Ferill 849. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 1999 — 849. mál.
Svar
fjármála- og efnahagsráðherra við fyrirspurn frá Þorsteini Víglundssyni um launabreytingar hjá ríkisforstjórum.
Fyrirspurnin hljóðar svo:
Hafa orðið einhverjar launabreytingar hjá ríkisforstjórum í kjölfar bréfs sem ráðherra sendi 12. febrúar sl. til stjórna allra fyrirtækja í ríkiseigu og Bankasýslu ríkisins vegna launahækkana framkvæmdastjóra? Ef svo er, hverjar hafa þær breytingar verið?
Upplýsingar um launakjör framkvæmdastjóra félaga í ríkiseigu og launabreytingar á árinu eru teknar saman og sýnir eftirfarandi yfirlit heildarlaun, bifreiðahlunnindi og bifreiðastyrkur meðtalinn, í febrúar og apríl sl. og breytingu milli mánaða.
| Febrúar 2019 | Apríl 2019 | Breyting | |
| Harpa tónlistar- og ráðstefnuhús ohf. | 1.408.658 | 1.425.658 | 17.000 |
| Isavia ohf. | 2.507.782 | 2.507.782 | – |
| Íslandsbanki hf. | 4.415.187 | 3.865.187 | –550.000 |
| Íslandspóstur ohf. | 2.120.941 | 2.120.941 | – |
| Landsbankinn hf. | 3.800.000 | 3.800.000 | – |
| Landskerfi bókasafna hf. | 1.110.868 | 1.144.087 | 33.219 |
| Landsnet hf. | 2.880.000 | 2.880.000 | – |
| Landsvirkjun | 3.426.962 | 3.404.996 | –21.966 |
| Matís ohf. | 1.472.407 | 1.472.407 | – |
| Neyðarlínan ohf. | 1.572.000 | 1.572.000 | – |
| Nýr Landspítali ohf. | 1.506.023 | 1.506.023 | – |
| Orkubú Vestfjarða ohf. | 1.798.008 | 1.798.008 | – |
| Rannsókna- og háskólanet Íslands hf. | 831.764 | 831.764 | – |
| Rarik ohf. | 1.935.000 | 1.935.000 | – |
| Ríkisútvarpið ohf. | 1.965.041 | 1.978.518 | 13.477 |
| Vigdísarholt ehf. | 897.279 | 897.279 | – |
| Þróunarfélag Keflavíkurflugvallar ehf. | 1.336.000 | 1.336.000 | – |
Landsbankinn hf. hefur ákveðið að laun bankastjóra ásamt bifreiðahlunnindum verði 3.503.686 kr. frá 1. júní 2019 og er það lækkun um 296.314 kr., en sú breyting kemur ekki fram í yfirliti fyrir ofan.
Harpa tónlistar- og ráðstefnuhús ohf. hækkar heildarlaun framkvæmdastjóra um 17.000 kr. frá 1. apríl 2019. Skýring á breytingu er að ráðningarsamningur við framkvæmdastjóra kveði á um að fylgja eigi kjarasamningi VR/SA, sem hækkaði almenn laun um sama í apríl 2019.
Íslandsbanki hf. hefur lækkað heildarlaun bankastjóra um 550.000 kr. frá 1. apríl 2019.
Landskerfi bókasafna hf. kveður á um breytingu að fjárhæð 33.219 kr. og skýringin er breyting á bifreiðastyrk.
Landsvirkjun kveður á um að lækkun á heildarlaunum verði 21.966 kr. sem er fólgið í breyttu mati bifreiðahlunninda.
Ríkisútvarpið hækkar heildarlaun um 13.477 kr. sem skýrist af ráðningarsamningi útvarpsstjóra og að laun fylgi samningi ASÍ/SA.
Ráðuneytið býr ekki yfir miðlægum upplýsingum um laun stjórnenda í félögum í eigu ríkisins. Kallað var eftir upplýsingum um launakjör framkvæmdastjóra og byggt er á svörum sem fyrirtækin hafa veitt fjármála- og efnahagsráðuneyti. Bréf til ráðuneytisins frá félögunum voru birt á netinu 6. mars sl. Að auki senda félögin launaupplýsingar reglulega til ráðuneytisins.
