Ferill 933. máls. Aðrar útgáfur af skjalinu: PDF - Word Perfect.

---

149. löggjafarþing 2018–2019.
Þingskjal 2084  —  933. mál.

Svar

dómsmálaráðherra við fyrirspurn frá Birni Leví Gunnarssyni um útgjöld og notkun á almennum og sérsmíðuðum hugbúnaði hjá ráðuneytinu og undirstofnunum þess.

     1.      Hver hafa verið útgjöld ráðuneytisins og undirstofnana þess vegna hugbúnaðarkaupa frá árinu 2009? Hve háum fjárhæðum var varið til kaupa á sérsmíðuðum kerfum annars vegar og til kaupa á almennum hugbúnaði hins vegar?
    Í töflu hér að neðan má sjá kostnað við hugbúnað bókaðan á tegundalykla sem bókað er á vegna kaupa, notkunar og uppfærslum á hugbúnaði. Fyrir aðalskrifstofu dómsmálaráðuneytisins eru tölurnar teknar úr bókhaldi dóms- og mannréttindaráðuneytisins 2009–2010, innanríkisráðuneytisins 2011–2017 og dómsmálaráðuneytisins 2017–2019. Tölur vegna undirstofnana eru fengnar úr bókhaldi stofnana og úr bókhaldi Fjársýslu ríkisins.

	Gjöld
Dómsmálaráðuneyti, aðalskrifstofa	42.057.481
Dómstólasýslan	176.538.227
Fangelsismálastofnun ríkisins	71.600.056
Héraðsdómstólar	39.300.269
Héraðssaksóknari	54.127.077
Hæstiréttur	39.209.489
Kærunefnd útlendingamála	2.366.455
Landhelgisgæsla Íslands	385.227.501
Landsréttur	56.977.745
Lögreglustjórinn á Austurlandi	488.963
Lögreglustjórinn á höfuðborgarsvæðinu	136.167.828
Lögreglustjórinn á Norðurlandi eystra	307.598
Lögreglustjórinn á Norðurlandi vestra	1.084.830
Lögreglustjórinn á Suðurlandi	1.334.902
Lögreglustjórinn á Suðurnesjum	23.107.311
Lögreglustjórinn á Vestfjörðum	168.000
Lögreglustjórinn á Vesturlandi	757.154
Lögreglustjórinn í Vestmannaeyjum	2.715.931
Málskostnaður í opinberum málum	83.754
Ríkislögreglustjóri	939.916.388
Ríkissaksóknari	15.708.146
Schengen-samstarf	267.481.633
Sérstakur saksóknari samkvæmt lögum nr. 135/2008	12.541.802
Stjórnartíðindi	18.780.941
Sýslumaðurinn á Austurlandi	11.222.560
Sýslumaðurinn á höfuðborgarsvæðinu	21.120.741
Sýslumaðurinn á Norðurlandi eystra	11.154.426
Sýslumaðurinn á Norðurlandi vestra	5.743.792
Sýslumaðurinn á Suðurlandi	23.780.343
Sýslumaðurinn á Suðurnesjum	55.995.971
Sýslumaðurinn á Vestfjörðum	8.366.633
Sýslumaðurinn í Vestmannaeyjum	6.417.274
Sýslumaðurinn á Vesturlandi	5.163.044
Útlendingastofnun	33.861.865
Ýmis verkefni, dómsmálaráðuneytið	20.945.721
Samtals	2.491.821.851

     2.      Hve háum fjárhæðum vörðu ráðuneytið og undirstofnanir þess til greiðslu leyfisgjalda fyrir hugbúnað annars vegar og til greiðslu þjónustugjalda fyrir hugbúnað hins vegar frá árinu 2009?
    Ekki var hægt að greina á milli leyfisgjalda vegna hugbúnaðar annars vegar og þjónustugjalda vegna hugbúnaðar hins vegar. Stafar þetta af því að þjónusta er í mörgum tilvikum innifalin í leyfisgjaldi eða öfugt, þ.e. leyfisgjöld eru innifalin í þjónustusamningi. Þá fela kaup á hugbúnaði oft í sér heimild eða leyfi til að nýta sér hugbúnaðinn og því hefur ekki tekist að greina á milli kaupa og leyfisgjalda á hugbúnaði.

     3.      Hvaða sérsmíðaða hugbúnað er ráðuneytið og hver undirstofnun þess að nota og:
                  a.      hver er eigandi hugbúnaðarins,
                  b.      eftir hvaða hugbúnaðarleyfi er hugbúnaðurinn gefinn út,
                  c.      var hugbúnaðurinn þróaður af verktökum eða af forriturum í starfi innan ráðuneytis eða stofnunar,
                  d.      hver var kostnaðurinn við gerð hugbúnaðarins,
                  e.      hver er tilgangur hugbúnaðarins?
    Í meðfylgjandi töflu má sjá sérsmíðaðan hugbúnað sem undirstofnanir ráðuneytisins nýta sér. Upplýsingum var safnað frá undirstofnunum sem svöruðu töluliðum eftir bestu getu. Ekki er haldið sérstaklega utan um kostnað einstakra verkefna í bókhaldi ríkisins og því er d-liður ekki tiltækur í töflunni en heildarkostnaður er tiltekinn í töflunni hér að framan.