Ferill 611. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 983 — 611. mál.
Fyrirspurn
til fjármála- og efnahagsráðherra um breyttar áherslur í opinberum innkaupum.
Frá Vilhjálmi Árnasyni.
1. Hver hefur ávinningurinn verið af breyttum áherslum í opinberum innkaupum sem kynntar voru í fjármála- og efnahagsráðuneytinu í október 2016 í kjölfar setningar nýrra laga um opinber innkaup, nr. 120/2016? Hafa verið sett á fót fleiri tilraunaverkefni er snúa að hagkvæmum innkaupum síðan 2016? Hver eru fyrirhuguð næstu skref í því að innleiða aukna hagkvæmni í opinberum innkaupum?
2. Hver var ávinningurinn af útboði á flugfarmiðum Stjórnarráðsins í febrúar 2016 og hver eru fyrirhuguð næstu skref? Hefur farið fram útboð á flugmiðum fyrir stofnanir ríkisins? Ef ekki, hvenær er það fyrirhugað? Hver voru heildarkaup ríkisins (A-hluta) á flugmiðum árin 2016 og 2017?
3. Hver var ávinningurinn af rammasamningi um kaup á raforku frá 1. júní 2016 til tveggja ára? Hver voru heildarkaup ríkisins (A-hluta) á raforku árin 2016 og 2017 (í kWst og krónum.)
Skriflegt svar óskast.
