Ferill 674. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1776 — 674. mál.
Svar
umhverfis- og auðlindaráðherra við fyrirspurn frá Ingu Sæland um nefndir, starfshópa, faghópa og ráð á vegum ráðuneytisins.
1. Hvaða nefndir, starfshópar, faghópar, ráð og áþekkir hópar starfa á vegum ráðuneytisins? Meðlimir hvaða hópa fá greidd laun fyrir vinnu sína?
2. Hversu mikill kostnaður hlaust af starfsemi ofangreindra hópa árið 2018?
Eftirfarandi nefndir, starfshópar, faghópar og ráð eru nú starfandi á vegum ráðuneytisins.
Kostnaður vegna nefnda liggur fyrst og fremst í þóknunum sem greiddar eru til utanaðkomandi sérfræðinga fyrir þátttöku þeirra í nefndarstarfi, enda er það meginregla varðandi nefndarstörf að ekki er greitt fyrir setu fulltrúa stjórnvalda og hagsmunaaðila í nefndum og ráðum á vegum ráðuneyta. Kostnaður vegna fyrrgreindra hópa fellur á fleiri ríkisaðila heldur en ráðuneytið. Heildarkostnaður ráðuneytisins vegna nefnda, starfshópa, faghópa og ráða á árinu 2018 nam samtals u.þ.b. 89 millj. kr. og nánari sundurliðun má sjá í eftirfarandi töflu:
Nefnd | Fá greitt | Launa- kostnaður |
Annar kostnaður | Kostnaður alls |
Breiðafjarðarnefnd | x | 387.503 | 12.109.188 | 12.496.691 |
Fagráð náttúruminjaskrár | ||||
Fagráð Náttúrurannsóknastöðvarinnar við Mývatn | ||||
Hreindýraráð | x | |||
Hættumatsnefnd vegna eldgosa | ||||
Hættumatsnefnd vegna vatns- og sjávarflóða | ||||
Jafnréttisnefnd ráðuneytisins | ||||
Loftslagsráð | x | 977.870 | 977.870 | |
Mengunarvarnaráð hafna | ||||
Nefnd um stofnun þjóðgarðs á miðhálendi Íslands | x | 3.319.682 | 6.906.263 | 10.225.945 |
Nefnd um umhverfisviðurkenningu umhverfis- og auðlindaráðuneytisins – Kuðunginn | x | 175.502 | 175.502 | |
Ofanflóðanefnd | x | |||
Ráðgjafarnefnd um erfðabreyttar lífverur | x | |||
Ráðgefandi nefnd um þjóðgarðinn Snæfellsjökul | ||||
Ráðgjafarnefnd náttúruminjaskrár | ||||
Ráðgjafarnefnd fagstofnana og eftirlitsaðila samkvæmt lögum um stjórn vatnamála | ||||
Ráðgjafarnefnd hagsmunaaðila samkvæmt lögum um stjórn vatnamála nr. 36/2011 | ||||
Ráðgjafarnefnd um stefnumarkandi landsáætlun til 12 ára um uppbyggingu innviða til verndar náttúru og menningarsögulegum minjum | ||||
Ráðgjafarnefnd um landsskipulagsstefnu | ||||
Samninganefnd um loftslagsmál | ||||
Samráðshópur vegna Kötlu jarðvangs | ||||
Samráðsvettvangur um mótun stefnu í úrgangsmálum | ||||
Samráðsvettvangur um veiðar á ref og mink | ||||
Samstarfsnefnd um líffræðilegan fjölbreytileika | ||||
Samstarfshópur um eflingu fagþekkingar, hönnunar og samræmingu við uppbyggingu innviða til verndar náttúru- og menningarsögulegum minjum á ferðamannastöðum | ||||
Samstarfsnefnd ráðuneyta um mótun langtímanýtingarstefnu fyrir fiskistofna og eftir atvikum aðrar lifandi auðlindir hafsins | ||||
Samvinnunefnd um málefni Norðurslóða | x | |||
Sérfræðinganefnd til ráðgjafar um innflutning og ræktun framandi tegunda og dreifingu lifandi lífvera | x | 952.970 | 952.970 | |
Starfshópur um verndarsvæði í hafi | ||||
Starfshópur um eftirfylgni skýrslu OECD um stöðu og þróun umhverfismála á Íslandi | ||||
Starfshópur um gerð frumvarps og lagabreytinga vegna stofnunar hamfarasjóðs | ||||
Starfshópur um átaksverkefni í friðlýsingum | ||||
Starfshópur vegna flugeldamála | ||||
Starfshópur um endurskoðun laga um mat á umhverfisáhrifum | ||||
Starfshópur um endurskoðun viðauka við lög um hollustuhætti og mengunarvarnir | ||||
Stýrihópur um hollustuhætti og loftgæði | ||||
Stýrihópur um eftirfylgni áætlunar um loftgæði á Íslandi 2018–2029 | ||||
Stýrinefnd um jarðváreftirlit á Íslandi | ||||
Stjórn Kvískerjasjóðs | ||||
Stjórn Vatnajökulsþjóðgarðs | x | |||
Stjórn Úrvinnslusjóðs | x | |||
Stjórn ÍSOR | x | |||
Stjórn loftslagssjóðs | x | |||
Svæðisráð norðursvæðis í Vatnajökulsþjóðgarði | ||||
Svæðisráð austursvæðis í Vatnajökulsþjóðgarði | ||||
Svæðisráð suðursvæðis í Vatnajökulsþjóðgarði | ||||
Svæðisráð vestursvæðis í Vatnajökulsþjóðgarði | ||||
Svæðisráð vegna strandsvæðisskipulags fyrir Vestfirði | ||||
Svæðisráð vegna strandsvæðisskipulags fyrir Austfirði | ||||
Úrskurðarnefnd umhverfis- og auðlindamála | x | |||
Valnefnd vegna ráðningar forstjóra Landmælinga Íslands | ||||
Vatnaráð | ||||
Verkefnisstjórn um stefnumarkandi áætlun um uppbyggingu innviða til verndar náttúru og menningarsögulegum minjum | x | 555.796 | 1.541.523 | 2.097.319 |
Verkefnisstjórn rammaáætlunar | x | 17.771.007 | 43.195.958 | 60.966.965 |
Verkefnisstjórn um undirbúning tilnefningar Vatnajökulsþjóðgarðs á heimsminjaskrá UNESCO | 1.222.011 | 1.222.011 | ||
Verkefnisstjórn aðgerðaáætlunar í loftslagsmálum | ||||
Viðbragðsteymi vegna mögulegrar komu hvítabjarna til landsins | ||||
Samtals kostnaður 2018 | 22.986.958 | 66.128.315 | 89.115.273 |
3. Hyggst ráðherra stuðla að einfaldara og ódýrara stjórnkerfi með því að fækka launuðum nefndum, starfshópum, faghópum, ráðum og áþekkum hópum á vegum ráðuneytisins?
Reynt er að gæta aðhalds og hagkvæmni við skipun nefnda og starfshópa og jafnframt hvað rekstur þeirra varðar. Fylgst er með árangri af störfum launaðra nefnda og ráða til að tryggja góða nýtingu á fjármunum ríkisins. Ekki er markmið í sjálfu sér að draga úr þátttöku utanaðkomandi sérfræðinga í nefndarstarfi heldur ræðst fjöldi slíkra nefnda af eðli þeirra verkefna sem unnið er að í ráðuneytinu á hverjum tíma og þeim stjórnarmálefnum sem undir það heyra.