Ferill 836. máls. Aðrar útgáfur af skjalinu: PDF - Word Perfect.
151. löggjafarþing 2020–2021.
Þingskjal 1911 — 836. mál.
Svar
utanríkis- og þróunarsamvinnuráðherra við fyrirspurn frá Þorsteini Sæmundssyni um kostnað við ferðir ráðherra innan lands.
Fyrirspurnin hljóðar svo:
1. Hver var kostnaður vegna ráðherrabílstjóra, þ.e. laun, launatengd gjöld og annar kostnaður, á árunum 2017–2019?
2. Hver var rekstrarkostnaður ráðherrabíls á árunum 2017–2019? Ef bílar voru fleiri en einn óskast svar sundurliðað.
3. Hver var gistikostnaður vegna ferða ráðherra innan lands á árunum 2017–2019?
4. Hverjar voru dagpeningagreiðslur vegna ferða ráðherra innan lands á árunum 2017– 2019?
5. Hver var annar kostnaður vegna ferða ráðherra innan lands á árunum 2017–2019?
Svar óskast sundurliðað eftir árum.
1.–2. tölul. Í svari við fyrirspurn frá Birni Leví Gunnarssyni um ráðherrabíla og bílstjóra á 148. löggjafarþingi (þskj. 715, 275. mál) er sýndur rekstrarkostnaður ráðherrabifreiðar og kostnaður vegna bílstjóra árið 2017. Eftirgreindar tölur byggjast á sömu gögnum og eru afskriftir ekki inni í rekstrarkostnaði ráðherrabifreiðar fyrir það ár. Hár launakostnaður afleysingabílstjóra á árinu 2017 skýrist af forföllum vegna veikinda bílstjóra ráðherra.
Umbra, þjónustumiðstöð Stjórnarráðsins, tók yfir rekstur sérútbúinna ráðherrabifreiða og starfssamband við ráðherrabílstjóra í apríl 2018. Voru fjárveitingar vegna þessara verkefna færðar til fjármála- og efnahagsráðuneytisins frá sama tíma. Eftirgreindar tölur byggjast því m.a. á kostnaðarupplýsingum frá Umbru. Vakin er athygli á því að rekstrarkostnaður ráðherrabifreiðar fyrir árin 2018 og 2019 inniheldur kostnað vegna afskrifta.
Tegund | 2017 | 2018 | 2019 |
Laun bílstjóra | 12.969.391 kr. | 16.134.622 kr. | 18.862.315 kr. |
Laun afleysingabílstjóra | 6.346.056 kr. | 1.602.585 kr. | |
Rekstur bifreiðar | 2.800.853 kr. | 2.909.404 kr. | 3.483.439 kr. |
Samtals | 22.116.300 kr. | 20.646.611 kr. | 22.345.754 kr. |
3.–5. tölul. Eftirfarandi yfirlit sýnir gistikostnað, dagpeningagreiðslur og annan kostnað vegna ferða ráðherra innan lands á umræddu tímabili. Ekki eru greiddir dagpeningar vegna ferða ráðherra innan lands. Ekki var um annan kostnað að ræða.
Tegund | 2017 | 2018 | 2019 |
Gistikostnaður | 0 kr. | 49.600 kr. | 39.133 kr. |
Dagpeningagreiðslur | 0 kr. | 0 kr. | 0 kr. |
Flugfargjöld | 102.870 kr. | 152.894 kr. | 116.889 kr. |
Alls fóru sex klukkustundir í að taka þetta svar saman.