Ferill 839. máls. Aðrar útgáfur af skjalinu: PDF - Word Perfect.


151. löggjafarþing 2020–2021.
Þingskjal 1852  —  839. mál.




Svar


félags- og barnamálaráðherra við fyrirspurn frá Þorsteini Sæmundssyni um kostnað við ferðir ráðherra innan lands.


     1.      Hver var kostnaður vegna ráðherrabílstjóra, þ.e. laun, launatengd gjöld og annar kostnaður, á árunum 2017–2019?
    Í velferðarráðuneytinu störfuðu tveir bílstjórar. Launakostnaður velferðarráðuneytisins (VEL) vegna ráðherrabílstjóra fyrir árið 2017 var 24.068.546 kr. og fyrir tímabilið 1. janúar 2018 til og með mars 2018 var launakostnaðurinn 6.072.396 kr. Í apríl 2018 fluttust ráðherrabílstjórarnir yfir til Umbru (þá Rekstrarfélag Stjórnarráðsins). Rekstrartölur frá apríl 2018 eru því fengnar úr bókhaldi Umbru. Kostnaður Umbru vegna félagsmálaráðuneytis er:

2018 (frá 1. apríl) 11.928.552 kr.
2019 18.862.315 kr.

     2.      Hver var rekstrarkostnaður ráðherrabíls á árunum 2017–2019? Ef bílar voru fleiri en einn óskast svar sundurliðað.
Rekstur tveggja ráðherrabifreiða velferðarráðuneytisins færðist til Umbru (þá Rekstrarfélag Stjórnarráðsins) í apríl 2018 og eftir það hefur ráðuneytið ekki verið með bifreið í rekstri sínum. Eftirfarandi kostnaður ásamt afskriftum er skipt niður á ár. Ekki var hægt að skipta öllum kostnaði á milli bifreiða í bókhaldi og var því hluta hans skipt jafnt. Rekstrartölur frá apríl 2018 eru fengnar úr bókhaldi Umbru.

Rekstrarkostnaður 2017 (jan.–mars) 2018 (apríl–des.) 2018 2019
Félagsmálaráðherra 2.073.497 435.583 2.024.662 3.483.439
Heilbrigðisráðherra 2.002.529 256.475
4.076.026 692.058 2.024.662 3.483.439

    Þess skal getið að félags- og barnamálaráðherra viðhefur það fyrirkomulag í hagræðingar- og sparnaðarskyni að aka alla jafna sjálfur á bílaleigubíl til og frá heimili sínu en nýtur akstursþjónustu Umbru í embættiserindum í Reykjavík.

     3.      Hver var gistikostnaður vegna ferða ráðherra innan lands á árunum 2017–2019?
    Í ársbyrjun 2019 var fyrrum velferðarráðuneyti (VEL) skipt upp í félagsmálaráðuneytið (FRN) og heilbrigðisráðuneytið (HRN). Í velferðarráðuneyti voru tveir ráðherrar. Í félagsmálaráðuneytinu sem varð til í ársbyrjun 2019 var dvalarkostnaður ráðherra innan lands með eftirfarandi hætti:
VEL
2017
VEL
2018
FRN
2019
Félagsmálaráðherra 1.745 109.012 103.726
Heilbrigðisráðherra 56.267 33.622

     4.      Hverjar voru dagpeningagreiðslur vegna ferða ráðherra innan lands á árunum 2017– 2019?
    Ekki eru greiddir dagpeningar fyrir ferðir innan lands heldur er einungis greitt samkvæmt reikningi fyrir útlögðum kostnaði.

     5.      Hver var annar kostnaður vegna ferða ráðherra innan lands á árunum 2017–2019?
VEL
2017
VEL
2018
FRN
2019
Félagsmálaráðherra 134.829 322.044 335.900
Heilbrigðisráðherra 394.780 105.819