Ferill 439. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 1681 — 439. mál.
2. umræða.
Breytingartillaga
við frumvarp til laga um breytingu á lögum um heilbrigðisþjónustu, nr. 40/2007 (þjónustustig, fagráð o.fl.).
Frá meiri hluta velferðarnefndar (ÓGunn, ÁsF, HSK, LRM, VilÁ).
1. Við 5. gr.
a. Á eftir orðinu „kennslu“ í 1. mgr. a-liðar (7. gr. a) komi: nema.
b. 3. málsl. 1. mgr. b-liðar (7. gr. b) orðist svo: Hlutverk Sjúkrahússins á Akureyri er m.a. að vera kennslusjúkrahús, varasjúkrahús Landspítala, annast kennslu nema í grunn- og framhaldsnámi, taka þátt í að veita háskólamenntuðum starfsmönnum sérmenntun í heilbrigðisgreinum í samstarfi við menntastofnanir og aðrar heilbrigðisstofnanir og gera fagfólki kleift að sinna fræðastörfum við háskóla auk þess að stunda og veita aðstöðu til vísindarannsókna.
c. Orðin „nr. 125/1999“ í d-lið (7. gr. d) falli brott.
d. 2. málsl. e-liðar (7. gr. e) orðist svo: Um frekari þjónustu í dagdvöl fer skv. 3. tölul. 1. mgr. 13. gr. laga um málefni aldraðra.
2. 6. gr. orðist svo:
Í stað tilvísunarinnar „10. og 12. gr.“ í 8. gr. laganna kemur: 10. gr.
3. Við 8. gr. A-liður falli brott.
4. 9. gr. orðist svo:
11. gr. laganna orðast svo:
Forstjóri heilbrigðisstofnunar skal í samráði við framkvæmdastjórn, sé slík starfandi samkvæmt skipuriti, gera skipurit stofnunar. Skipurit skal kynnt ráðherra áður en það tekur gildi.
5. Á eftir 9. gr. komi ný grein, svohljóðandi:
12. gr. laganna fellur brott.
6. Í stað orðanna „rekstur og skipulag heilbrigðisstofnunarinnar “ í 2. mgr. 10. gr. komi: og skipulag heilbrigðisstofnunar.
7. Við 12. gr.
a. B-liður orðist svo: Orðið „almenna“ í 2. mgr. fellur brott.
b. C-liður orðist svo: Orðin „sérhæfðum“ og „sérhæfðu“ í 3. mgr. falla brott.
8. Á eftir 13. gr. komi ný grein, svohljóðandi:
Við lögin bætist nýtt ákvæði til bráðabirgða, svohljóðandi:
Ráðherra skal skipa starfshóp sem falið verði að leggja fram tillögur að skilgreiningu á hugtakinu „fjarheilbrigðisþjónusta“ í lögum. Starfshópurinn skal skila niðurstöðum sínum til ráðherra eigi síðar en 1. júní 2021 og ráðherra skal í kjölfarið flytja þinginu munnlega skýrslu um niðurstöður starfshópsins.
