Ferill 434. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1577 — 434. mál.
2. umræða.
Breytingartillaga
við frumvarp til laga um Þjóðarsjóð.
Frá meiri hluta efnahags- og viðskiptanefndar (ÓBK, BHar, ÓGunn, SÁA, SilG).
1. Á eftir orðunum „Starfrækja skal“ í 1. málsl. 2. gr. komi: sjálfstæðan.
2. Við 1. mgr. 3. gr.
a. Á eftir 2. málsl. komi nýr málsliður, svohljóðandi: Stjórnarmenn skulu vera lögráða og hafa gott orðspor og mega aldrei hafa verið sviptir forræði á búi sínu eða, í tengslum við atvinnurekstur, hlotið dóm fyrir fjármunabrot samkvæmt almennum hegningarlögum, lögum á sviði fjármálamarkaðar eða öðrum lögum sem varða starfsemi félaga, eða sætt íþyngjandi stjórnvaldsviðurlögum sem einstaklingar eða fyrirsvarsmenn lögaðila á framangreindum sviðum.
b. Við bætast tveir nýir málsliðir, svohljóðandi: Stjórnarmenn mega ekki taka að sér eða hafa með höndum nein störf sem geta verið til þess fallin að draga óhlutdrægni þeirra í efa. Skipun stjórnarmanna verður ekki afturkölluð nema á grundvelli málefnalegra og lögmætra sjónarmiða.
3. 1. málsl. 1. mgr. 4. gr. orðist svo: Stjórn sjóðsins skal með samningi fela þar til bærum aðilum vörslu sjóðsins og áhættustýringu og öðrum aðila, með viðhlítandi sérþekkingu á erlendum fjármálamörkuðum, að annast eignastýringu.
4. Í stað orðanna „á hverjum tíma“ í 1. mgr. 6. gr. komi: í lok næstliðins reikningsárs.
5. Í stað orðsins „lánshæfisflokkum“ í 3. málsl. 8. gr. komi: gjaldmiðlum.
6. 9. gr. orðist svo:
Sjóðnum er heimilt að fjárfesta í fjármálagerningum skráðum á skipulegum verðbréfamarkaði, verðbréfasjóðum, sérhæfðum sjóðum, afleiðum tengdum fyrrgreindum fjármálagerningum og innlánum lánastofnana.
7. Í stað orðsins „markaðsverðbréf“ í 2. mgr. 10. gr. komi: fjármálagerninga skráða á skipulegum verðbréfamarkaði.
8. Á eftir 1. málsl. 2. mgr. 12. gr. komi nýr málsliður, svohljóðandi: Skýrslan skal staðfest af ríkisendurskoðanda með könnunaráritun.
9. Á eftir 12. gr. komi ný grein er orðist svo, ásamt fyrirsögn:
Eignir Þjóðarsjóðs og skuldastaða ríkissjóðs.
10. Í stað tilvísunarinnar „4. málsl. 1. mgr. 3. gr.“ í ákvæði til bráðabirgða I komi: 5. málsl. 1. mgr. 3. gr.
11. Í stað „2020–2022“ í 2. mgr. ákvæðis til bráðabirgða II komi: 2020–2024.