Ferill 99. máls. Aðrar útgáfur af skjalinu: PDF - Word Perfect.

149. löggjafarþing 2018–2019.
Þingskjal 285  —  99. mál.



Svar


heilbrigðisráðherra við fyrirspurn frá Sigmundi Davíð Gunnlaugssyni um ráðgjöf og störf við tímabundin eða afmörkuð verkefni.


    Fyrirspurnin hljóðar svo:
     Hefur ráðherra fengið til starfa, tímabundið eða á grundvelli verksamnings, sérfræðinga eða aðra aðila til að veita ráðgjöf, sinna sérverkefnum eða verkefnastjórnun í einstökum verkefnum frá því að núverandi ríkisstjórn tók til starfa? Ef svo er, hvaða aðilar eru það, hverjar hafa greiðslur til þeirra verið og hver er lýsing á verkefnum þeirra?

    Svarið afmarkast við þá samninga sem gerðir hafa verið á tímabili sitjandi ráðherra ásamt öðrum verkefnum þar sem utanaðkomandi aðilar, sérfræðingar eða ráðgjafar eru fengnir til verksins. Undanskilið er það sem lýtur að rekstri ráðuneytis og starfsmannahaldi. Kostnaður vegna kaupa heilbrigðisráðherra á umræddri ráðgjöf eða þjónustu frá því núverandi ríkisstjórn tók til starfa 1. desember 2017 – 1. september 2018 er 1.453.483 kr. Að auki er sameiginlegur kostnaður heilbrigðisráðherra og félags- og jafnréttismálaráðherra á tímabilinu 2.060.783 kr. sem fellur undir velferðarráðuneytið.
    Eftirtaldir aðilar unnu tilgreind verkefni fyrir ráðuneytið á tímabilinu:

Nafn Verkefni Fjárhæð í kr.
Þýðingastofa JC ehf. Þýðing á lögum, rafrettulögin 58.955
Nilsina Larsen Einarsdóttir Hlutur ráðuneytisins í 5. og 6. skýrslu Íslands um samning Sameinuðu þjóðanna um réttindi barnsins 197.500
Utanríkisráðuneyti Þýðing á bókun við rammasamning um tóbaksvarnir o.fl. 672.600
Scriptorium ehf. Enskar þýðingar á fréttatilkynningum 43.560
Ríkiskaup Ráðgjöf vegna innkaupa á bóluefni gegn heimsfaraldri inflúensu og ráðgjöf vegna lyfjaútboðsmála 480.868

    Eftirtaldir aðila unnu tilgreind verkefni fyrir ráðuneytið á tímabilinu sem fellur undir sameiginlegan kostnað velferðarráðuneytisins:

Nafn Verkefni Fjárhæð í kr.
Brandenburg ehf. Hlutur VEL í hönnun: Ásýnd STJR 93.633
Athygli ehf. Vinna í fjarveru upplýsingafulltrúa velferðarráðuneytisins 329.550
Scriptorium ehf. Enskar þýðingar á fréttatilkynningum 22.400
KSA ehf. Ráðgjöf og endurskoðun á skipulagi VEL 1.615.200