Ferill 1007. máls. Aðrar útgáfur af skjalinu: PDF - Word Perfect.
149. löggjafarþing 2018–2019.
Þingskjal 2036 — 1007. mál.
Svar
félags- og barnamálaráðherra við fyrirspurn frá Karli Gauta Hjaltasyni um stjórnvaldssektir og dagsektir.
Fyrirspurnin hljóðar svo:
1. Hver var fjöldi ákvarðana um stjórnvaldssektir annars vegar og dagsektir hins vegar í þeim stofnunum sem heyrðu undir ráðherra á árabilinu 2011–2018?
2. Hversu margir voru þolendur ákvarðananna, skipt í einstaklinga og lögaðila?
3. Hver var upphæð sektanna í einstökum tilfellum og heildarupphæðir þeirra á hverju ári?
4. Hversu margar þessara sekta voru innheimtar, hversu margar voru felldar niður eða lokið með öðrum hætti? Hversu mörgum þeirra var skotið til æðra stjórnvalds og hver voru afdrif málsins?
Af stofnunum ráðuneytisins hafa fjórar heimild til að leggja á stjórnvaldssektir og dagsektir en það eru Vinnumálastofnun, Vinnueftirlit ríkisins, Embætti umboðsmaður skuldara og Mannvirkjastofnun. Hér á eftir koma svör fyrrgreindra stofnana.
1. Mannvirkjastofnun.
Mannvirkjastofnun hefur hvorki beitt stjórnvaldssektum né dagsektum á umræddu tímabili.
2. Embætti umboðsmaður skuldara.
Embætti umboðsmanns skuldara hefur aldrei tekið ákvörðun skv. 3. mgr. 3. gr. laga nr. 100/2010 um greiðslu dagsekta.
3. Vinnumálastofnun
1. Vinnumálastofnun tók fimm ákvarðanir um dagsektir á fyrrgreindu tímabili. Ekki eru talin þau tilvik þar sem Vinnumálastofnun hafði tilkynnt aðila um fyrirhugaða ákvörðun um dagsektir og viðkomandi gerði viðeigandi útbætur innan frests. Allar ákvarðanir um dagsektir voru teknar á grundvelli laga nr. 42/2010, um vinnustaðaskírteini og eftirlit á vinnustöðum.
Vinnumálastofnun tók enga ákvörðun um stjórnvaldssekt á umræddu tímabili enda var stofnuninni fyrst heimilt að beita slíku úrræði með lögum nr. 75/2018 er tóku gildi um mitt ár 2018.
2. Í öllum tilvikum var ákvörðunum um dagsektir beint að lögaðilum.
3. Upphæðir dagsekta námu í heild um 120.000–160.000 kr. á fyrirtæki. Á árinu 2013 tók Vinnumálastofnun ákvörðun um eina dagsekt. Árið 2015 var einnig tekin ein dagsektarákvörðun. Þrjár ákvarðanir um dagsektir voru teknar árið 2017.
4. Ein dagsektarákvörðun er enn í innheimtu hjá Innheimtustofnuninni á Blönduósi. Þrjár dagsektir voru afskrifaðar og þar af var tveimur málum lokið eftir að félag varð gjaldþrota og engar eignir fundust í búi fyrirtækisins. Eitt mál var fellt niður með útskurði félagsmálaráðuneytisins.
4. Vinnueftirlit ríkisins.
1. Vinnueftirlitið hefur ekki heimildir að lögum til að taka ákvarðanir um stjórnvaldsektir en fjöldi dagsektarákvarðana þegar fyrirtæki hafa ekki farið að fyrirmælum stofnunarinnar um bættan aðbúnað, hollustuhætti og öryggi á vinnustöðum á ári hverju koma fram í eftirfarandi töflu.
| Ár | Lögaðilar | Einstaklingar | Alls | |
| Dagsektir | 2018 | 12 | 0 | 12 |
| Dagsektir | 2017 | 6 | 0 | 6 |
| Dagsektir | 2016 | 7 | 0 | 7 |
| Dagsektir | 2015 | 7 | 0 | 7 |
| Dagsektir | 2014 | 7 | 0 | 7 |
| Dagsektir | 2013 | 7 | 0 | 7 |
| Dagsektir | 2012 | 11 | 0 | 11 |
| Dagsektir | 2011 | 1 | 0 | 1 |
| 58 |
2. Vinnueftirlitið hefur eingöngu heimildir til að beina ákvörðunum sínum um dagsektir að lögaðilum en nánar er vísað til svars við 1. tölulið.
