Ferill 622. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Prentað upp.
Þingskjal 1282 — 622. mál.
Liður felldur brott.
2. umræða.
Breytingartillaga
við frumvarp til laga um persónuvernd og vinnslu persónuupplýsinga.
Frá meiri hluta allsherjar- og menntamálanefndar (PállM, GuðmT, SÞÁ, AIJ, BÁ, JSV, WÞÞ, ÞÆ).
1. Við 2. gr.
a. Í stað orðanna „við EES-samninginn“ komi: EES-samningsins.
b. Við bætist nýr málsliður, svohljóðandi: Reglugerðin er birt sem fylgiskjal með lögum þessum.
2. Við 3. gr.
a. Í stað orðanna „heimspekilega sannfæringu“ í a-lið 3. tölul. komi: lífsskoðun.
b. Á eftir orðunum „persónuupplýsinga eða“ í 11. tölul. komi: þess.
c. Á eftir orðinu „aðgangur“ í 11. tölul. komi: verði.
3. Við 4. gr.
a. 3. mgr. orðist svo:
Lög þessi gilda um vinnslu persónuupplýsinga látinna einstaklinga eftir því sem við getur átt í fimm ár frá andláti þeirra eða lengur þegar um ræðir persónuupplýsingar sem sanngjarnt og eðlilegt má telja að leynt fari.
b. Í stað orðanna „lögbundin verkefni Alþingis“ í 5. mgr. komi: störf Alþingis og stofnana og rannsóknarnefnda þess.
4. Við 11. gr.
a. Í stað orðanna „1. mgr. 10. gr.“ í 1. málsl. komi: 9. gr.
b. Við 2., 9. og 10. tölul. 1. mgr. bætist: og fari fram á grundvelli laga sem kveða á um viðeigandi og sértækar ráðstafanir til að vernda grundvallarréttindi og hagsmuni hins skráða.
c. Í stað orðsins „verulega“ í 3. tölul. 1. mgr. komi: brýna.
d. Í stað orðanna „og fyrir henni sé sérstök lagaheimild“ í 7. tölul. 1. mgr. komi: og fari fram á grundvelli laga sem kveða á um viðeigandi og sértækar ráðstafanir til að vernda grundvallarréttindi og hagsmuni hins skráða.
e. Í stað orðanna „láta í té“ í 8. tölul. 1. mgr. komi: veita.
f. Á eftir orðunum „félagsþjónustu“ í 8. tölul. 1. mgr. komi: og fyrir henni sé sérstök lagaheimild.
5. Við 17. gr.
a. 4. mgr. orðist svo:
Heimilt er með lögum að takmarka rétt sem veittur er með 13.–15. gr. reglugerðarinnar virði slík takmörkun eðli grundvallarréttinda og mannfrelsis og teljist nauðsynleg og hófleg ráðstöfun í lýðræðisþjóðfélagi til að tryggja:
1. þjóðaröryggi;
2. landvarnir;
3. almannaöryggi;
4. það að koma í veg fyrir, rannsaka, koma upp um eða saksækja fyrir refsiverð brot eða fullnægja refsiviðurlögum, þ.m.t. að vernda gegn og koma í veg fyrir ógnir við almannaöryggi;
5. önnur mikilvæg markmið sem þjóna almannahagsmunum, einkum efnahagslegum eða fjárhagslegum, þ.m.t. vegna gjaldeyrismála, fjárlaga og skattamála, lýðheilsu og almannatrygginga;
6. vernd skráðs einstaklings, brýnna almannahagsmuna eða grundvallarréttinda annarra;
7. það að einkaréttarlegum kröfum sé fullnægt;
8. lagaákvæði um þagnarskyldu.
b. Á eftir 4. mgr. komi ný málsgrein, svohljóðandi:
Heimilt er að beita ákvæði 4. mgr. um persónuupplýsingar í vinnuskjölum sem notuð eru við undirbúning ákvarðana hjá ábyrgðaraðila, og ekki hefur verið dreift til annarra, að því marki sem nauðsynlegt er til að tryggja undirbúning málsmeðferðar.
c. Í stað orðsins „honum“ í fyrirsögn komi: rétti hins skráða.
6. Í stað orðanna „Skyldur til að halda skrá yfir vinnslustarfsemi ekki eiga við“ í 2. mgr. 26. gr. komi: Skyldur skv. 1. mgr. eiga ekki við.
7. Í stað orðsins „Einkaleyfastofu“ í 1. mgr. 37. gr. komi: Einkaleyfastofunnar.
8. Í stað orðanna „Þá geta stofnun, samtök eða félög“ í 2. málsl. 2. mgr. 39. gr. komi: Þá getur stofnun, samtök eða félag.
9. Á eftir orðunum „ábyrgðaraðila eða vinnsluaðila“ í 1. mgr. 46. gr. komi: skv. 4. mgr.
10. 1. málsl. 53. gr. orðist svo: Lög þessi öðlast gildi 15. júlí 2018.