Ferill 785. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 1629 — 785. mál.
Svar
umhverfis- og auðlindaráðherra við fyrirspurn frá Jóni Gunnarssyni um kostnað vegna rammaáætlunar.
Fyrirspurnin hljóðar svo:
Hver hefur kostnaður vegna rammaáætlunar verið frá árinu 2009, sundurliðað eftir árum og eftir stofnunum og ráðuneytum? Óskað er eftir því að svör taki mið af öllum kostnaði vegna verkefnisins í heild, jafnt beinum sem óbeinum kostnaði, svo sem vegna verkefnastjórnar, faghópa og aðkeyptrar þjónustu.
Áætlun um vernd og orkunýtingu landsvæða – rammaáætlun – hefur verið í framkvæmd frá árinu 2009. Á tímabilinu 2009 til og með 2012 var áætlunin á ábyrgð ferðamála-, iðnaðar- og nýsköpunarráðherra og framkvæmd hennar í höndum Orkustofnunar, en frá árinu 2013 hefur hún verið á ábyrgð umhverfis- og auðlindaráðherra og framkvæmd hennar í höndum verkefnisstjórnar um vernd og orkunýtingu landsvæða í samræmi við lög nr. 48/2011, um verndar- og orkunýtingaráætlun.
Bókfærður kostnaður við framkvæmd áætlunarinnar hjá umhverfis- og auðlindaráðuneytinu og samkvæmt upplýsingum frá atvinnuvega- og nýsköpunarráðuneyti hefur verið sem hér segir:
Ár | Umhverfis- og auðlindaráðuneyti | Atvinnuvega- og nýsköpunarráðuneyti | Útgjöld alls |
2009 | 27.081.007 | 27.081.007 | |
2010 | 25.200.000 | 25.200.000 | |
2011 | 25.000.000 | 25.000.000 | |
2012 | 610.344 | 610.344 | |
2013 | 18.583.930 | 1.045.024 | 19.628.954 |
2014 | 21.683.778 | 17.413.079 | 39.096.857 |
2015 | 139.398.138 | 3.481.756 | 142.879.894 |
2016 | 131.617.423 | 125.092 | 131.742.515 |
2017 | 29.465.032 | 29.465.032 | |
2018 | 80.966.965 | 648.000 | 81.614.965 |
2019 | 50.954.489 | 442.000 | 51.396.489 |
2020 | 85.534.751 | 5.750.000 | 91.284.751 |
Alls | 558.204.506 | 106.796.302 | 665.000.808 |
Bókfærður kostnaður felur í sér allan kostnað vegna vinnu stofnana, verkefnisstjórna, faghópa, alla aðkeypta þjónustu og endurgreiðslu útgjalda sem og bókfærða þjónustu sem ráðuneyti veita við framkvæmd áætlunarinnar. Í framangreindum tölum er því ekki að finna annan óbeinan kostnað sem mögulega hefur fallið til við framkvæmd áætlunarinnar þar sem slíkur kostnaður er þá ekki bókfærður á verkefnið.