Ferill 941. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1587 — 941. mál.
Fyrirspurn
til dómsmálaráðherra um dagsektir í umgengnismálum.
Frá Höllu Gunnarsdóttur.
1. Hve oft hafa verið settar fram kröfur um beitingu dagsekta samkvæmt heimild í 48. gr. barnalaga, nr. 76/2003, til að þvinga fram umgengni og hversu margir einstaklingar hafa sett fram slíka kröfu undanfarin fimm ár?
2. Hversu margir hafa þurft að greiða dagsektir á grundvelli úrskurða sýslumanns vegna umgengnismála undanfarin fimm ár?
3. Hversu háar upphæðir hefur verið úrskurðað um við beitingu dagsekta undanfarin fimm ár á grundvelli 48. gr. barnalaga?
4. Hver er meðalfjöldi daga sem einstaklingar greiða dagsektir samkvæmt úrskurði og hver er hæsta heildarfjárhæð sem hefur verið greidd í dagsektir yfir eitt tímabil?
5. Við hvað er miðað þegar sýslumaður ákveður upphæð dagsekta í hverju tilfelli fyrir sig?
6. Hve oft hafa sýslumenn sent tilkynningar til barnaverndarnefndar þegar kveðinn er upp úrskurður um dagsektir?
7. Telur ráðherra að beiting dagsekta í umgengnismálum hafi skilað þeim árangri sem að var stefnt?
Skriflegt svar óskast.
