Ferill 866. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 1844 — 866. mál.
Svar
félags- og barnamálaráðherra við fyrirspurn frá Bergþóri Ólasyni um átaksverkefni Vinnumálastofnunar.
1. Hversu mörg fyrirtæki hafa tekið þátt í átaksverkefninu Hefjum störf á vegum Vinnumálastofnunar?
Á tímabilinu 1. mars til 23. júní 2021 hafa alls 2.679 atvinnurekendur auglýst starf í tengslum við átaksverkefnið Hefjum störf, þar af hafa 2.593 atvinnurekendur auglýst störf á almennum vinnumarkaði og 86 atvinnurekendur auglýst störf á opinberum vinnumarkaði. Á sama tímabili hafa alls 1.469 atvinnurekendur ráðið starfsmann á grundvelli átaksverkefnisins, þar af starfa 1.420 atvinnurekendur á almennum vinnumarkaði og 49 á opinberum vinnumarkaði.
2. Hversu margir starfsmenn hafa verið ráðnir vegna átaksverkefnisins?
Á tímabilinu 1. mars til 23. júní 2021 hafa alls 3.602 atvinnuleitendur verið ráðnir til starfa á grundvelli átaksverkefnisins Hefjum störf.
3. Hvað hafa þeir sem hafa verið ráðnir í tengslum við átaksverkefnið verið lengi á atvinnuleysisskrá, flokkað eftir fjölda mánaða sem hver og einn hefur verið skráður þar?
Í meðfylgjandi töflu má sjá fjölda ráðninga á tímabilinu 1. mars til 23. júní 2021 í tengslum við átaksverkefnið Hefjum störf, greint eftir þeim tíma sem viðkomandi atvinnuleitendur hafa verið skráðir án atvinnu hjá Vinnumálastofnun.
| Tími án atvinnu | Samtals |
| 0-6 mánuðir |
938
|
| 6-12 mánuðir | 1.568 |
| 12-18 mánuðir | 703 |
| 18-24 mánuðir | 223 |
| 24-30 mánuðir | 170 |
