Ferill 195. máls. Aðrar útgáfur af skjalinu: PDF - Word Perfect.


152. löggjafarþing 2021–2022.
Þingskjal 204  —  195. mál.




Fyrirspurn


til fjármála- og efnahagsráðherra um hækkun frítekjumarks.

Frá Jóhanni Páli Jóhannssyni.


     1.      Hvernig má ætla að ábatinn af fyrirhugaðri hækkun frítekjumarks atvinnutekna hjá ellilífeyrisþegum, úr 100 þús. kr. á mánuði upp í 200 þús. kr., dreifist eftir tekjutíundum og kyni?
     2.      Hvernig myndi ábatinn dreifast eftir tekjutíundum og kyni ef almennt frítekjumark ellilífeyrisþega yrði hækkað úr 25 þús. kr. í 50 þús. kr.? Hver yrði árlegur kostnaður ríkissjóðs af slíkri hækkun almenns frítekjumarks?
     3.      Hvernig myndi ábatinn dreifast eftir tekjutíundum og kyni ef almennt frítekjumark ellilífeyrisþega yrði hækkað úr 25 þús. kr. í 100 þús. kr.? Hver yrði árlegur kostnaður ríkissjóðs af slíkri hækkun almenns frítekjumarks?
     4.      Hvernig myndi ábatinn dreifast eftir tekjutíundum og kyni ef frítekjumark atvinnutekna hjá örorku- og endurhæfingarlífeyrisþegum yrði hækkað úr 109.600 kr. upp í 200 þús. kr.? Hver yrði árlegur kostnaður ríkissjóðs af slíkri hækkun frítekjumarks atvinnutekna öryrkja?


Skriflegt svar óskast.