Ferill 786. máls. Aðrar útgáfur af skjalinu: PDF - Word Perfect.


150. löggjafarþing 2019–2020.
Þingskjal 1387  —  786. mál.




Fyrirspurn


til fjármála- og efnahagsráðherra um aðgerðir til þess að verja heimilin.

Frá Karli Gauta Hjaltasyni.


     1.      Hvernig hyggst ráðherra verja heimili landsmanna ef vísitala neysluverðs hækkar umfram verðbólgumarkmið Seðlabankans?
     2.      Hefur ríkisstjórnin áform um að verja heimilin fyrir auknum byrðum af þessum völdum?
     3.      Telur ráðherra ekki sanngjarnt og eðlilegt í ljósi reynslunnar að stjórnvöld grípi til aðgerða til að koma í veg fyrir að höfuðstóll verðtryggðra húsnæðislána og afborganir af þeim hækki umfram verðbólgumarkmið Seðlabankans?