341.530 | 1.818.606 |
Eftirfarandi tafla sýnir hve háar árlegar greiðslur dagpeninga ráðherra og ráðuneytisstjóra velferðarráðuneytisins voru árin 2011–2017.
Velferðarráðuneytið | ||||
Dagpeningar ráðherra VEL | Dagpeningar ráðherra VEL/FEL | Dagpeningar ráðherra VEL/HBR | Dagpeningar ráðuneytisstjóra | |
2011 | 239.124 | 514.452 | ||
2012 | 113.062 | 495.202 | ||
2013 | 118.071 | 155.488 | 52.932 | 615.249 |
2014 | 400.405 | 197.406 | 886.854 | |
2015 | 145.794 | 154.316 | 526.121 | |
2016 | 224.725 | 282.839 | 934.401 | |
2017 | 295.235 | 354.119 | 801.315 |
3. Hversu oft á hverju ári fengu ráðherra og ráðuneytisstjóri 1/3 hluta dagpeninga og hve oft 2/3 hluta?
Reglur nr. 1/2009, um greiðslu ferðakostnaðar vegna ferðalaga á vegum ríkisins, tóku gildi 6. mars 2009. Skv. 9. gr. reglnanna gildir reglan um greiðslu á 1/ 3 hluta og 2/ 3 hlutum dagpeninga einungis vegna ferða ráðherra og forseta Hæstaréttar. Eftir gildistöku reglunnar hafa ráðherrar sem ferðast á vegum velferðarráðuneytisins fengið greidda 2/ 3 hluta. Fyrrnefnd 9. gr. reglnanna tekur ekki til ráðuneytisstjóra og fær ráðuneytisstjóri óskerta dagpeninga og greiðir allan sinn kostnað sjálfur.
4. Hverjar voru árlegar fjárhæðir, skipt á ráðherra og ráðuneytisstjóra, vegna hótelgistingar þeirra annars vegar og hins vegar annars ferðakostnaðar?
Eftirfarandi tafla sýnir árlegar fjárhæðir, skipt á ráðherra og ráðuneytisstjóra félagsmálaráðuneytisins annars vegar og heilbrigðisráðuneytisins hins vegar, vegna hótelgistingar þeirra og ferðakostnaðar árin 2006–2010.
Félagsmálaráðuneytið | Heilbrigðisráðuneytið | |||||||
Ráðherra | Ráðuneytisstjóri | Ráðherra | Ráðuneytisstjóri | |||||
Dvalarkostn. | Ferðakostn. | Dvalarkostn. | Ferðakostn. | Dvalarkostn. | Ferðakostn. | Dvalarkostn. | Ferðakostn. | |
2006 | 336.507 | 405.580 | 251.727 | 873.660 | 276.312 | 1.120.660 | 1.206.152 | 2.455.777 |
2007 | 284.422 | 589.810 | 157.835 | 307.386 | 173.995 | 483.800 | 765.390 | 1.631.438 |
2008 | 110.973 | 730.356 | 157.092 | 799.990 | 1.010.562 | 1.181.845 | 238.786 | 834.360 |
2009 | 120.978 | 213.330 | 0 | 0 | 0 | 458.754 | 0 | 526.662 |
2010 | 256.292 | 735.515 | 0 | 0 | 183.293 | 546.530 | 0 | 529.696 |
Eftirfarandi tafla sýnir árlegar fjárhæðir, skipt á ráðherra og ráðuneytisstjóra velferðarráðuneytisins vegna hótelgistinga annars vegar og ferðakostnaðar hins vegar árin 2011–2017.
Velferðarráðuneytið | ||||||||
Ráðherra VEL | Ráðherra VEL/FEL | Ráðherra VEL/HBR | Ráðuneytisstjóri | |||||
Dvalarkostn. | Ferðakostn. | Dvalarkostn. | Ferðakostn. | Dvalarkostn. | Dvalarkostn. | Ferðakostn. | Dvalarkostn. | |
2011 | 304.572 | 580.360 | 574.790 | 139.220 | ||||
2012 | 341.537 | 711.272 | 346.840 | 0 | ||||
2013 | 41.080 | 410.950 | 121.593 | 539.000 | 87.467 | 153.540 | 609.550 | 95.246 |
2014 | 473.659 | 1.278.445 | 100.413 | 448.595 | 770.585 | 23.779 | ||
2015 | 131.524 | 654.460 | 53.113 | 304.647 | 624.590 | 21.467 | ||
2016 | 102.373 | 394.404 | 321.733 | 371.937 | 906.221 | 0 | ||
2017 | 405.392 | 626.877 | 405.987 | 331.080 | 539.885 | 0 |
5. Í hversu mörgum tilfellum hvert þessara ára var ráðherra eða ráðuneytisstjóra ekið út á flugvöll í bifreiðum ráðuneytisins og í hve mörgum tilfellum endurgreiddu þeir þann hluta dagpeninga sem ætlaður er til að standa undir þeim hluta ferðakostnaðarins?
Í 8. gr. reglugerðar nr. 1281/2014, um bifreiðamál ríkisins, segir að leggja skuli ráðherrum ríkisstjórnarinnar til bifreið til afnota vegna starfa sinna. Þar af leiðandi er ráðherra jafnan ekið til flugvallar í bifreið ráðuneytisins. Ráðuneytisstjóra hefur ekki verið ekið sérstaklega til flugvallar í bifreið ráðuneytisins.
6. Hversu oft og hve háar voru árlegar endurgreiðslur ráðherra og ráðuneytisstjóra vegna styrkja og hvers konar hlunninda sem þeir nutu erlendis og eiga samkvæmt reglum ferðakostnaðarnefndar að koma til frádráttar almennum dagpeningagreiðslum?
Í 7. gr. reglna nr. 1/2009 segir að styrkir og hvers konar hlunnindi varðandi gistingu og fæði sem ríkisstarfsmenn njóta meðan á dvölinni stendur skuli koma til frádráttar almennum dagpeningagreiðslum eftir því sem við á og unnt er að meta hverju sinni.
Á ferðalögum ráðherra og/eða ráðuneytisstjóra hendir að gestgjafi eða sá aðili sem hýsir fund bjóði veitingar eða standi fyrir kurteisisviðburði sem hæfir tilefninu. Hefð hefur ekki skapast fyrir því að leggja sérstakt mat á umfangið þannig að það hafi leitt til frádráttar frá almennum dagpeningagreiðslum.