3. Eftirfarandi er yfirlit yfir ákvarðanir Vinnueftirlitsins á árunum 2011–2018:
2011
Ákvörðun nr. 1/2011, 25.000 kr. á dag, heildarfjárhæð 0 kr.*
Ákvörðun nr. 2/2011, 25.000 kr. á dag, heildarfjárhæð 0 kr.*
2012
Ákvörðun nr. 1/2012, 22.500 kr. á dag, heildarfjárhæð 22.500 kr.
Ákvörðun nr. 2/2012, 22.500 kr. á dag, heildarfjárhæð 22.500 kr.
Ákvörðun nr. 3/2012, 50.00 kr. á dag, heildarfjárhæð 200.000 kr.
Ákvörðun nr. 4/2012, 15.000 kr. á dag, heildarfjárhæð 6.195.000 kr.**
Ákvörðun nr. 5/2012, 10.000 kr. á dag, heildarfjárhæð 6.000.000 kr.**
Ákvörðun nr. 6/2012, 5.000 kr. á dag, heildarfjárhæð 0 kr.*
Ákvörðun nr. 7/2012, 15.000 kr. á dag, heildarfjárhæð 15.000 kr.
Ákvörðun nr. 8/2012, 25.000 kr. á dag, heildarfjárhæð 0 kr.*
Ákvörðun nr. 9/2012, 35.000 kr. á dag, heildarfjárhæð 35.000 kr.
Ákvörðun nr. 10/2012, 35.000 kr. á dag, heildarfjárhæð 140.000 kr.
Ákvörðun nr. 11/2012, 15.000 kr. á dag, heildarfjárhæð 15.000 kr.
2013
Ákvörðun nr. 1/2013, 15.000 kr. á dag, heildarfjárhæð 15.000 kr.
Ákvörðun nr. 2/2013, 30.000 kr. á dag, heildarfjárhæð 7.740.000 kr.**
Ákvörðun nr. 3/2013, 15.000 kr. á dag, heildarfjárhæð 3.660.000 kr.**
Ákvörðun nr. 4/2013, 50.000 kr. á dag, heildarfjárhæð 250.000 kr.***
Ákvörðun nr. 5/2013, 45.000 kr. á dag, heildarfjárhæð 90.000 kr.
Ákvörðun nr. 6/2013, 15.000 kr. á dag, heildarfjárhæð 15.000 kr.
Ákvörðun nr. 7/2013, 15.000 kr. á dag, heildarfjárhæð 15.000 kr.
2014
Ákvörðun nr. 1/2014, 20.000 kr. á dag, heildarfjárhæð 420.000 kr.
Ákvörðun nr. 2/2014, 30.000 kr. á dag, heildarfjárhæð 1.583.445 kr.
Ákvörðun nr. 3/2014, 30.000 kr. á dag, heildarfjárhæð 300.000 kr.
Ákvörðun nr. 4/2014, 30.000 kr. á dag, heildarfjárhæð 60.000 kr.
Ákvörðun nr. 5/2014, 15.000 kr. á dag, heildarfjárhæð 5.205.000 kr.**
Ákvörðun nr. 6/2014, 25.000 kr. á dag, heildarfjárhæð 300.000 kr.
Ákvörðun nr. 7/2014, 20.000 kr. á dag, heildarfjárhæð 180.000 kr.
Ákvörðun nr. 8/2014, 20.000 kr. á dag, heildarfjárhæð 20.000 kr.
2015
Ákvörðun nr. 1/2015, 50.000 kr. á dag, heildarfjárhæð 500.000 kr.
Ákvörðun nr. 2/2015, 15.000 kr. á dag, heildarfjárhæð 510.000 kr.
Ákvörðun nr. 3/2015, 25.000 kr. á dag, heildarfjárhæð 50.000 kr.
Ákvörðun nr. 4/2015, 25.000 kr. á dag, heildarfjárhæð 525.000 kr.
Ákvörðun nr. 7/2015, 5.000 kr. á dag, heildarfjárhæð 15.000 kr.
Ákvörðun nr. 8/2015, 25.000 kr. á dag, heildarfjárhæð 0 kr.***
Ákvörðun nr. 9/2015, 20.000 kr. á dag, heildarfjárhæð 100.000 kr.
