Ferill 738. máls. Aðrar útgáfur af skjalinu: PDF - Word Perfect.
150. löggjafarþing 2019–2020.
Þingskjal 1731 — 738. mál.
Svar
sjávarútvegs- og landbúnaðarráðherra við fyrirspurn frá Höllu Signýju Kristjánsdóttur um burðarþolsmat fjarða og hafsvæða fyrir fiskeldi.
1. Hvaða firðir og hafsvæði hafa þegar verið burðarþolsmetin, sbr. lög um fiskeldi, nr. 71/2008, og hvert er burðarþol hvers og eins þeirra? Svar óskast sundurliðað eftir fjörðum og hafsvæðum.
Mat á burðarþoli hefur farið fram á eftirtöldum fjörðum og hafvæðum:
Útgáfuár | Svæði | Tonn |
2015 | Arnarfjörður | 20.000 |
2015 | Dýrafjörður | 10.000 |
2015 | Patreksfjörður, Tálknafjörður og Patreksfjarðarflói | 20.000 |
2016 | Berufjörður | 10.000 |
2016 | Fáskrúðsfjörður | 15.000 |
2016 | Reyðarfjörður | 20.000 |
2017 | Ísafjarðardjúp | 30.000 |
2017 | Stöðvarfjörður | 7.000 |
2018 | Seyðisfjörður | 10.000 |
2018 | Önundarfjörður | 2.500 |
Samtals 2015–2018 | 144.500 |
2. Er unnið að burðarþolsmati á fleiri fjörðum og hafsvæðum? Ef svo er, hverjum og hvenær má vænta niðurstöðu?
Nei, Hafrannsóknastofnun hefur þó stundað ýmsar mælingar og sinnt gagnsöfnun í fjörðum og á hafsvæðum sem nýtast við burðarþolsmat.
3. Hefur ráðherra ákveðið hvaða firði og hafsvæði skuli meta til burðarþols og hvenær það skuli gert, sbr. 6. gr. b laga um fiskeldi?
Ráðherra hefur ekki tekið ákvörðun um að láta fara fram mat á burðarþoli fjarða og hafsvæða eftir gildistöku laga nr. 101/2019, um breytingu á ýmsum lagaákvæðum sem tengjast fiskeldi.