Ferill 864. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1388 — 864. mál.
Fyrirspurn
til heilbrigðisráðherra um notkun hegðunarlyfja.
Frá Ingu Sæland.
1. Hver var fjöldi ávísana á tauga- og geðlyf (hegðunarlyf) til drengja á grunnskólaaldri á árunum 2000–2018, hve margir drengir á þessu aldursbili fengu ávísanir á slík lyf og hvert var hlutfall þeirra af heildarfjölda drengja á grunnskólaaldri á árabilinu, sundurliðað eftir árum?
2. Hver var fjöldi ávísana á tauga- og geðlyf (hegðunarlyf) til stúlkna á grunnskólaaldri á árunum 2000–2018, hve margar stúlkur á þessu aldursbili fengu ávísanir á slík lyf og hvert var hlutfall þeirra af heildarfjölda stúlkna á grunnskólaaldri á árabilinu, sundurliðað eftir árum?
Skriflegt svar óskast.
