Ferill 92. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 354 — 92. mál.
Svar
fjármála- og efnahagsráðherra við fyrirspurn frá Sigmundi Davíð Gunnlaugssyni um ráðgjöf og störf við tímabundin eða afmörkuð verkefni.
Fyrirspurnin hljóðar svo:
Hefur ráðherra fengið til starfa, tímabundið eða á grundvelli verksamnings, sérfræðinga eða aðra aðila til að veita ráðgjöf, sinna sérverkefnum eða verkefnastjórnun í einstökum verkefnum frá því að núverandi ríkisstjórn tók til starfa? Ef svo er, hvaða aðilar eru það, hverjar hafa greiðslur til þeirra verið og hver er lýsing á verkefnum þeirra?
Í meðfylgjandi töflu eru taldir upp þeir aðilar sem unnið hafa fyrir ráðuneytið að undanförnu þar sem ákvörðun um verkið var tekin á starfstíma núverandi ríkisstjórnar. Ekki er í svarinu getið um tilfallandi þjónustu og ráðgjöf sem lýtur að rekstri ráðuneytisins og starfsmannahaldi, hugbúnaðargerð, ráðningarþjónustu og verðmati á fasteignum sem teljast til hefðbundinna rekstrarverkefna ráðuneytisins. Allar upphæðir eru án virðisaukaskatts og miðast við greiðslur sem inntar hafa verið af hendi fyrir 26. október.
| Nafn | Lýsing | Upphæð |
| Arnaldur Hjartarson | Vinna við gerð hvítbókar fyrir fjármálakerfið, sbr. stjórnarsáttmála ríkisstjórnarinnar. | 1.054.50 |
| Ása Ólafsdóttir | Lögfræðiráðgjöf vegna frumvarpavinnu. | 297.000 |
| BBA Legal ehf. | Álitsgerð vegna innleiðingar DGSIII. | 2.431.800 |
| Capacent | Ráðgjöf vegna breyttra reikningsskila í kjölfar laga um opinber fjármál. | 591.848 |
| Capacent | Ráðgjöf vegna samþættingar flokkunar milli stofnana og ráðuneytis á opinberum stöðlum. | 239.000 |
| Capacent | Ráðgjöf vegna stafræns pósthólfs. | 230.000 |
| Capacent | Ráðgjöf vegna útboðs á Microsoft-hugbúnaðarleyfum fyrir allar A-hluta stofnanir. | 924.800 |
| Fylki ráðgjöf | Úttekt á lífeyrismálum. | 840.000 |
| Gerhard Steger | Ráðgjöf vegna innleiðingar laga um opinber fjármál. | 1.260.539 |
| Góðhóll ráðgjöf | Ráðgjöf varðandi innleiðingu á jafnlaunakerfi samkvæmt lögum nr. 56/2017. | 1.188.694 |
| Guðjón Rúnarsson | Vinna við gerð hvítbókar fyrir fjármálakerfið, sbr. stjórnarsáttmála ríkisstjórnarinnar. | 2.832.000 |
| Guðrún Ögmundsdóttir | Vinna við gerð hvítbókar fyrir fjármálakerfið, sbr. stjórnarsáttmála ríkisstjórnarinnar. | 1.320.000 |
| Gylfi Zoëga | Ráðgjöf í tengslum við endurskoðun þjóðhagslíkans. | 65.000 |
| Gylfi Zoëga | Vinna fyrir starfshóp um heildarendurskoðun á tekjuskattskerfinu. | 377.000 |
| Impacify | Vinna Kristrúnar Gunnarsdóttur við gerð hvítbókar fyrir fjármálakerfið, sbr. yfirlýsingu í stjórnarsáttmála ríkisstjórnarinnar. | 9.180.000 |
| Juris slf. | Vinna Lárusar Blöndal við gerð hvítbókar fyrir fjármálakerfið, sbr. yfirlýsingu í stjórnarsáttmála ríkisstjórnarinnar. | 7.469.967 |
| KPMG | Ráðgjöf vegna samþættingu innri líkana ráðuneytisins. | 787.300 |
| Landslög | Ráðgjöf vegna endurskoðunar á lögum um Fjármálaeftirlitið. | 558.507 |
| Logos slf. | Álitaefni vegna frumvarps sem innleiðir afmarkaðan hluta BRRD-tilskipunarinnar. | 225.600 |
| Margrét Sigrún Björnsdóttir | Ráðgjöf vegna þróunar fræðslu vegna stefnumótunar og þróunar árangursmælikvarða í tengslum við lög um opinber fjármál. | 999.823 |
| Nordic IT Consulting | Ráðgjöf við gerð grunnskipulags á tækniarkitektúr ríkisins. | 6.837.800 |
| Parelle ráðgjöf | Ráðgjöf við þróun á stafrænni þjónustu hjá stofnunum ríkisins. | 2.309.000 |
| Pedmore Advisory | Ráðgjöf Michael Ridley fyrir stjórnvöld að málefnum sem tengjast fjármálakerfinu á Íslandi. Ráðgjöf varðandi framþróun fjármálakerfisins. | 18.624.552 |
| Sólskríkjan slf. | Anna Sigríður Arnardóttir. Vinna í starfshópi um nýjan þjóðarleikvang. | 2.440.000 |
| STC ehf. | Efnisvinna við gerð hvítbókar fyrir fjármálakerfið, sbr. yfirlýsingu í stjórnarsáttmála ríkisstjórnarinnar. | 2.977.834 |
| Strategía | Ráðgjöf vegna nýs launakerfis forstöðumanna ríkisstofnana. | 483.750 |
| Sylvía Kristín Ólafsdóttir | Vinna við gerð hvítbókar fyrir fjármálakerfið, sbr. yfirlýsing í stjórnarsáttmála ríkisstjórnarinnar. | 1.320.000 |
| Vegferð | Fræðsla fyrir stofnanir ríkisins um stefnumótun og árangursmælikvarða í tengslum við lög um opinber fjármál. | 1.653.580 |
Ráðuneytið hefur í tíð núverandi ríkisstjórnar gert tímabundinn ráðningarsamning á grundvelli kjarasamnings BHM við ríkið til fimm og hálfs mánaðar við Sigríði Dís Guðjónsdóttur vegna vinnu við gerð hvítbókar fyrir fjármálakerfið.
