Ferill 832. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1326 — 832. mál.
Fyrirspurn
til sjávarútvegs- og landbúnaðarráðherra um flotvörpuveiðar á íslenskri sumargotssíld.
Frá Ingu Sæland.
1. Á hvaða svæðum og tímabilum leyfðist íslenskum skipum að stunda veiðar með flotvörpu úr íslenska sumargotssíldarstofninum á árunum 2000–2019? Svæði óskast sýnd á kortum.
2. Hver var árleg heildarveiði íslenskra skipa á íslenskri sumargotssíld á árunum 2000– 2019?
3. Hversu mikið veiddu íslensk fiskiskip af íslenskri sumargotssíld í flotvörpu árlega 2000– 2019? Svar óskast gefið upp í tonnum og prósentuhlutfalli af heildarveiði þessara skipa úr stofninum hvert fiskveiðiár.
Skriflegt svar óskast.
