Ferill 96. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 801 — 96. mál.
Svar
mennta- og menningarmálaráðherra við fyrirspurn frá Sigmundi Davíð Gunnlaugssyni um ráðgjöf
og störf við tímabundin eða afmörkuð verkefni.
Fyrirspurnin hljóðar svo:
Hefur ráðherra fengið til starfa, tímabundið eða á grundvelli verksamnings, sérfræðinga eða aðra aðila til að veita ráðgjöf, sinna sérverkefnum eða verkefnastjórnun í einstökum verkefnum frá því að núverandi ríkisstjórn tók til starfa? Ef svo er, hvaða aðilar eru það, hverjar hafa greiðslur til þeirra verið og hver er lýsing á verkefnum þeirra?
Frá því að sitjandi ríkisstjórn tók við hefur ráðherra gert verksamninga um aðkeypta ráðgjöf, sérverkefni og verkefnisstjórn við eftirfarandi aðila (allar upphæðir eru án virðisaukaskatts):
| Bjartsýni slf. | 1.200.000 kr. | Kyngreinanleg úttekt á íþróttakennslu. |
| Bjartsýni slf. og Þórir Ólafsson |
2.000.000 kr. | Úttekt á starfrækslu og fjárreiðum Vinnustaðanámssjóðs. |
| Eiríkur Stephensen | 9.305.921 kr. | Framlengdur vistaskiptasamningur MRN við Háskóla Íslands. Gildistími 17. janúar 2018 til 18. apríl 2019. |
| G-47 | 2.368.100 kr. | Ráðgjöf vegna stefnumótunar og kynningarmála. |
| Goðhóll ráðgjöf ehf. | 3.020.000 kr. | Ráðgjöf við innleiðingu jafnlaunavottunar MRN. |
| Hagrannsóknir sf. | 1.800.000 kr. | Mat á aðgerðum og tillögum er varða starfsskilyrði bókaútgáfu og fjölmiðla. |
| Helgi Eiríkur Eyjólfsson | 3.688.140 kr. | Menntatölfræði. Tímabundin ráðning frá 1. júlí 2018 til 30. júní 2019. |
| Hörður Þorgilsson sálfræðingur | 1.250.000 kr. | Starfsmannamál Landbúnaðarháskóla Íslands. |
| JSG-Lögmenn | 941.718 kr. | Málshöfðun á hendur Seltjarnarnesbæ v/Lækningaminjasafns. |
| Lögfræðistofa Reykjavíkur ehf. | 958.500 kr. | Utanaðkomandi álit lögfræðinga á málum er varða afnám efnisgjalda í framhaldsskólum og skipunartíma forstöðumanns Kvikmyndamiðstöðvar Íslands. |
| Maskína-rannsóknir ehf. | 4.934.000 kr. | Framkvæmd íslenska hluta Eurostudent VII könnunar á félags- og efnahagslegum þáttum er snerta háskólanema. |
| Nónó ehf. | 1.700.000 kr. | Sérfræðiþjónusta vegna málefna Kvikmyndaskóla Íslands. |
| Sálfræðiráðgjöf Jóhanns Inga G. slf. |
1.250.000 kr. | Starfsmannamál Landbúnaðarháskóla Íslands. |
| Selma Árnadóttir | 5.689.944 kr. | Ráðgjöf í menntamálum. Tímabundin ráðning frá 7. maí til 31. desember 2018. |
| Vöxtur ehf. | 4.794.000 kr. | Ráðningar- og mannauðsráðgjöf. |
