Ferill 678. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1314 — 678. mál.
Svar
samgöngu- og sveitarstjórnarráðherra við fyrirspurn frá Ingu Sæland um nefndir, starfshópa, faghópa og ráð á vegum ráðuneytisins.
1. Hvaða nefndir, starfshópar, faghópar, ráð og áþekkir hópar starfa á vegum ráðuneytisins? Meðlimir hvaða hópa fá greidd laun fyrir vinnu sína?
Á málefnasviði ráðuneytisins eru nítján lögbundnar nefndir og ráð, tvær lögbundnar úrskurðarnefndir og fimm lögbundnar stjórnir.
Í töflunni hér á eftir eru upplýsingar um hverjum ráðuneytið greiddi fasta þóknun fyrir vinnu sína 1. mars sl. Um er að ræða tólf lögbundnar nefndir og ráð, eina stjórn og eina úrskurðarnefnd. Þá er einnig greint frá kostnaði við úrskurðarnefnd fjarskipta- og póstmála en sú nefnd fær ekki greidda fasta þóknun heldur tímagjald samkvæmt tímaskýrslu. Í eftirtöldum nefndum starfa alls 89 nefndarmenn og af þeim fá 28 nefndarmenn greidda fasta þóknun. Í svarinu er ekki greint frá ólaunuðum hópum eða hópum þar sem laun eru greidd af öðrum en ráðuneytinu.
Þá er ekki greint frá tímabundnum starfshópum ráðherra þar sem ekki er um launað starf að ræða, en í einhverjum tilvikum er greitt fyrir sérfræðiþekkingu samkvæmt samningi þar um. Nýlegar upplýsingar um ráðgjöf og störf við tímabundin eða afmörkuð verkefni og greiðslur vegna þeirra má finna í svari ráðherra við fyrirspurn á þskj. 244 (93. mál).
| Heiti nefndar | Fá greitt |
| Eftirlitsnefnd með fjármálum sveitarfélaga | Þórir Ólafsson |
| Gerður Guðjónsdóttir | |
| Oddur Gunnar Jónsson | |
| Reikningsskila- og upplýsinganefnd | Sigrún Guðmundsdóttir |
| Ágúst Kristinsson | |
| Mönnunarnefnd skipa | Lilja Jónasdóttir |
| Skipulagsnefnd Keflavíkurflugvallar | Guðmundur Björnsson |
| Steinþór Einarsson | |
| Kristinn Halldórsson | |
| Guðlaugur H. Sigurjónsson | |
| Einar Jón Pálsson | |
| Undanþágunefnd frá atvinnuréttindum vélstjóra og skipstjórnarmanna | Lilja Jónasdóttir |
| Byggðamálaráð | Ágúst Bjarni Garðarsson |
| Ingveldur Ása Konráðsdóttir | |
| Starfshópur um mótun stefnu í málefnum sveitarfélaga | Valgarður Hilmarsson |
| Sóley Björk Stefánsdóttir | |
| Fagráð um umferðarmál | Ísólfur Gylfi Pálmason |
| Fagráð um flugmál | Ingvar Mar Jónsson |
| Siglingaráð | Halldór Ármannsson |
| Samgönguráð | Þórunn Egilsdóttir |
| Gissur Jónsson | |
| Fjarskiptaráð | Jón Björn Hákonarson |
| Stjórn Fjarskiptasjóðs | Páll Jóhann Pálsson |
| Haraldur Benediktsson | |
| Margrét Gauja Magnúsdóttir | |
| Yfirfasteignamatsnefnd | Ásgeir Jónsson |
| Hulda Árnadóttir | |
| Björn Jóhannesson | |
| Úrskurðarnefnd fjarskipta- og póstmála | Þórður Bogason |
| Brynja Ingunn Hafsteinsdóttir | |
| Kirstín Þ. Flygenring |
2. Hversu mikill kostnaður hlaust af starfsemi ofangreindra hópa árið 2018?
Heildarkostnaður við starfsemi nefnda og ráða sem hljóta fasta þóknun, auk kostnaðar við úrskurðarnefnd fjarskipta- og póstmála nam um 26,4 millj. kr. á árinu 2018. Nánari sundurliðun má sjá í töflunni.
| Heiti nefndar | Kostnaður, kr. |
| Byggðamálaráð | 429.417 |
| Eftirlitsnefnd um fjármál sveitarfélaga | 3.580.470 |
| Reikningsskila- og upplýsinganefnd | 1.641.609 |
| Samgönguráð | 1.952.200 |
| Fagráð um flugmál | 1.505.798 |
| Mönnunarnefnd skipa | 488.857 |
| Skipulagsnefnd Keflavíkurflugvallar | 3.699.646 |
| Fagráð um umferðarmál | 801.810 |
| Undanþágunefnd frá atvinnuréttindum vélstjóra og skipstjórnarmanna | 488.857 |
| Úrskurðarnefnd póst- og fjarskiptamála (tímagjald en ekki föst þóknun) | 3.572.516 |
| Yfirfasteignamatsnefnd (úrskurðarnefnd) | 4.958.451 |
| Stjórn Fjarskiptasjóðs | 3.325.995 |
| Samtals kostnaður árið 2018 | 26.445.626 |
3. Hyggst ráðherra stuðla að einfaldara og ódýrara stjórnkerfi með því að fækka launuðum nefndum, starfshópum, faghópum, ráðum og áþekkum hópum á vegum ráðuneytisins?
Fylgst er með árangri af störfum launaðra nefnda og ráða og reglulega farið yfir hvort þörf sé á breytingum. Öðru hvoru hafa verið gerðar breytingar á nefndum og ráðum og eru nokkur dæmi um að nefndir hafi verið sameinaðar, nefndir hafa verið lagðar niður og nýjar settar á laggirnar. Leiðarljósið er ávallt að tryggja fagmennsku, árangur og góða nýtingu á fjármunum ríkisins.
