Ferill 481. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 1126 — 481. mál.
2. umræða.
Breytingartillaga
við frumvarp til laga um köfun.
Frá umhverfis- og samgöngunefnd.
1. Við 3. gr.
a. Á eftir orðunum „fara fram“ í 1. tölul. komi: í yfirborði og/eða.
b. Við bætist nýr töluliður, svohljóðandi: Köfunarbúnaður: Allur sá búnaður sem notaður er við köfun og gerir mönnum kleift að kafa.
2. Við 5. gr.
a. B-liður 1. mgr. orðist svo: uppfylla heilbrigðiskröfur, sbr. 6. gr.
b. C-liður 1. mgr. orðist svo: uppfylla menntunar- og hæfniskröfur, sbr. 7. gr.
3. Fyrri málsliður 1. mgr. 7. gr. orðist svo: Umsækjandi um skírteini sem heimilar köfun í atvinnuskyni skal fullnægja viðeigandi menntunar- og hæfniskröfum.
4. Á eftir 8. gr. komi nýr kafli, III. kafli, Áhugaköfun, með einni grein, 9. gr., sem orðist svo, ásamt fyrirsögn:
Áhugaköfun.
5. Við 11. gr.
a. Á eftir orðinu „Samgöngustofa“ í fyrri málslið 2. mgr. komi: eða aðrir til þess bærir aðilar.
b. 3. mgr. orðist svo:
Ráðherra er heimilt í reglugerð að kveða nánar á um eftirlit Samgöngustofu og annarra til þess bærra aðila.
6. 2. mgr. 15. gr. orðist svo:
Rannsóknarnefnd samgönguslysa skal annast rannsókn í kjölfar köfunarslysa. Rannsóknin skal eingöngu miða að því að leiða í ljós orsakir köfunarslyssins en ekki að skipta sök eða ábyrgð með það að markmiði að draga úr hættu á sams konar slysum og afleiðingum sambærilegra slysa. Um rannsókn á meintri refsiverðri háttsemi í tengslum við köfunarslys fer skv. 1. mgr. og er slík rannsókn óháð rannsóknum rannsóknarnefndar samgönguslysa. Að öðru leyti fer um rannsókn rannsóknarnefndar samgönguslysa eftir lögum um rannsókn samgönguslysa, nr. 18/2013, með síðari breytingum.
7. Við 16. gr.
a. H-liður orðist svo: eftirlit Samgöngustofu og annarra til þess bærra aðila.
b. Við bætist fjórir nýir stafliðir, svohljóðandi:
i. skilyrði fyrir að mega stunda köfun,
j. köfunarbúnað,
k. reglur vegna köfunar á afmörkuðum svæðum á Íslandi, þ.m.t. öryggisreglur og reglur um takmörkun umferðar,
l. reglur um tilkynningu til viðeigandi aðila um fyrirhugaða köfun í þjóðgörðum, á svæðum í einkaeigu, á friðuðum svæðum og í óbyggðum, fjarri alfaraleið.
