Ferill 328. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 1088 — 328. mál.
Skýrsla
um liðskiptaaðgerðir, samkvæmt beiðni.
Með beiðni á þskj. 384, 328. mál frá Ásmundi Friðrikssyni og fleiri alþingismönnum er þess óskað að heilbrigðisráðherra flytji Alþingi skýrslu um liðskiptaaðgerðir og leiðir til úrbóta svo auka megi þjónustu við þá sem eru í brýnni þörf fyrir slíkar aðgerðir.
Heilbrigðisráðherra kallaði til fulltrúa frá embætti landlæknis og Sjúkratryggingum Íslands til að vinna að skýrslugerðinni, ásamt sérfræðingum heilbrigðisráðuneytisins.
Helstu atriði sem óskað var eftir í skýrslubeiðninni tengjast eftirfarandi atriðum:
* Fjöldi þeirra sem bíða eftir liðskiptaaðgerð og staða biðlista sl. fimm ár.
* Sjúkrastofnanir sem framkvæma liðskiptaaðgerðir.
* Reynsla af liðskiptaaðgerðum á landsbyggðinni.
* Tillögur um aukna skilvirkni með samningum við einkarekna heilbrigðisþjónustu.
* Kostnaður vegna liðskiptaaðgerða erlendis.
* Samanburður á kostnaði vegna liðskiptaaðgerða ef þær hefðu verið gerðar hérlendis með samningum við einkaaðila.
* Hvernig tryggja megi jafnt aðgengi íbúa landsins að liðskiptaaðgerðum.
* Hvernig tryggja megi stöðuga þjónustu þegar neyðarástand skapast.
Verkefnahópurinn fór þá leið við gerð skýrslunnar að svara spurningum þingmanna í almennri umfjöllun um málefnið en flétta við þau atriði sem oft skortir, í umfjöllun um biðlista og liðskiptaaðgerðir hérlendis. Eru það helst atriði sem snúa að:
* Samanburði á aðgerðarfjölda annarra landa en í ljós kemur að Ísland er að nálgast Norðurlöndin hvaða varðar fjölda framkvæmdra aðgerða á hvern íbúa.
* Þeim þáttum sem hafa áhrif á lengd biðtíma.
* Þeim veruleika að ýmislegt bendir til þess að ekki sé verið að fullnýta ýmis meðferðarúrræði sem til eru og eru viðurkennd fyrir sjúklinga með sjúkdóm í liðum hnjáa og mjaðma, áður en þeim er vísað í aðgerð.
Markmiðið er að skýrslan geti nýst þingmönnum í til framtíðar í umræðum og ákvarðanatöku um þetta mikilvæga málefni.
Fylgiskjal.
Liðskiptaaðgerðir.
www.althingi.is/altext/pdf/151/fylgiskjol/r0002-f_I.pdf
