Ferill 419. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 833 — 419. mál.
Svar
samgöngu- og sveitarstjórnarráðherra við fyrirspurn frá Birni Leví Gunnarssyni um kærur og málsmeðferðartíma.
1. Hversu margar kærur bárust eftirtöldum á hverju ári frá árinu 2013:
a. yfirfasteignamatsnefnd,
b. úrskurðaraðila á sviði sveitarstjórnarmála,
c. álitsaðila á sviði sveitarstjórnarmála,
d. úrskurðaraðila á sviði samgöngumála,
e. úrskurðarnefnd fjarskipta- og póstmála?
Í eftirfarandi töflu er greint frá fjölda allra innsendra kæra, þar eru meðtaldar kærur sem lokið hefur verið án úrskurðar, sem á t.d. við um kærur sem eru afturkallaðar eða vísað frá.
2013 | 2014 | 2015 | 2016 | 2017 | 2018 | |
Fjöldi innkominna kæra á ári | ||||||
a. yfirfasteignamatsnefnd | 13 | 11 | 19 | 26 | 13 | 16 |
b. úrskurðaraðilar á sviði sveitarstjórnarmála | 13 | 20 | 10 | 22 | 7 | 14 |
c. álitsaðilar á sviði sveitarstjórnarmála | 4 | 3 | 9 | |||
d. úrskurðaraðilar á sviði samgöngumála | 23 | 37 | 17 | 24 | 56 | 18 |
e. úrskurðarnefnd fjarskipta- og póstmála | 4 | 5 | 10 | 4 | 13 | 4 |
2. Hver var meðalafgreiðslutími á hverju ári? Hver var stysti tími sem tekið hefur að afgreiða kæru og hver var lengsti tími á hverju ári?
Í eftirfarandi töflu er greint frá meðalafgreiðslutíma allra innsendra kæra á hverju ári í dögum talið.
2013 | 2014 | 2015 | 2016 | 2017 | 2018 | |
Meðalafgreiðslutími lokinna mála á ári | ||||||
a. yfirfasteignamatsnefnd | 192 | 198 | 126 | 145 | 150 | 177 |
b. úrskurðaraðilar á sviði sveitarstjórnarmála | 197 | 158 | 274 | 153 | 486 | 174 |
c. álitsaðilar á sviði sveitarstjórnarmála | 155 | 175 | 155 | |||
d. úrskurðaraðilar á sviði samgöngumála | 209 | 150 | 191 | 142 | 159 | 244 |
e. úrskurðarnefnd fjarskipta- og póstmála | 91 | 205 | 360 | 144 | 263 | 246 |
Í eftirfarandi töflum eru upplýsingar um stysta og lengsta afgreiðslutíma allra kæra sem líkur með úrskurði.
2013 | 2014 | 2015 | 2016 | 2017 | 2018 | |
Stysti málsmeðferðartími á ári | ||||||
a. Yfirfasteignamatsnefnd | 100 | 79 | 21 | 37 | 85 | 92 |
b. úrskurðaraðilar á sviði sveitarstjórnarmála | 143 | 140 | 82 | 38 | 440 | 225 |
c. álitsaðilar á sviði sveitarstjórnarmála | 120 | 120 | 150 | |||
d. úrskurðaraðilar á sviði samgöngumála | 35 | 6 | 184 | 42 | 2 | 168 |
e. úrskurðarnefnd fjarskipta- og póstmála | 66 | 121 | 227 | 12 | 36 | 122 |
Lengsti málsmeðferðartími á ári | ||||||
a. yfirfasteignamatsnefnd | 279 | 370 | 296 | 257 | 230 | 216 |
b. úrskurðaraðilar á sviði sveitarstjórnarmála | 455 | 549 | 394 | 399 | 518 | 328 |
