Ferill 176. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 250 — 176. mál.
Svar
dómsmálaráðherra við fyrirspurn frá Helga Hrafni Gunnarssyni um aðgang fanga að bókasafni.
Við vinnslu fyrirspurnarinnar var óskað eftir upplýsingum frá Fangelsismálastofnun ríkisins og eru eftirfarandi svör unnin í samráði við stofnunina.
1. Hvernig tryggir Fangelsismálastofnun rétt fanga skv. 53. gr. laga um fullnustu refsinga, nr. 15/2016, þar sem segir að fangi eigi rétt á aðgangi að bókasafni?
Bókasöfn eru í fangelsinu að Litla-Hrauni, á Hólmsheiði og á Kvíabryggju. Fangar í fangelsinu á Sogni hafa aðgang að bókasafninu á Litla-Hrauni. Millisafnalán eru á milli fangelsa og einnig hafa almenn bókasöfn lánað bækur eftir því sem hægt hefur verið.
2. Hvað eru margir bókatitlar í bókasöfnum fangelsa hér á landi, sundurliðað eftir fangelsum?
Fangelsið á Hólmsheiði: u.þ.b. 2.500 bækur.
Fangelsið á Litla-Hrauni: u.þ.b. 2.500 bækur.
Fangelsið á Kvíabryggju: u.þ.b. 2.000 bækur.
Fangelsið að Sogni: Fáir bókatitlar. Fangar hafa aðgang að bókasafni Litla-Hrauns.
3. Hversu miklu fjármagni hefur Fangelsismálastofnun varið til bókakaupa fyrir fangelsin árin 2010–2020, sundurliðað eftir árum og fangelsum?
2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 | Samtals | |
Fangelsið á Akureyri | 5.543 | 30.029 | 43.470 | 30.019 | 19.205 | 154.105 | 140.303 | 56.024 | 48.626 | 33.473 | 536.075 | |
Fangelsið Kópavogi | 23.206 | 7.542 | 30.748 | |||||||||
Hegningarhúsið Reykjavík | 35.100 | 42.584 | 77.684 | |||||||||
Sogn | 59.140 | 247.478 | 133.042 | 197.670 | 65.600 | 37.855 | 110.660 | 16.605 | 868.050 | |||
Hólmsheiði | 8.950 | 38.525 | 39.216 | 86.691 | ||||||||
Kvíabryggja | 20.156 | 4.000 | 16.240 | 3.980 | 44.376 | |||||||
Litla-Hraun | 962024 | 439.862 | 626.357 | 571.165 | 510.281 | 574.816 | 149.863 | 192.448 | 190.946 | 20.158 | 22.420 | 4.260.341 |
Samtals | 1.070.069 | 760.011 | 806.869 | 798.854 | 644.970 | 766.776 | 419.066 | 257.423 | 260.157 | 33.961 | 95.109 | 5.913.265 |
Fangelsið á Litla-Hrauni hefur keypt hlutfallslega mest af bókum en stór hluti þeirra eru skólabækur sem fara í millisafnalán milli fangelsa. Eftir á að ráðstafa þeim bókum sem voru til staðar í fangelsinu á Akureyri. Þar að auki fá fangelsin mikið af bókum gefins og skýrir það að stórum hluta hve litlu fjármagni hefur verið veitt til bókakaupa í fangelsið á Hólmsheiði.