Ferill 737. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 1232 — 737. mál.
Fyrirspurn
til mennta- og menningarmálaráðherra um garðyrkjunám á Reykjum.
Frá Ara Trausta Guðmundssyni.
1. Hverjir skipa samráðs- og vinnuhóp um yfirfærslu garðyrkjunáms á Reykjum í Ölfusi frá Landbúnaðarháskóla Íslands til Fjölbrautaskóla Suðurlands? Hvaða sérfræðingar í málefnum garðyrkjunáms eru með í hópnum?
2. Hvernig er samráði við fulltrúa atvinnulífs garðyrkjugreina í landinu háttað við yfirfærsluna?
3. Hvernig er samráði við nemendur og starfsfólk á Reykjum háttað við yfirfærsluna?
4. Hvernig verður tryggt að garðyrkjunám í Garðyrkjuskólanum á Reykjum, á vegum Fjölbrautaskóla Suðurlands, sé aðgengilegt nemum alls staðar að af landinu og á öllum aldri?
5. Hvernig verður fjármögnun garðyrkjunámsins háttað?
6. Hvernig verður stjórnun garðyrkjunámsins á Reykjum háttað eftir að það hefur færst undir Fjölbrautaskóla Suðurlands?
7. Hvernig verður rekstri og umsjón með Garðyrkjuskólanum á Reykjum fyrir komið?
8. Hver fer með staðarhald og umsjón með fasteignum og landareignum Reykjatorfunnar, þ.m.t. skólahúsnæði, gróðurhúsum og öðrum fasteignum á staðnum, eftir fyrrgreindar breytingar?
9. Hver er staða verkefna sem lögð voru til í þarfagreiningu sem unnin var árið 2017 um aðstöðu í tengslum við uppbyggingu og endurbætur á húsnæði skólans?
Skriflegt svar óskast.