2016
Ákvörðun nr. 1/2016, 60.000 kr. á dag, heildarfjárhæð 60.000 kr.
Ákvörðun nr. 2/2016, 5.000 kr. á dag, heildarfjárhæð 20.000 kr.
Ákvörðun nr. 3/2016, 100.000 kr. á dag, heildarfjárhæð 100.000 kr.
Ákvörðun nr. 4/2016, 40.000 kr. á dag, heildarfjárhæð 0 kr.*
Ákvörðun nr. 5/2016, kr.100.000 kr. á dag, heildarfjárhæð 0 kr.*
Ákvörðun nr. 6/2016, 30.000 kr. á dag, heildarfjárhæð 0 kr.*
Ákvörðun nr. 7/2016, 35.000 kr. á dag, heildarfjárhæð 70.000 kr.
Ákvörðun nr. 8/2016, 35.000 kr. á dag, heildarfjárhæð 35.000 kr.
2017
Ákvörðun nr. 1/2017, 8.000 kr. á dag, heildarfjárhæð 392.000 kr.
Ákvörðun nr. 2/2017, 8.000 kr. á dag, heildarfjárhæð 40.000 kr.
Ákvörðun nr. 3/2017, 40.000 kr. á dag, heildarfjárhæð 960.000 kr.
Ákvörðun nr. 4/2017, 50.000 kr. á dag, heildarfjárhæð 50.000 kr.
Ákvörðun nr. 5/2017, 50.000 kr. á dag, heildarfjárhæð 3.550.000 kr.
Ákvörðun nr. 6/2017, 30.000 kr. á dag, heildarfjárhæð 0 kr.*
2018
Ákvörðun nr. 1/2018, 30.000 kr. á dag, heildarfjárhæð 6.180.000 kr.**
Ákvörðun nr. 2/2018, 20.000 kr. á dag, heildarfjárhæð 60.000 kr.
Ákvörðun nr. 3/2018, 30.000 kr. á dag, heildarfjárhæð 0 kr.***
Ákvörðun nr. 7/2018, 30.000 kr. á dag, heildarfjárhæð 0 kr.*
Ákvörðun nr. 8/2018, 15.000 kr. á dag, heildarfjárhæð 0 kr.*
Ákvörðun nr. 10/2018, 10.000 kr. á dag, heildarfjárhæð 0 kr.*
Ákvörðun nr. 12/2018, 10.000 kr. á dag, heildarfjárhæð 10.000 kr.
Ákvörðun nr. 14/2018, 90.000 kr. á dag, heildarfjárhæð 0 kr.*
Ákvörðun nr. 15/2018, 150.000 kr. á dag, heildarfjárhæð 0 kr.*
Ákvörðun nr. 19/2018, 100.000 kr. á dag, heildarfjárhæð 0 kr.*
Ákvörðun nr. 20/2018, 90.000 kr. á dag, heildarfjárhæð 90.000 kr.
Ákvörðun nr. 21/2018, 40.000 kr. á dag, heildarfjárhæð 80.000 kr.
* Dagsektarákvörðun kom ekki til framkvæmda þar sem fyrirtæki gerðu viðunandi úrbætur í samræmi við fyrirmæli Vinnueftirlitsins eigi síðar en sama dag og dagsektarákvörðun var birt.
** Hér er um að ræða tilvik þar sem fyrirtæki hefur verið tekið til gjaldþrotaskipta áður en dagsektir þess hafa verið greiddar. Fáist ekki krafan greidd úr búi fyrirtækisins er hún afskrifuð.
*** Dagsektarákvörðun var kærð til ráðuneytisins sem endurskoðaði ákvörðun stofnunarinnar.
4. Dagsektir stofnunarinnar voru innheimtar enda um mikilvægt þvingunarúrræði að ræða í þeim tilgangi að fyrirtæki fari að fyrirmælum stofnunarinnar um bættan aðbúnað, hollustuhætti og öryggi á vinnustöðum á íslenskum vinnumarkaði.
Þrjár dagsektarákvarðanir Vinnueftirlitsins voru kærðar til ráðuneytisins á árunum 2011–2018. Í tveimur málanna voru dagsektarákvarðanir Vinnueftirlitsins felldar úr gildi og í einu þeirra staðfesti ráðuneytið ákvörðun Vinnueftirlitsins um álagningu dagsektar.