c. álitsaðilar á sviði sveitarstjórnarmála | 240 | 210 | 180 | |||
d. úrskurðaraðilar á sviði samgöngumála | 459 | 315 | 376 | 423 | 212 | 373 |
e. úrskurðarnefnd fjarskipta- og póstmála | 115 | 252 | 493 | 265 | 371 | 447 |
3. Hversu margar kærur voru óafgreiddar hjá hverjum úrskurðaraðila 1. nóvember sl.?
Fjöldi óafgreiddra kæra 1. nóvember 2018 | |
a. yfirfasteignamatsnefnd | 12 |
b. úrskurðaraðilar á sviði sveitarstjórnarmála | 7 |
c. álitsaðilar á sviði sveitarstjórnarmála | |
d. úrskurðaraðilar á sviði samgöngumála | 16 |
e. úrskurðarnefnd fjarskipta- og póstmála | 2 |
Til upplýsingar má nefna að almennt eru ákvarðanir undirstofnana samgöngu- og sveitarstjórnarráðuneytisins kæranlegar til ráðuneytisins. Öðru máli gegnir um endurmat Þjóðskrár Íslands á mati fasteignar og um ákvarðanir Póst- og fjarskiptastofnunar.
Úrskurðarnefnd fjarskipta- og póstmála er sjálfstæð úrskurðarnefnd sem starfar á grundvalli 13. gr. laga um Póst- og fjarskiptastofnun, nr. 69/2003. Heimilt er að kæra ákvarðanir Póst- og fjarskiptastofnunar til nefndarinnar og/eða til dómstóla. Úrskurðir nefndarinnar eru endanlegir á stjórnsýslustigi. Yfirfasteignamatsnefnd er sömuleiðis sjálfstæð úrskurðarnefnd sem starfar á grundvelli 34. gr. laga um skráningu og mat fasteigna, nr. 6/2001. Heimilt er að kæru niðurstöðu á endurmati Þjóðskrár Íslands á mati fasteignar til yfirfasteignamatsnefndar. Úrskurðir nefndarinnar eru fullnaðarúrskurðir.
Um álitsgerðir á sviði sveitarstjórnarmála má nefna að samkvæmt 112. gr. sveitarstjórnarlaga, nr. 138/2011, ákveður ráðuneytið sjálft hvort tilefni er til að taka til formlegrar umfjöllunar stjórnsýslu sveitarfélags sem lýtur eftirliti þess, óháð því hvort um kæranlega ákvörðun sé að ræða skv. 111. gr. laganna. Þetta frumkvæðiseftirlit ráðuneytisins er mikilvægur þáttur í eftirliti þess með stjórnsýslu sveitarfélaganna og mikilvægt réttarúrræði þegar ekki eru til staðar efnisleg skilyrði þess að taka mál til kærumeðferðar á grundvelli 111. gr. Þá getur meðferð frumkvæðismála einnig gegnt því hlutverki að greiða almennt úr réttaróvissu og veita leiðbeiningu um framkvæmd laga.
Ráðuneytið ákveður sjálft hvort tilefni sé til þess að hefja frumkvæðismál á grundvelli 112. gr. sveitarstjórnarlaga. Getur það ýmis verið vegna kvörtunar eða ábendingar sem ráðuneytinu hefur borist eða að eigin frumkvæði þess. Þegar ráðuneytið tekur slíkt mál til meðferðar getur það eftir atvikum gefið út leiðbeiningar um túlkun laga og stjórnsýslu sveitarfélagsins að öðru leyti, gefið út álit um lögmæti athafna eða athafnaleysis sveitarfélags eða annars er eftirlit beinist að, gefið út fyrirmæli til sveitarfélags um að það taki ákvörðun í máli, felli ákvörðun úr gildi eða komi málum að öðru leyti í lögmætt horf eða beitt öðrum úrræðum samkvæmt sveitarstjórnarlögum, sé tilefni til.
Af framangreindu má sjá að frumkvæðismál á grundvelli 112. gr. sveitarstjórnarlaga eru um margt ólík kærumálum sem eiga upphaf sitt í formlegri kæru og sem líkur með úrskurði. Vegna fyrirspurnarinnar hefur ráðuneytið hins vegar tekið saman fjölda þeirra frumkvæðismála sem lokið hefur með útgáfu formlegra álita sem birt eru á vefnum www.urskurdir.is.