Ferill 664. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1188 — 664. mál.
Svar
forseta Alþingis við fyrirspurn frá Birni Leví Gunnarssyni um pappírsnotkun.
Fyrirspurnin hljóðar svo:
Hversu mikill pappír er notaður á Alþingi? Svar óskast um magn og kostnað, sundurliðað eftir starfssvæðum.
Pappírsnotkun hefur minnkað jafnt og þétt á undanförnum árum og til að mynda eru fundargögn á nefndafundum ekki lengur prentuð út heldur eru þau aðgengileg rafrænt. Alþingi er þátttakandi í Grænum skrefum og er leitast við að prenta ekki út efni að óþörfu. Notast er við svokallað prentský, aðgangsstýrða prentlausn, þar sem öll skjöl sem ætlunin er að prenta eru send í eina sameiginlega prentbiðröð og notandinn getur prentað út með aðgangskorti á hvaða tæki sem er á þingsvæðinu. Þetta á að draga úr prentun og auka gagnaöryggi. Prenturum hefur verið fækkað og notendur eru hvattir til að prenta báðum megin á blöðin til að spara pappír.
Árið 2018 var magn og kostnaður við kaup Alþingis á pappír sem hér segir:
| Pappír | Fjöldi blaða | Upphæð |
| Ljósritunarpappír (hvítur) A4 | 432.000 | 525.184 kr. |
| Hvítur pappír B5 | 50.000 | 133.560 kr. |
| Hvítur pappír B4 | 55.000 | 284.564 kr. |
| A3 pappír | 2.500 | 12.250 kr. |
| Samtals | 539.500 | 955.558 kr. |
Skipting prentunar eftir starfssvæðum var árið 2018 sem hér segir:
| Prentari/ljósritunarvél | Blöð |
| Alþingishús, 1. hæð (Framsóknarflokkur) | 1.504 |
| Alþingishús, 1. hæð (Sjálfstæðisflokkur) | 1.696 |
| Alþingishús, 1. hæð (VG) | 2.847 |
| Alþingishús, 2. hæð (þingfundaskrifstofa) | 12.879 |
| Alþingishús, 3. hæð (Miðflokkur) | 3.120 |
| Alþingishús (þingfundaskrifstofa, ljósritun)* | 49.400 |
| Austurstræti 10a, 3. hæð (skjaladeild) | 46.708 |
| Austurstræti 10a, 4. hæð (VG) | 6.547 |
| Austurstræti 12, 5. hæð (Samfylkingin) | 624 |
| Austurstræti 14, 2. hæð (Viðreisn) | 5.730 |
| Austurstræti 14, 3. hæð (Flokkur fólksins) | 10.572 |
| Austurstræti 14, 4. hæð (Framsóknarflokkur) | 3.923 |
| Austurstræti 14, 5. hæð (Samfylkingin) | 7.709 |
| Austurstræti 8–10, 2. hæð (fjárl. ljósritun) | 10.111 |
| Austurstræti 8– 10, 2. hæð (fjárlaganefnd) | 4.985 |
| Austurstræti 8– 10, 2. hæð (nefndasvið) | 3.655 |
| Austurstræti 8– 10, 3. hæð (alþjóðadeild) | 5.055 |
| Austurstræti 8– 10, 3. hæð (nefndasvið) | 7.778 |
| Austurstræti 8– 10, 3. hæð (nefndasvið) | 19.379 |
| Austurstræti 8– 10, 4. hæð (Sjálfstæðisflokkur) | 6.907 |
| Austurstræti 8– 10, 5. hæð (Miðflokkur) | 8.829 |
| Blöndahlshús, 1. hæð (fjármálaskrifstofa) | 29.611 |
| Blöndahlshús, 2. hæð (forsetaskrifstofa) | 19.065 |
| Blöndahlshús, 2. hæð (ljósritunarvél)* | 3.400 |
| Blöndahlshús, 3. hæð (ræðuútgáfa) | 20.090 |
| Skáli, 1. hæð (þingflokksherbergi) | 14.158 |
| Skáli, 1. hæð (þingverðir) | 3.870 |
| Skáli, kjallari (þingskjöl og efni fyrir þingmenn)* | 221.000 |
| Skúlahús, 1. hæð (rannsóknarþjónusta og almannatengsl) | 6.939 |
| Skúlahús, 2. hæð (upplýsingatækniskrifstofa) | 5.967 |
| Vonarstræti 8, 1. hæð (ýmsir) | 2.287 |
| Vonarstræti 8, 2. hæð (Píratar) | 3.070 |
| Samtals | 549.415 |
