Ferill 854. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 1663 — 854. mál.
Fyrirspurn
til mennta- og menningarmálaráðherra um sveigjanleika í námi og fjarnám á háskólastigi.
Frá Líneik Önnu Sævarsdóttur.
1. Hver er stefna háskólanna hvers um sig varðandi sveigjanleika í námi?
2. Hefur verið gerð eða er áætlað að gera sérstaka greiningu á tækifærum til að auka aðgengi að námi með stafrænum hætti til framtíðar? Svar óskast sundurliðað eftir skólum.
3. Hvaða námsleiðir var mögulegt að stunda í sveigjanlegu námi eða fjarnámi skólaárið 2019–2020? Svar óskast sundurliðað eftir skólum.
4. Hvaða námsleiðir verða í boði skólaárið 2021–2022 sem verður mögulegt að stunda í sveigjanlegu námi eða fjarnámi? Svar óskast sundurliðað eftir skólum.
5. Hvaða námsleiðir er áætlað að bætist við í sveigjanlegu námi eða fjarnámi á næstu þremur skólaárum? Svar óskast sundurliðað eftir skólum.
6. Hafa háskólarnir heimild til að koma til móts við nemendur búsetta fjarri skólunum með sveigjanleika náms sem ekki er í boði sem fjarnám?
Skriflegt svar óskast.
