Ferill 651. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1064 — 651. mál.
Fyrirspurn
til heilbrigðisráðherra um úttekt á InterRAI-mælitækjum og færni- og heilsumati.
Frá Guðjóni S. Brjánssyni.
1. Mun heilbrigðisráðuneytið fylgja eftir öllum þeim ábendingum sem embætti landlæknis setti fram í minnisblaði, dagsettu 18. júní 2018, í framhaldi af úttekt KPMG á InterRAImælitækjum og færni- og heilsumati? Ef ekki, þá hvaða ábendingum og af hverju?
2. Hefur vinnuhópur um RAI-NH verið stofnaður eins og lagt er til í minnisblaðinu? Ef svo er, hefur fulltrúum þjónustuveitenda verið boðið að hafa fulltrúa í þeim vinnuhópi?
3. Er endurskoðun hafin á reglugerð um færni- og heilsumat vegna dvalar- og hjúkrunarrýma nr. 466/2012 eins og bent er á í minnisblaðinu að nauðsynlegt sé?
Skriflegt svar óskast.
