Ferill 617. máls. Aðrar útgáfur af skjalinu: PDF - Word Perfect.
148. löggjafarþing 2017–2018.
Þingskjal 1312 — 617. mál.
Svar
dómsmálaráðherra við fyrirspurn frá Karli Gauta Hjaltasyni um fjölda rannsóknarlögreglumanna.
Fyrirspurnin hljóðar svo:
Hversu margir rannsóknarlögreglumenn störfuðu við hvert lögregluembætti 1. febrúar árin 2000–2018?
Í ársskýrslum embættis ríkislögreglustjóra gefur að finna upplýsingar um fjölda lögreglumanna, þar á meðal um fjölda rannsóknarlögreglumanna, við hvert embætti 1. febrúar viðkomandi ár. Á vefsvæði embættisins ( www.logreglan.is/utgafa/arsskyrslur/) má nálgast skýrslur fyrir árin 2001–2016. Tölur fyrir árin 2000 og 2018 liggja ekki fyrir.
Óbirtar bráðabirgðatölur fyrir árið 2017 eru eftirfarandi:
Lögregluumdæmi | Fjöldi rannsóknarlögreglumanna |
Lögreglan á Austurlandi | 1 |
Lögreglan á höfuðborgarsvæðinu | 78 |
Lögreglan á Norðurlandi eystra | 5 |
Lögreglan á Suðurlandi | 4 |
Lögreglan á Suðurnesjum | 16 |
Lögreglan á Vestfjörðum | 1 |
Lögreglan á Vesturlandi | 2 |
Alls | 107 |