Ferill 598. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 1018 — 598. mál.
Fyrirspurn
til heilbrigðisráðherra um aðilaskipti í rekstri hjúkrunarheimila.
Frá Páli Magnússyni.
1. Hvers vegna hefur heilbrigðisráðuneytið gefið Vestmannaeyjabæ og Fjarðabyggð fyrirmæli um að segja upp yfir 100 starfsmönnum í tengslum við aðilaskipti í rekstri hjúkrunarheimila í þessum sveitarfélögum?
2. Hvers vegna var ákveðið að láta lög um réttarstöðu starfsmanna við aðilaskipti að fyrirtækjum, nr. 72/2002, ekki gilda í Vestmannaeyjum og Fjarðabyggð í ljósi þess að lögin voru látin gilda um sambærilegar tilfærslur á Akureyri og Höfn í Hornafirði?
3. Telur ráðherra að hægt hefði verið að ganga fram með mildari hætti við þessi aðilaskipti í stað þess að grípa til hópuppsagna á landsbyggðinni hjá þessari dæmigerðu kvennastétt sem vinnur við umönnun okkar viðkvæmustu einstaklinga?
